نور الظُلماتِ....
لا تنسون التصويت+ التعليق
.............................
قمر
گلتلها هيچ ودفعتها باوعتلي بتوتر وأردفت
ساره: ش شنو تحجين انتِ
قمر: لتسوين نفسچ مَتعرفين شيء ادري انتِ الي دزيتي اخوچ القذر عليه
ساره: اي يله انه دزيته شنو تردين تسوين يعني؟ اصلاً ما عندچ دليل عليه
ضحكت وهزيت راسي وأردفت
قمر: اي صحيح حالياً ما عندي دليل بس عن قريب حيصير عندي
باوعتلي بخوف وهيَ مفاهمه شيء ابتسمت ورحت باوعت المرام وأردفت
قمر: مرام جيبي تليفونچ وتعالي وياي
هزت راسها ب أي ونشفت ايديها اخذت تلفونها وأجت صَعدت وهيَ وياي دخلنه للغرفه مالتي رحت جبت لابتوبي وأردفت
قمر: انطيني حساب هاذي الكلبه
أنطتني الحساب وهيَ تباوع بأستغراب شوي وأردفت
مرام: قمر شتسوين بحسابها؟
ابتسمت بشر وأردفت
قمر: بسيطه بسيطه اني اعلمها بس خلي يجتمعون وره الغده اني اعرف شلون اتصرف
مرام: خوش براحتچ انه نازله اذا تردين شيء صيحيني
قمر: تمام روحي
راحت واني هكرت حساب ساره وبديت ابحوش انقرفت منها شفت أشكال وألوان مَمبقيه واحد مَمصاحبته ايع مقرفه ضليت ادور لحد ما لگيت محادثتها وي اخوها العار دا يتفقون شلون يجيني وشنو يسوي بسيطه بسيطه اخذت سكرين للمُحادثه وحولت البصمات وسديت الأبتوب وتمددت العب ب تلفوني شوي وگمت نضفت غرفتي ورحت للغرف مال ولد اشوفهم اذا نضيفات دخلت لغرفة دمار شفتها نضيفه بس شامر ملابسه ب الگاع والجربايه مخربطه اخذت ملابسه الي تحتاچ غسل حتى احطهم ب الغساله ورتبت الجربايه وعطرت الغرفه وطلعت رحت الغرفه زين شفتها مرتبه وهم بس الجربايه مخربطه رتبتهه وطلعت الغرفه ذيب مرتب غرفته والجربايه هم مرتبه طلعت الغرفه غيث وليث يبوووو انصدمت منها عباره عن هوسه الملابس بصفحه الفرشه بصفحه والهوسه وأوراق ما اعرف مال شنو ب الگاع مشمرات نضفتها ورتبت الأوراق وأخذت الملابس حتى اغسلهم جبت مُعطر ورشيت ب الغرفه وأخذت الملابس وطلعت شفت بنهاية المُمر باب توقعته حمام رحت اشوف اذا بي غساله وصدُگ شفته حمام حيل جبير و لگيت بي غساله بنهاية الحمام رحت حطيت بيها الملابس وغسيل وياهم وشغلتها انتضرتها لحد ما خلصت وحطيتهم ب السله وصعدت فوگ اشرهم شفت سطح حيل جبير شريت الملابس عہ الحبل وأخذت السله ونزلت شفت مرام توها دا تصعد شافتني وأردفت
مرام: ها شنو تسوين فوگ؟
قمر: رحت أشر الملابس
مرام: ياا ليش ما صحتيني انه اشرهن
قمر: لا عادي هنه ملابس
مرام: چا يله تعاي تغدي
قمر: تمام دقايق وأجي
هزت راسها ونزلت واني رحت الغرفتي لبست بَدي اسود نص ردن وتَركسود رصاصي بي سويتر ابو السحاب خليت السويتر مفتوح وعدلت شعري رشيت عطُر وحطيت مرطب بناتي بي لون احمر خفيف حيل نزلت جوه شفتهم كُلهم مجتمعين والولد جايين من الشغُل ابتسمت وأردفت
قمر: مساء الخير عيني
الكُل: مساء النور
ابو دمار: تعاي بابا گعدي يمي
ابتسمت ورحت يمه گعدت بينه وبين ماما وهمَ بدو يوكلوني خلصنه والبنات شالو المواعين وهم ردت اشيل وياهم وطردوني سون چاي وگعدو يشربون واني گعدت أشرب گهوه واباوع الساره وابتسم بشر
...................................
مرام
أنت تقرأ
نور الظُلماتِ
Romanceهيَ نورً للظُلماتِ وقمرً مُضيءًُ في اليلِ ملاك بريئ ونسمه جميلة هيَ حسناءًُ رقيقه چذابه مُثيرة وقوية تتعرض للضرب والتحرُش حتَ تتغيرحياتُها في يوم وليله وتظهر عائلتُها ألتي أفتقدتها منذ أن كان عُمرها 5سنوات وتذهب معهم هل ستعيش بسلام وراحه أم سوف تواج...
