نور الظُلماتِ
لاتنسون التصويت+التعليق
.................................
انصدمنه من كلام جدو صار هدوء محد حچه شوي واردف ابو اسينات
: موافقين بس بشرط!!
الشيخ علي: شنوه؟
: نريد مهرها 80 مليون وكله النه هيَ ما تاخذ شيء
باوعت الاسينات غمضت عيونها بوجع انقهرت عليها ابوها دا يبيعها حالياً شوي واردف جدو
الشيخ علي: هاي هيَ موافقين
: خوش هسه خلي ناخذها ويانه وتعالوا خطبوها
الشيخ علي: لااا تبقى هنا وهسه يچي الشيخ ويعقدلهم والعرس الاسبوع الجاي!!
ضلوا يتناقشون وگوه اقتنعوا شوي ودخل ياسر باوعلنه وأردف
ياسر: چاي بسرعه
عمه ايلاف: مرام تعاي سوي چاي ب القوري الچبير
راحت مرام تسوي چاي تقربت من اسينات وأردفت
قمر: هذا احسن حل صدگيني
باوعتلي بعيون مدمعه وهمست
اسينات: قمر ابوي باعني تعرفين شنو يعني باعنيي حتى لو تزوجت عمچ بعد ما يحترمني لأن ابوي باعني اله ويحچي عليه ويسب بيه بنص الديوان ابوي يطعن بشرفي گدام الوادم الغربه صعبه ومو هينه ابد يا فشلتي ولله يا فشلتي گدام الوادم ولچ بعد شلون اباو؏ بوجهم شلون
گالت هيچ وغطت وجها تبچي تنهدت وحضنتها
قمر: حبيبتي عمو صگر مو مثل ما انتِ متخيله صدگيني مَيقلل من احترامچ واذا صدُگ سواها اني بنفسي اخلي يطلگچ انتِ صرتي وحده من عدنه شلون نقلل من احترامچ
هزت راسها ساكته اجه ياسر اخذ الچاي اتفقوا الفلوس باجر ياخذونها وره فتره طلعوا روحه بلا رجعه اجت شهد وأردفت
شهد: جدي يريد يحچي وي اسينات
باوعتلي اسينات وهزت راسها ب لا
قمر: گومي يله لَتخافين
اسينات: لا قمر عفيه ولله استحي منهم
قمر: اسينات احنه شنو حچينه الغلط من ابوچ لازم هوَ الي يستحي مو انتِ!!
هزت راسها ساكته رحنه للصاله الكُل مجتمعين جدو باوع الاسينات وأردف
الشيخ علي: تعاي بويه تعاي
راحتله وهيَ منزله راسها حچت بصوت ناصي
اسينات: ها عمي
الشيخ علي: ليش مستحيه؟ ما اريدچ تفكرين بكلام ابوچ ولا تهتميله دامچ صرتي چنتي بعد محد يطخچ وثقي ب الله لو ما اعرف ابني صگر رجال ونعم منه ما جان خطبتچ اله
YOU ARE READING
نور الظُلماتِ
Romanceهيَ نورً للظُلماتِ وقمرً مُضيءًُ في اليلِ ملاك بريئ ونسمه جميلة هيَ حسناءًُ رقيقه چذابه مُثيرة وقوية تتعرض للضرب والتحرُش حتَ تتغيرحياتُها في يوم وليله وتظهر عائلتُها ألتي أفتقدتها منذ أن كان عُمرها 5سنوات وتذهب معهم هل ستعيش بسلام وراحه أم سوف تواج...
