نور الظُلماتِ

"بارت3"

نور الظُلماتِ..
لاتنسون التصويت..
...........................
مرام

نفتر ونرتب ونطبخ بكل حماس وفرح بعد ما عرفنه بت عمي الي مخطوفه لگوها ومرت عمي ممصدگه كل شوي تگول خاف جاي احلم ممصدگه راح تشوف بتها من بعد فراق دام 12سنه وهسه راح تشوفها ما أدري احس بشعور حلو ومو حلو لأن هيَ صارلها سنوات هوااي مو يمنه واكيد هسه ناسيتنه شلون راح تتقبلنه؟ تنهدت وتقربت من شهد شفتها صافنه عطت

مرام: شهددد

نزت ولزمت گلبها باوعتلي بغضب وضربتني على راسي

شهد: وسم حتى سم شبيچ خرعتينييي
ضحكت وغمزتلها

مرام: شعندچ صافنه وأيدچ على الخد بس لا عاشگه وبالچ احد

ابتسمت بخجل وضربتني على ايدي

شهد: مرام الخبله شوكت تبطلين سوالفچ وبعدين ويني وين العشگ بس جاي افكر أبت عمي

مرام: اي انا هم افكر بيها برأيچ راح تتقبلنه وهيَ ما ربت ويانه ولا تعرفنه؟

تنهدت وگالت

شهد: ولله ما أدري انا حتى شكلها ما اعرفه الصور الي عدنه بس لمن جانت طفله

مرام: اي ولله بس هيَ حليوه من الصغر اكيد هسه صايره صاكه مصكصكه

ضحكت شهد وهزت راسها اجت يمنه ساره الزرگه وگالت

ساره: شكو خابصين روحكم وتحضرون عبالك مادري ياهو الجاي

مرام: وانتِ شبيچ راح تموتين طبعاً نحضر ونرتب ونخبص روحنه غير بت عمنه جايه

عوجت حلگها معاجبها وگالت

ساره: لا هلا ولا مرحبا

شهد: لا هلا ولا مرحبا بيچ ولله لو يسمعچ جدي لو واحد من الولد ما يبقوچ دقيقه هنا وما عدهم مانع يطردوچ همه حالياً عدهم اهم شيء نور

مرام: اي مثل مگالت شهد وديري بالچ تحجين كلمه غلط وي نور لو تضوجيها تره البيت گله يصير ضدچ

ساره: وليش عيني يطردوني انا الي ربيت عدهم ويعرفوني كلش زين ويبقون هاي بت الشوارع الي ما أدري من يا زباله راحو يجيبوها وخبصونه بيها شمدرينه شبيها ما بيها هسه تلگيها يوميه بحضن واحد

فتحت عيوني بصدمه على كلامها وشلون تحجي هيچ وهيَ بعدها مملتقيه بيها وهيچ تحجي باوعت الشهد وأشرتلها بعيوني طفرنه انا وشهد عليها وشبعناها تكفخ وهيَ بس تصرخ جنها هايشه فوخنه گلبنه بيها اجو كلهم بس يردون نوخر من عدها واحنه مستمرات ما نرضه نوخر لحد ما صرخت بينه بيبي يله گمنه باوعتلنه بغضب وحجت

الشيخه: شنهي انتن زغيروناتتت وحدتجن جنها هايشه وجاي تتعاركننن

توها تريد تحجي ساره وانا بسرعه حجيت

مرام: بيبي احنه شعلينه جنه نرتب وانضف فرحانات لأن راح تجي بت عمنه وهاي ساره اجت تحجي وتغلط وتگول شبيكم خابصين روحكم هيَ الي راح تجي وحده من الشارع والله يعلم جم واحد نايم وياها