نور الظُلماتِ...
لا تنسون التصويت+ التعليق
...............................
قمر
جانت شهد گاعده ب الگاع وگبالهه حيه سوده وكبيره تخوف حيل تخوف بلعت ريگي بخوف واسد اشرلنه نسكُوت وهم شهد سكتت بس خايفه راد يروح ذيب ولزمه دمار وهمسله
دمار: ذيب لا تتخبل هسه اي حركه تروح تلدغها خلينه هادئين لأن إذا سمعت صوت تروح تلدغ شهد وهيَ قريبه عليها عوفهه اسد يتصرف هوَ يعرف بهاي السوالف
سكت ذيب ورجع خايف ع شهد راح اسد من وره الحيه ويتقرب شوي شوي لحد ما لزمها من راسها وسد حلگها وهيَ بدأت تلتف عليَ باوعتله بخوف وأردفت
قمر: اسد دير بالك دا تلتف عليك!!
باوعلي وابستم يا هذا شبي يبتسم ولا عبالك حيه تخوف بأيده اخذ گونيه وحط بيها الحيه واخذوها هوَ ودمار وعمو صگر وطلعوا بره ركضنه الشهد الي بعدها تبجي بخوف باوعلها ذيب وأردف
ذيب: ها شهد بيچ شيء احچي لا تخوفينه عليچ
هزت راسها ب لا وهيَ تبجي
شهد: ل لا ب بس خفت
ابو اسد: يله بابا يله حبيبتي راحت بعد ماكو كتلوها لتخافين
حضنت امها بخوف وتردد
شهد: رادت تاكلني
ام اسد: اسم الله يمه راحت تولي لا تفكرين بيها
قمر: تعالي حبيبتي تعالي اغسلچ
گومناها اني ومرام غسلنالهه وضلينه نتشاقه وياها حتى تنسى
قمر: اي عينيييي شفتي اخويه شلون خاف عليچ
مرام: اي ولچ شفته يريد يروحلها
ابتسمت بخجل وأردفت
شهد: فديته حبيبي
ذيب: يروحلچ فدوه حبيبچ
ضحكنه اني ومرام وشهد تريد تطم روحها من الخجل واخويه مكيف يضحك ع خجلها
قمر: يمه بطني ولك ذيب روح البنيه حتموت من الخجل انتَ منين طلعت
ضحك وشمرلها بوسه ب الهوه وراح ضحكنه وهيَ تضرب بينه حتى نسكُوت اخذناها ورجعنه للصاله وهمَ يتطمنون ع شهد ويسئلوها شلون صارت شوي ودخلوا اسد ودمار وعمو صگر يضحكون
ابو دمار: هاا شني سويتوا شو تضحكون
اسد: كتلناها
قمر: ايععع
اسد: هوَ شني ايع؟
قمر: يعني ايع شلون كتلتوهه مَتلعب نفسكم
ضحكوا كُلهم وأردف اسد
اسد: هاي بس كتلناهه بس ب التدريب العسكري ناكلها
قمر: شنوووو؟؟!!
دمار: اي لا تنصدمين هذا التدريب العسكري ناكل حيوانات نيه
YOU ARE READING
نور الظُلماتِ
Romanceهيَ نورً للظُلماتِ وقمرً مُضيءًُ في اليلِ ملاك بريئ ونسمه جميلة هيَ حسناءًُ رقيقه چذابه مُثيرة وقوية تتعرض للضرب والتحرُش حتَ تتغيرحياتُها في يوم وليله وتظهر عائلتُها ألتي أفتقدتها منذ أن كان عُمرها 5سنوات وتذهب معهم هل ستعيش بسلام وراحه أم سوف تواج...
