العوض الجميل

الجزء 34

#العوض_الجميل
#ليلى_كريم
#بقلم_فريال
الجزء 34
صباح نضت هبطت لتحت لقيتهم كامل نايضين ويفطرو ونصهم وجدو رواحهم باش يروحو لديارهم بقاو غير خواتاتي ونسا خاوتي يفرزو في دار، انا فطىت وقعدت قدام ماما قولتلها راني خارجة ذوك _ ياك ليوم متخدميش _ هيه منخدمش بصح عيطلي كريم وقالي نتلاقاو _ ايه معليش روحي نطقت سمية من لهيت قالتلها ايه ربحت من بكري تحب التزوقيل ودوران وزادت عقدت شكون يشدها في دار ذوك قالتلها ماما وش دخلك ياك راجلها تخرج معاه عادي مابقاش لعرسهم _ ايه تخرج وتزيد تبات اصلا وش يضملنا بلي مارقدتش عندو تقولنا رايحة نخدم بصح شكون شافها وين راحت نطقت انا قولتلها مايقرأ السفيه الا مافيه هذو خدايمك انت اذا نسيتي نفكرك مع تخطبتي برك وليتي تخرجي معاه وكي عقدتو كنتي تروحي تباتي عندو وتكذبي على ماما وتقوليلها راني عند بيت عمي نسيتي ولا لا قبل ماتحكي عليا شوفي لروحك اسع، جات نايضة ليا وتعيط يما عليها قالتلها ترباي شوي مش ديما تتبلاي في ختك وتشوهي في سمعتها متنسايش بلي حتى انت عندك طفلة خافي عليها _ هههه بعيد الشر لا تخرج بنتي كيفها انا بنتي احسن منها وراح ترفعلي راسي بين ناس _ تاع وجهك تخرج بنتك الصايعة لبنتي ليلى بنتك الريح الي يجي يهزها بصح ليلى ثقيلة ورزينة وش جاب لجاب _ ايه عندك الحق وش جاب لجاب وش جاب الشارفة تاع ليلى لبنتي الصغيرة الي جاية لدنيتها _ يحصلك الشرف باش تقارني بنتك الق** بخالتها زين ودين وطاعة لوالدين وفوقها قارية وخدامة وجامي غلطت ولا دارت كاش حاجة ديما تحوس على رضاية والديها على عكس شي عباد _ وش قصدك انا مانيش محتارمة والديا وش تقصدي يا ماما بهاذ البساطة تقلبتي عليا وتبدلتي ياك ديما واقفة معايا ضدها ولا كي راح تزوج بدلتيني بيها ايه في حقك هي قرات وخدمت وراح تزوج وانا ماكملتش قرايتي حبست والي خلاني نحبس انت _ ماحطيتش الموس على رقبتك وقولتلك حبسي بالسيف كنت قادرة ترفضي وتكملي قرايتك بصح انت سبة ولقيتيها اصلا ماكنتيش تاع قراية وش يبالك ماكنتش عارفة وش ديري تظلي تغيبي وتروحي ترندفي مع الرخيس هذاك ولوكان مش انا الي روحت وزيرتو مكانش راح يتقدم ويخطبك الله يخبطك بضربة تخليك تترباي وتحبسي مشاكل وتبلي لناس _ صحيتي زيدي كملي عايريني قدام الناس _ هذو مهمش ناس هذو عايلتك نهار طيح بيك تلقايهم غير هوما _ نلقى الشعر من غير راجلي وولادي مانلقى حتى واحد _ ايه هذاك الراجل الي في اقرب فرصة يبدلك وقولي يما ماقالتش وهاهو وجهي اذا ماخلاكش تبكي دم من وراه _ دزي معاهم _ اخرجي عليا الله لاتربحك كلبة _ من بكري رايحة منيش قاعدة لعندك وانت يا ليلى متفرحيش بزاف ممكن في أي لحظة يتلغى عرسك ويطلقك راجلك واذا معولة على يماك وفارحة بيها كعاد تبدلت نحب نقولك بلي هي كان عندها يد في تحطيم حلمك وبسبابها ماقدرتيش تحققيه _ سمية بلعي تزيدي كلمة نتبرا منك _ وش اماما خفتي نقولها وش درتي وتكرهك.
#فريال