العوض الجميل

الجزء 54

#العوض_الجميل
#ليلى_كريم
#بقلم_فريال
الجزء 54
فوت 15 يوم يهبلو يهبلو نرقدو لنص النهار نفطرو ونخرجو لبرا نبقاو ندورو لنص ليل باش نروحو ولثم يشدني كريم مايطلقني حق ماخرجني في نهار نسلكو فليل نبقى معاه شوي ونقصرو نصليو الفجر مع بعض ونرقدو، ماخلا مايشريلي اي حاجة نحط عيني عليها يجيبهالي بلا مانقولو مغرقني بحنانتو ورومانسيتو بالو طويل خلاص مايتقلقش وانا ثاني مانعاندوش كي نخرجو لبستي مستورة ومانديرش مكياج كيما موالفة قبل زواجي ونمشي وانا حاكمة يدو مانخزر مانتوله لحتى واحد واصلا مايهمنيش عندي راجلي يكفيني ومعبيلي عيني حتى هو مايشوفش ومتربي قداش من مرة لاحظت النسا يشوفو عندو ويبقاو يعراضو قدامو وهو مايديهاش فيهم وكي شفتو هكا سكت مابغيتش نوض نشوهلهم وجوهم وندير مشكلة من والو. كنا معولين نقعدو شهر بصح ماكتبتش وكريم عيطولو من خدمتو قالولو لازم تجي ايا لمينا قشنا ورجعنا ليلة هذيك وهو مش عاجبو الحال قالي لوكان علبالي راح يعيطولي والله نطفي تليفون ونتهنى بصح زهري معاكسني مخلاونيش نشبع من مرتي _ خدمتك لازم تروح مكانش كيفاه تقعد _ ايه عندك الحق خدمتي عزيزة عليا وكانت من اولوياتي بصح ذوك تبدلت اهميتها _ علاه _ جات الي تدي بلاصتها _ شكون _ علبالك كي تبقاي ديري هكا وماتفهميش عليا نحير فيك كيفاه قريتي طب ووليتي طبيبة ياك متأكدة قريتي بجهدك ماشي دخلتي فيها معارف _ والله غير قريت تعبت باش وصلت وواحد ماعاوني تحديت الكل باش كملتي قرايتي _ نتمسخر مع حبيبي برك ماتزعفيش بصح انت السبة _ وش درتلك _ ها انا نتغزل فيك وانت تخربي كلش قولتلك جات الي تدي بلاصة خدمتي والي هي انت مرتي حبيبتي عمري _ علاه تبدلت اهميتها ياك تحب خدمتك ملازمش تخليها _ ياربي صبرني على المرا هذي هاربي كيفاه نخليك انت ونروح للخدمة _ عادي وش فيها هاني انا نرجع نخدم _ انت بغلة ماتفهميش تاع الصح انا نخلي الطراوة والحضن الدافي ونروح نقابل صحابي الي كيف لحيوط ناعلبو الخدمة هذي الي تخليني نبعد عليك نبقى مقابلك ومقابل التضاريس تاوعك ليل ونهار خير _ والله ماحطيتك هكا عيب عليك _ وعلاه وش درت _ شوف انت وش راك تهدر _ ماهدرت والو من غير الحقيقة وياك مع مرتي نحكي فكلش تبالي مزالك تحشمي مني حتى بعد وش ندير فيك فليل ياووو المشية تلفتلك ومزالك تحشمي راح نعاني معاك بزاف انت _ وين تلفتلي المشية راني نمشي عادي انت برك ماتشوفش مليح _ ايه كي نوصلو لدار امشي قدامي ونشوف اذا المشكل من عينيا ولا فيك انت. ماطولناش بزاف كيف المرة الي فاتت ولحقنا ولا كعاد بقيت نحكي معاه ونقصرو ونتناقشو ماحسيتش بالطريق جاتني قصيرة بزاف.
#فريال