العوض الجميل

الجزء 52

#العوض_الجميل
#ليلى_كريم
#بقلم_فريال
الجزء 52
نضت دوشت وكان ديجا آذن الظهر صليتو (صاي كنت رتحت ديجا ماكان والو مش حاجةالي تخلع بزاف نحير في النسا الي يخلعو في بعضاهم ويقولو الدم ينزل بزاف تقول راح يذبحك هو صح ينزل بصح ياربي قطرات برك كيما انا مع لول مانزلش مع لول وتقلقت صح بصح علبالي بالغشاء تاعي من النوع الصعيب بعد عدة محاولات باش فراها وهكاك ماهبطش الدم حتى وقفت على ركابيا باش هبط وشويتح برك مش شلال كيما يقولو ناس). روحت نشوف وش ندير للغدا جعت بزاف لقيت كريم ورايا مام هو دوش وجا ليا باسني من خدي قالي فواش تخممي _ وش ندير لغدا _ خلي عليك ذوك نخرج نجيب من برا _ لا مكلاه اصلا مانحبش ماكلة برا نحب تاع دار خير _ ايه مليح حاجة مشتركة بيناتنا وش راح ديريلنا ليوم _ ذوك نشوف وش كان ومن بعد نقرر _ جبت كلش لبارح واذا كشما خص قوليلي نجيبو ليوم باش مانزيدش نخرج _ علاه _ جيت هنا باش نبقى مع مرتي راس عند راس طول عمري وانا هامل برا كرهت نحب نقعد لداخل واصلا برا بارد الحال رانا فراس جبل يليق حضن دافي ونديرو فيها فيلم شباب ولا كاش حاجة المهم مانبعدش عليك _ ياا كريم انا حابة نخرج ندور شوي _ ايه نخرجك ماتخافيش. درت نوجد فلغدا وكريم يعاون فيا قالي تعلمت نطبخ كي كنت نخدم بعيد كعاد مانحبش ماكلة برا اضظريت نتعلم بالسيف عليا انا خلعني راجل هذا كل مرة نعرف عليه حاجة جديدة الي قال المظاهر خداعة ماغلطش صح هو من برا يبان متكبر وقبيح بصح كي تقربي منو تعرفي بلي انسان متواضع ويحب يخدم كلش بيدو مايعول على حتى واحد. كملنا وجدنا لغدا تغدينا مع بعض ولبسنا قشنا خرجنا فتنا على السوبيرات جبنا وش خصنا وزدنا روحنا دورنا شوي كانو بلايص شابين هي ديجا الولاية هذي كامل تهبل جاية جيهة جبل وجيهة بحر ومع الجو ربيعي روعة تعشينا ودخلنا لدار انا مزالني متغششة ونخمم في كلام اخت جداتو كيما حاولت ننسى ماقدرتش وحتى من كريم فاقلي بلي منيش مليحة، مع دخلنا لدار بدلت قشي صليت انا وياه ورحت تكيت بغيت نرقد نهرب من كلش جا ليا قالي نحكيو لبارح فليل خليتك تعبانة بصح ليلة هذي تحكيلي وش الي مزعفك ومخليك تخممي هكا وش قالتلك جدة حورية( اخت جداتو يعيطولها ثاني جدة وحورية اسمها) حتى تقلبتي كنت فرحانة ليه ليه تقلبو حوالك ضربة وحدة _ مكان والو تعبت برك _ شوفي فيا مليح يبالك انا حمار مانفهمش _ لا حاشا وش دانا للكلام هذا _ امالا احكيلي وش بيك مانيش حمار باش منفهمش ونعرف بلي مكيش مليحة ياتحكيلي انت وتقوليلي وش صرالك يا نعيط لجدة وهي تقولي كلش _ ماكان والو _ معليش انت بغيتي، رفد تليفونو جا يعيط لجداتو حبستو قولتلو خلي مكلاه تعيطلها فليل تخلعها تكون راقدة عيب _ مش عيب خلاص خلي نحكي معاها وتفهمني وش كان _ صاي مكلاه تعيط ذوك نحكيلك اقعد برك _ صحيتي هكا نحبك.
#فريال