العوض الجميل

الجزء 57

#العوض_الجميل
#ليلى_كريم
#بقلم_فريال
الجزء 57
فوتنا عشية هايلة جاو سلافاتي المتزوجات مع ولادهم تلمينا كامل ( كريم عندو 4خواتاتو مزوجين كامل من غير بشرى كثر مني بعامين عاقلين كامل وعندو 5خاوتو 4 متزوجين وواحد بقا بلا زواج مابغتش يتزوج) قعدنا شوي وزادت لحقت جداتو وختها وياربي ربي عليها ماتحشم ماتعرف الحشمة كيف دايرة ماخلات سلافاتي ماخلات نسا سلافي الي تلقاها مغطية رقبتها تقولها علاه وش راجلك شوهلك رقبتك ووليدنا سبع والله يبارك خارج لجدو الي كان هالك ختي مايخلي فيها والو وديما عڨابها تخيلو تولد منا تلحق لربعين تزيد ترفد وكان مايخرجش من دار وحتى من مسود السعد تاعي كان هكا الحلوف يكرشني ويروح يحوس انا نحصل مع ولادو وهو يرتاح كان يقوليجيبي لولاد تلقايهم في كبرتك وذوك هوما بديارهم وانا بقيت وحدي. ناضو سلافاتي يديرو لعشا هوما ونسا سلافي نضت نعاونهم مجاياش نبقى قاعدة وهوما يخدمو كعاد في بزاف ليه ليه كملنا لعشا وجدناه آذن لمغرب صلينا وبدينا نوجدو رجال حطينالهم في صالة مونجي ولولاد صغار درنالهم طابلة وحدهم وحنا نسا كلينا في الكوزينة قالتلي عجوزتي حنا ديما هكا كي نكونو في بزاف رجال وحدهم ونسا وحدهم وقليل وين نتلمو على طابلة وحدة فلفطور برك. كملنا تعشينا غسلو بنات سلفي لماعن وسيقو لكوزينة حنا قعدنا في الصالة نقصرو وحدنا بقينا من حكاية لحكاية حتى لحقت 3 تاع صباح مافقناش خلاص انا جيت نفرش نرقد معاهم انا ونسا سلافي مخلاتناش اخت جداتو قالتلنا قودو لرجالكم مكفاش ساهرين ل3 وتزيدو ترقدو بعاد عليهم امشيو عيب تخلو فراشكم فارغ، دارتلنا درس على زواج وكيفاه تكسبو رجالكم وعيب نخلوهم وحدهم وحتى ونكونو مراض لازم نولفوهم ديما يرقدو عندنا قولتلها في قلبي انا الي والفت نرقد عندو مانعرف كيفاه ندير بلا بيه عشقت وعشقت حنانتو. طلعت لداري فت لشومبرة مع شعلت ضو لقيتو متكي ويتفرج قولتلو علاه مارقدتش راحل لحال _ نستنى فيك تجي ونرقدو مع بعض بصح انت تبالي عجبوك لحكايات لدرجة نسيتيني ونسيتي تليفونك هنا ناس تعيطلك وانت ولا على بالك _ اي والله حكايات جداتك يهبلو وزيد مع لبنات روعة بديت نتعرف عليهم _ عجبوك _ شكون _ ناس الي كنتي معاهم لتحت _ اي والله يهبلو وهايلين روعة روعة جداتك ختها خواتاتك نسا خاوتك يماك يعرفو يقصرو _ مدام عجباتك اخت جداتي تسمى صاي _ وش الي صاي _ صاي طارتلك لحشمة لانو هي تحكي برك وماعندهاش فرانات _ ايه صح تحكي برك بصح حنينة _ ايه بدلتيني بيها _ لا بعيد الشر نبدلك انت تبقى خير منهم كامل  _ علاه _ انت راجلي اولى منهم ورقم واحد بالنسبة ليا _ ايه تسرح لسانك كملي عبري واحكي الي في قلبك والله راني ناشف خلاص على الاقل نشبع من لكلام مدام مانيش شابع من حوايج خرين _ والله ماتحشم انا نحكي على حاجة وانت تفهم حاجة خلاف نيتك ديما هاربة للعيب _ ووين حابتها تهرب مثلا _ انا نروح نبدل ونرقد خير _ روحي وارواحي نرقدك عندي.
#فريال