Unicode
သန်မာတဲ့ ယောကျ်ားကြီး တ ယောက်ကယီဝေရဲ့ ပါးစပ်ကို ပိတ်ကာ ကားထဲကိုအတင်းတွန်းပို့ ပီး " ငါတို့သူဌေးကမင်းကိုတွေ့ချင်နေတာ ..ငါတို့ဘာမှမလုပ်ဘူး..တကယ်လို့မင်းမပူးပေါင်းရင် ငါတို့မင်းကို အတင်းခေါ်ရလိမ့်မယ်"
ယီဝေ သည်သူ့ကိုယ်သူအတတ်နိုင်ဆုံး တည်ငြိမ်အောင်ကြိုးစားပီး ရုန်းနေတာကိုရပ်ပီး ခေါင်းညိမ့်ပြလိုက်ရာ ထိုလူသည် ပါးစပ် အုပ်ထားသောလက်ကိုလွှတ်လိုက်သည်။
" မင်းတို့သူဌေးကဘယ်သူလဲ" ယီဝေ သည်အလွန်စိုးရိမ်နေသည်။ဒီလူတေရဲ့ ရည်ရွယ် ချက်ကသူ့ကိုထိခိုက်စေမည်လားဆိုတာသူမသိပေ။ ယခုသူသည် ခန္ဓာကိုယ် အားနည်းနေပီး အကြမ်းဖက်မှုနည်းနည်းမျှတောင်ခံနိုင်ရည်မရှိပေ။
" မင်းရောက်တဲ့အခါသိလိမ့်မယ်....မင်းငြိမ်နေသ၍ငါတို့မင်းကိုဘာမှမလုပ်ဘူး"ထိုလူကပြောပီး ယီဝေရဲ့ ဖုန်းကိုယူလိုက်၏။
" မင်းတို့ငါ့ကိုဘယ်ကိုခေါ်သွားတာလဲ" ယီဝေ ကထပ်မေးလိုက်တယ်။
သူ့မေးခွန်းကိုဘယ်သူ့မှပြန်မဖြေပါဘူး၊ ကားသည်အရှေ့သို့ လျင်မြန်စွာ သွားနေ၏။ယီဝေ သည်သူ့လက်ထဲက စက္ကူအိတ်ကို တင်းကျပ်စွာဆုပ်ကိုင်ထားပီး စိတ်တည်ငြိမ်အောင်ကြိုးစားသည်။ဘယ်သူကသူ့ကို ဤနည်းဖြင့်ခေါ်ဆောင်သွားပါစေ၊ အခြားသောသူကဘယ်သူဘဲဖြစ်နေဖြစ်နေ သူကတော့ သတိနိုးကြားနေရန်လိုသည်။အကယ်လို့ သူသတိမေ့မြောနေပါက ထိုလူများက သူ့ကိုဘာလုပ်မည်ကိုမသိပေ။
ဇိမ်ခံဟိုတယ် ၏ တံခါးအပြင်ဘက်တွင် ကားသည်ရပ်သွားကာ ယီဝေ ၏ ဘေးနှစ်ဘက်စလုံးမှ လူများက သူ့ကိုခန်းမထဲသို့ ခေါ်သွားကြသည်။
ယီဝေသည်သူ့လက်ထဲတွင်ချွေးများထွက်ကာ သူတွေ့ရမည့်လူက သူ့ကို နာကျင်စေမည့်ခံစားချက်ကို ဆိုးဆိုးရွားရွားခံစားနေရသောကြောင့်ဖြစ်သည်။
ယီဝေ သည်ဓာတ်လှေကားထဲသို့မဝင်မှီ လွတ်မြောက်နိုင်ချေရှိမရှိကိုသိရန် အနီးအနားရှိအခြေအနေများကို လျိူ့ဝှက်စွာစူးစမ်းနေ၏။သို့သော် အလျင်အမြန်လေ့လာပီးနောက်ပြေးရန် သို့မဟုတ် လွတ်မြောက်ရန် တစ်စုံတစ်ဦးအား အကူအညီတောင်းရန် ဖြစ်နိုင်ချေမှာ သုညနီးပါးဖြစ်သည်၊သူ့ဘေးနားတွင် သန်မာသောအမျိုးသားငါးဦးရှိပီး၎င်းတို့သည် ပရော်ဖက်ရှင်နယ် သက်တော်စောင့်များဖြစ်ကြောင်းတွေ့နိုင်သည်။ သူသာအော်လိုက်ပါက ချက်ချင်းပဲ သတိလစ်မေ့မြောနိုင်သည်။
YOU ARE READING
အဆင့်အတန်းမြင့်သောလူချမ်းသာကြီးရဲ့ဆက်ခံသူကိုမွေးဖွားပီးနောက်(ဘာသာပြန်)
RomanceAuthor - Tangerine Boat Status - (94 chapters + 1 extra) English Translator - kimrokso_o I have permission from English Translator. I do not own this novel.Just fun Translation.