Unicode...
မျက်ရည်လေးစမ်းတမ်းတမ်းနဲ့ငိုတော့မည့်အလားအလာရှိတဲ့ဂျွန်ဂယူကြောင့် ဟာရုတိုမြူးလာသည်။
သူ့ဓာတ်က ကိုကို့ကိုငိုအောင် စရတာပဲ။အခုလဲ သူ့လက်ထဲက ကျန်းဂုcandyချောင်းကိုတဝက်နီးပါးကိုက်စားလိုက်လို့ မျက်ရည်တွေဝဲပြီးဟာရုတိုကိုအံကြိတ်ပြနေလေရဲ့။
"တလုတ်ပဲဆို!"
"တလုတ်ပဲလေ ကိုကို့ဟာကပိစိလေးဖြစ်နေတာကိုး"
"မင်းပါးစပ်ကလူလိုကိုက်ပါလား ဒီcandyကတချောင်းထဲပဲရှိတော့လို့ငါတောင်နည်းနည်းချင်းဖဲ့စားနေတဲ့ဟာ"
ပြောနေရင်း အသံတိမ်ဝင်သွားတဲ့ကိုကိုကမျက်ရည်ပါကျလာတာမို့ ဟာရုတိုဆက်မစနောက်သင့်တော့မှန်းနားလည်လိုက်သည်။
"ဆော်ရီး တကယ်တော့အသစ်ဝယ်လာတယ်"
ကျောနောက်မှာဖွက်ထားတဲ့ ကျန်းဂုcandyအသစ်ကို ကိုကို့အရှေ့ပို့ပေးလိုက်တော့ ချက်ချင်းဆိုသလိုအငိုတိတ်သွားသည်။
"မငိုနဲ့တော့ ကျနော်ကချစ်လို့စတာ"
သူ့ထက်ခေါင်းတလုံးစာလောက်ပုနေတဲ့ကိုကို့နဲ့မျက်နှာချင်းဆိုင်ဖြစ်အောင် ခါးကိုကုန်းလိုက်တော့ မျက်လုံးလေးတွေက ကဏာမငြိမ်ဖြစ်လာသည်။
"ချစ်စရာကြီး"
"မချစ်နဲ့ ငကြောင်ကောင်"
ပက်ခနဲပြောပြီး သူ့ပုခုံးကိုဝင်တိုက်သွားတဲ့ကိုကို့ကြောင့် ချစ်ရေးဆိုနေတဲ့သူ့မယ် ကြက်ကြီးလည်လိမ်နေသလိုမျိုးကျန်နေခဲ့တယ်။
တကယ်နှလုံးသားမရှိတဲ့လူပါလား။လက်ထဲကမုန့်ကျယူသွားပြီးပြန်ချစ်ရကောင်းမှန်းမသိဖူး။ကျေးဇူးမသိတတ်လိုက်တာနော်။
*************************************
ဒီနေ့ဟာ ဂျပန်စာလေ့လာချိန်ဖြစ်တာမို့ ဟာရုတိုအတွက်အခက်အခဲရှိမနေပါ။ဘာလို့ဆို ဟာရုတိုကဂျပန်မှာမွေးခဲ့ပြီး ကိုရီးယားကိုပြောင်းလာတာ၄နှစ်ခန့်ရှိပြီဖြစ်တာမို့ ဂျပန်စကားကိုထမင်းစားရေသောက်ပြောနိုင်ပါသည်။
ဒီကိုကိုသေးသေးလေးကိုဘယ်လိုစတွေ့သလဲပြောရင်ရီချင်စရာကောင်းပေအုံးမည်။