اخوان الدعم بالواتباد كلش ضعيف وما اريد اوقف القصة فاتمنى من كل واحد يشوف البارت يعلق 10 تعليقات ما ياخذ من وقتكم بس ثواني واني دا ابقى ساعات اكتبلكم البارتات فقدرو تعبي بهالكم ثانية
#طرقات_نحو_الهلاك
بقلم #احمد
البارت_5
شهد.. كعدت الصبح كالعادة حطيت الجاي عالنار وكعدو بدر ونوال ومحمد بس احمد هالمرة مو ويانا وتكفل محمد بتوصيلي للمدرسة
تريكنا وكملنا ورحت على غرفتي علمود ابدل بس انصدمت من الي شفتو وصرخت صرخة يمكن سمعها سابع جار من قوتها
رحت للغرفة واني طايرة من الفرح سحبت العلاكة وفرغتها وانصدمت بانو الملابس صايرات عبارة عن خيوط بعرض الاصبع
انصدمت صدمة ما بعدها صدمة الصرخة طلعت من اعماق روحي ووياها حسرة بكد كمية الحماس الي جانت عندي قبل ما اشوفهن
اجو يركضون محمد وبدر ونوال عبالهم صار بي شي وانصدمو من شافوني ماسكة الملابس بايدي ودا ابجي عليهن بكل حركة
جانو يحجون وياي بس من قهري ما جنت اسمع شنو يحجون بس طخ باذني كلام نوال من كالت خلي نروح وهي تبقى بين ما نرجع ونشوف شصار
وعافوني ابجي بحسرتي وراحو جمعت الخيوط بحضني وتمددت ووبقيت ابجي لحد ما صار كلبي يوجعني وماعرف شلون رجعت نمت
كعدت على صوت سماح كالت عمة تريدج فتحت عيوني احس بيهن نار شلت الخيوط وياي ورحت للصالة كلتلها عمة شوفي
نسرين.. ياااااا هاي ليش هيج
شهد.. ماعرف منو كصهن
نسرين.. اكص ايدي اذا مو هذا مروان
سماح.. شدخل مروان عمة
نسرين.. لان ماكو احد يسوي هيج فواين غيرو
سماح.. عمة ترا محطوطات بغرفتها شيوديه لغرفتها
نسرين.. خلص شهد روحي لغرفتج بين ما ترجع شهد تشتريلج غيرهم
سماح.. خلي تجي تساعدني احسن ما تكضيها بواجي
نسرين.. سماح اذا ما انكلعتي من وجهي اكوم اطيح حظج وحظ ابنج وياج
شهد.. كلبت وجهها سماح وراحت للمطبخ واني رجعت لغرفتي ولان متأكدة ان مروان سوا ما طلعت ساعدت سماح
جنت اتوقع بهاي التصرفات اخذ ثاري بس تبقى كسرة الكلب موجودة لحد ما شترولي غيرهن وارجع اداوم بالمدرسة
ممكن البعض يكولون شدعوة هن ملابس بس محط عايش مثل عيشتي جنت كل كم سنة يادوب احصلي فد شي جديد
وبسبب ان احمد ما عندو شغل جنت بحاجة هواي اشياء وبالاخص ملابس المدرسة فطبيعي افرح حالي حال الجهال واضوج عليهن
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
