#طرقات_نحو_الهلاك
بقلم #احمد
البارت_19
شهد.. للامانة شكد شفت شباب يسولفون ويونسون بس مثل علي وعلاء ما شفت هيج مجرد تكعد. وياهم يدخلون بكلبك بدون استأذان
رغم اخر مرة جانو هنا جان اخوهم هسا متوفي وحزنانين عليه بس تحس هم اجو متعمدين من هتاك علمود يونسون اهل البيت
وفعلا من اجو البيت انترس ضحك بعدها لميت الستكانات ورحت عالمطبخ وبذاك اليوم بقو الحجية واسد لان البنات راح يجن
بقيت بالمطبخ الى ان قرب وقت العشى وجنت كاعدة وساكتة لان ام عهد ماتخليني اشتغل تكول احنا دا نشتغل بفلوس فلازم نحلل لكمتنا
واعتقد هي جانت تكول هيج علمود ما اتعب وهي ما تحب تخلي احد يشتغل الشغل الي عليها هي وبناتها فما جنت اجادل وازعجها
بعدها ترخصت ورحت للغرفة مالتي اكلت من الحلويات ورجعت بس حسيت عهد مو طبيعية كأنها حزينة وماعرف شصاير وياها
اجن البنات وسلمن على اهلهن واجت لين سلمت علي اني وام عهد والبنات بس هديل ما اجت وما فكرت بالموضوع اصلا
من كمل العشى بلشت انقلو اول شي واني الصراحة غشيمة ماعرف اسلم عالشخص اول ما اشوفو فنقلت بدون ما اسلم على هديل
هي جانت تباوعلي بنظرات غريبة وما اهتميت الها شوية ونزلو علي وعلاء ومن حطينا العشى كلو بدو يتعشون
شوية وسمعت هديل صاحت يالفصلية جنت اريد اكوم وسمعت صوت علي كال لا تجين شهد وماعرف شنو حجى وياها
عهد.. بدت رحمة الله عاد
الام.. شهد معليج بيها تجاهليها اليوم هي كم ساعة وتروح
شهد.. عادي يجوز ما تعرف اسمي
الام.. لا تعرفو واجيت هنا قبل ما تجين بيوم
شهد.. عادي مو مشكلة
رغد.. ابقي ويانا انتي لحد ما تروح
شهد.. تمام
حسيت من طريقة كلامهن ان هديل وراها مشاكل وبصراحة كلش انزعجت كل ما اخلص من واحد يطلعلي اسوء منو
بعد ما خلصو عشى نقلت العشى الباقي لحالي ولا وحدة بيهن شالت لو صحن واحد حتى الجناين كاعدات يباوعن ويبسطن سوالف
المهم شلت المواعين ولكيت رغد مكملة الجاي اخذتو وما جنت اعرف احطو كدام منو علمود تصبلهم واني ارجع للمطبخ
اخير شي كعدت صبيتلهم اني ووزعتلهم الجاي شلون كملت هديل كالت ايييييع شكد حاطة سكر هاج بدليلي الستكانة وجيبي السكر اني احط
رحت اخذت الستكانة وحطيتلها وحدة زايدة وصبيت بيها جاي وحطيت السكر يمها وماعرف ليش ركزت عليها من حطت سكر
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
