#طرقات_نحو_الهلاك
بقلم #احمد
البارت_26
اسد.. كعدت بسمة عالكرسي وصارت تبجي وكعدت امي يمها تهديها ومبين شكد تحب شهد ومتعلقة بيها وكأنها وحدة من بناتها
طارق.. شيخ راغب عرفنا الي صوبها
راغب.. منو
طارق.. واحد من القرية اسمو سردار بس ماعرف اذا كان متقصد لو لا
راغب.. وينو هسا
طارق.. محد يعرف بعد ما انتشر خبر اصابة شهد اختفى
اسد.. حظو حلو اذا يبقى مختفي لان بس يظهر ارجع اخفيه نهائيا
راغب.. وشلون عرفت هو
طارق.. اجاني ابوي البارحة طلب عطوة بين ما يلكون ابنهم والي تريدوه انتو هو وعشيرتو حاظرين
راغب.. تمام خلي تتحسن شهد بالاول والله كريم
طارق.. اني كلتلو راح غحجي ويا الشيخ راغب وارجعلك خبر
راغب.. كلو الشيخ راغب ينطيك عطوة لحد ما تتحسن البنت لازم يكون هو لكى ابنو
طارق.. تمام
صبيحة.. اسمعو الصوت هذا شنو
اسد.. من غرفة شهد جاي
دخلت ركض جنت متمددة على بطنها وتون اريد اطلع شفت رسول اجى كلتلو اركض جيب الدكتورة شهد كعدت
نزل الريوك وراح ركض يدور للدكتورة و5 دقايق واجو هو وياها كالت اطلعو بين ما اتأكد منها وكوة قنعنا بسمة وطلعت
بقت بالغرفة تفحصها واجت عليها وحدة من الممرضات واحنا ننتظر على نار وربع ساعة تقريبا وطلعت من الغرفة وبقت الممرضة داخل
اسد.. ها دكتورة بشريني
الدكتورة.. الحمدلله حاليا زينة بس لازم تبقى هنا ترتاح ويلتأم جرحها شوية لان مكانو حساس وبعدها تكدرون تاخذوها
بسمة.. اكدر اشوفها
الدكتورة.. اي تكدرين تشوفيها بس ياريت ما تتأخرين يمها
بسمة.. لا ما اتأخر والله
الدكتورة.. تمام مو مشكلة
اسد.. مشكورة دكتورة
الدكتورة.. العفو
اسد.. دخلت يمها بسمة وبقينا خارج ورغم ميت على شوفتها بس ما اريد ادخل وبسمة هناك خلي تاخذ راحتها احسن بعدين ادخل لحالي
انتظرنا شوية وما طلعت بسمة كلت لطارق بلكي تحجي وياها كال تمام ودخل يمها شوية وطلعت بسما تبجي وتشهك
باوعت عليها متعجب من حالتها معقولة بهالكم يوم هيج تعلقت بيها لعد شبيهم اهلي كعدت يمهم كم يوم وهججوها من البيت
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
