#طرقات_نحو_الهلاك
بقلم #احمد
البارت_31
اسد.. جنت ماسك الستكانة وتخيلو رجال متزوج يكلولو طلك مرتك علمود غيرك يتزوجها حتى لو غير شهد ماراح يتحمل الموضوع
جنت عاصر الستكانة بكل قوتي واني اسمعها وكوة ماسك اعصابي ما انفجر بيها واطلع من صدك قليل ادب بنظرهم
ويا ضغط ايدي والعصبية الي بي وضعف كزاز الستكانة انكسرت بايدي وفوك حرارة الجاي انجرحت ايدي وصار الدم يصب
بسمة شهكت وكالت بسمة وجابت وصلة علمود انشف الدم من ايدي وجنت اريد اكوم واني معصب وطلعت بوجهي شهد كالت كملت
شهد.. ياااااا شبيها ايدك
اسد.. ها لا لا مابيها شي الستكانة طكت من الجاي الحار وانجرحت
شهد.. هسا شلون نروح
اسد.. شك خيط من الوصلة .. مابيها شي .. ولف الجرح بالخيط
شهد.. توجعك مو
اسد.. لا بوية خفيفة
من باوعت عليها من صدك نسيت الوجع جانت لابسة عباية سودة وصايرة بشرتها كأنها گطن بسبب لون العباية
عيونها مرسومات رسمة تخبل العاقل وشفايفها بارزات بالحمرة وتذكرت منظر شعرها بالمستشفى ومن صدك تخربطت احوالي
ولكم هاي يريدوني اعوفها واخلي غيري يتزوجها شجاني تخبلت ما براسي عقل لو اعرف احبسها بسجن طول العمر ولا اعوفها
اعرف تفكيري بيه انانية بس مستحيل اعوفها خلي اكون اناني ومو خوش انسان بس المهم ما اعوفها لو مهما يصير
شهد.. شكو
اسد.. ها شنو شكو
شهد.. ليش صافن علي
اسد.. لا ماكو شي يلا خلي نروح
طارق.. اسد انتبه للطريق بوية ترا نريد البنية
الحجية.. عوفو يمة عوفو لا الجاي يكسر الستكانة بايدو الثانية
طارق.. ههههههههههه
اسد.. انهزمت منهم لان ادري بيهم كاشفيني وماكدر الكي حجة واتحجج بيها ركبنا بالسيارة اني وشهد وانطلقنا باتجاه البيت
شغلت اغنية وجانت ايدي توجعني بس لان ما اريد اخوفها بقيت متحمل الوجع واحس اكو شي بيها دا ينغزني يمكن كزازة
شهد.. منو كلك تجي
اسد.. طارق خابرني وكلي
شهد.. ليش ما كالي
اسد.. مفاجأة
شهد.. ايوا بس حلوة
اسد.. صدك جبتي وياج هدية
شهد.. باستغراب .. هدية لشنو
اسد.. غير تنطين صديقاتج هدية
شهد.. لا نسيت اجيب
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
