#طرقات_نحو_الهلاك
بقلم #احمد
البارت_13
اسد.. جنت على اساس اتزوج هالفترة بس وفاة جواد الله يرحمو اجلت الزواج الى اشعار اخر وماعرف ايمتى يكون الموعد الجديد
... خلي نرجع للقصة ونشوف ابوي لمنو قرر يزوج الفصلية من صارت الدنيا ليل وانجمعنا ...
راغب.. اسد راح يعقد عالفصلية
اسد.. ههههههه يابة منتبه لنفسك شدا تحجي
راغب.. اني ما خرفت يا ولددد
اسد.. لا يابة العفو مو هيج قصدي بس اني ليش اعقد عليها
راغب.. لان اني هيج قررت
اسد.. يابة وزواجي ونارين وابوها
راغب.. نارين وابوها يوافقون مثل ما اني تزوجت ثنين انت تتزوج ثنين
اسد.. يابة رجعها وتنازل عن حقنا بس لا تورطنا هالورطة هاي
راغب.. تريد تنزل راسي كدام الناااااسس
اسد.. بقيت ساكت واهز رجلي من التوتر وماكدر اطلع واعوف ابوي يحجي مو حلوة لا بحقي ولا بحقو وماعرف شحجي بعد
جنت احاول احجي بهدوء كدام ابوي وداخلي بركان يغلي كوة تحملت لحد ما خلص كلامو وعفتو وطلعت رحت لبيت امي صبيحة
كعدت بالصالة لحالي ماعرف شسوي وماسك راسي وافكر وبقيت هيج الى ان اجت امي صبيحة من بيت ابوي
صبيحة.. ها شو لحالك هنا
اسد.. غيرراح يخبلني رجلج
صبيحة.. هههههههه شنو تبريت منو
اسد.. بربج هي هاي سالفة يسويها بي
صبيحة.. اي عادي شبيها اولا البنت ما دخلها بالي صار ثانيا اعقد عليها يجوز تكون بنت حلال وتنسعد وياها
اسد.. واذا ما كانت بنت
صبيحة.. اذا ما كانت بنت حلال بقيها على ذمتك وخليها ببيت ابوك
اسد.. اووووووف من ابوي شراح يسوي بي بعد
صبيحة.. لا تكبر الموضوع
اسد.. لعد راح اعقد عليها واعوفها ببيت ابوي
صبيحة.. سوي الي يعجبك اهم شي ما تكسر كلام ابوك
اسد.. إن شاء الله
صبيحة.. ولا تنسى امك خطية كلبها مكسور على اخوك
اسد.. والله يا يمة كلنا هيج بس هي ام بعد
صبيحة.. اي والله
اسد.. بقيت احجي وياها الى ان هدأت وبعدها رحت بنفسي سويت جاي لان منيرة وبنتها يروحن لبيتهن بالليل
طبعا منيرة زوجة الكهوجي وبنتها مخطوبة بس خطيبها سمحلها تشتغل ويا امها لحد ما يصير وقت العرس وتتزوج
أنت تقرأ
طرقات نحو الهلاك
Romanceتمضي الايام تلو الايام تتجدد الاوجاع والالام لم تجري الرياح بما لا تشتهي سفننا فلم يعد موجود من سفننا سوا الحطام قصة تتحدث عن طفلة لم ترى من الطفولة شيء فما هو مصيرها بين وحوش ترتدي اقنعة بشرية ...... #طرقات_نحو_الهلاك كونوا معنا ..........
