Moments In Time

Ikaw lang ang SAKALAM

Moments In Time 04 - Ikaw lang ang SAKALAM

Summary:  Dalawang taon mula ng magkita na muli si Klay at Fidel sa Real World, ay sya namang pagdating sa Pilipinas ng isang Fil-Am na colleague ni Klay… 

●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●

●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●

Hindi mapakali si Fidel sa kanyang inuupuan. Kanina pa nya pinagmamasdan ang pangalan ni Klay at ng sa kasama nito sa screen sa taas ng pinto ng Emergency OR kung saan naka-indicate ang ongoing emergency operations at ang mga siruhanong nagpe-perform nito. Alam ni Fidel na lagi na lamang pagod at abala sa trabaho si Klay. Kadalasa’y nakakalimutan nitong kumain sa tamang oras. Lagi na lang kulang sa pahinga at nalipasan ng gutom. Iyon ang takbo ng mundo ngayon ni Klay dito sa real world habang abala sa pagiging siruhano sa Philippine General Hospital.

Siya nama’y nakakapag-adjust na ng husto sa istilo ng pamumuhay rito. May dalawang taon na rin ang nakalipas simula ng makauwi si Klay sa Pilipinas pagkatapos mag-aral at panandaliang nagtrabaho sa Estados Unidos bilang doktor. Dalawang taon na rin simula ng magkita silang muli at siyam na taon makalipas ng suungin ni Klay ang librong ‘El Filibusterismo’. Pinagpapasalamat nya ang aking talino at ang sinasabi ni Klay na ‘bilis ng pick-up’. Dahil dito ay madali syang nasanay sa kalakaran ng pamumuhay dito sa mundo ni Klay. 

Tulad ng huling trabaho ng kanyang namayapang amigo’y, naging alahero rin si Fidel dito sa mundo ni Klay. Natuto syang maging mapanuri ng mga hiyas na hindi pa pulido at magdisenyo nito upang maging kwintas, singsing, porselas at iba pang klase ng alahas. Nagagamit pa rin nya ang talino nya sa pagne-negosyo at galing kumilatis ng halaga ng mga ginto, pilak at hiyas o kahit ano pang pambihirang produkto na nakatulong para sya ay magkaroon ng pansariling pagkakakitaan at hindi maging pabigat sa kanyang katipan. Sa tulong narin ni Mr. Torres at ng ama ni Klay, ay sumali sya sa ilang mga competition patungkol sa pagdisenyo ng mga alahas na naging rason upang maging tanyag sya sa mga alta sociedad. Ngayon nga ay naging matagumpay ang kanyang negosyo na muli nyang ikinayaman. Naitatag nya ang kanyang bagong kumpanya na ‘Kings Jewellery Inc’ - Reknowned, award-winning jewel and gold miners, jewelry designers and makers na may iilang puwesto sa mga naglalakihan, prestihiyoso at kilalang malls at hotels sa Pilipinas. 

Iyon ay isa lamang sa kanyang gawain. Sya ay isa ring bookkeeper, isa sa mga katuwang ni Mr. Torres sa pagpapalaganap ng leksyon ng literatura ng Pilipinas at taga-pangalaga ng halu-halong sansinukob ng mga librong ito. Kaya madalas ay kailangan nyang mawala ng ilang araw para punan ang misyong ito. Misyon na hindi nya kailanman susukuan. Mas gugustuhin nyang malugi sa negosyo kesa pabayaan ang responsibilidad nya bilang bookkeeper na nagbigay daan para makatawid sya sa mundo ni Klay. Dahil si Klay ang mundo nya. 

Gayunpama’y mas madalas paring abala sa kanya ang kanyang katipang si Klay. Laging abala sa kahit anong emergency sa ospital. Trauma surgeon si Klay sa PGH kaya laging on-call. Sila ng kanyang mga kapwa trauma surgeons ay laging nakabantay sa Emergency Rooms o ER para magbigay ng paunang operasyon kapag may mga pasyenteng sinusugod sa ospital na nasa critical na kondisyon. Hindi lang iilang beses na sa pagdalaw ni Fidel sa ospital ay nakita nyang balot sa dugo ang halos buong katawan o kasuotan ni Klay. Naalala pa nya ang unang beses na nakita si Klay sa ganoong kalagayan. Halos atakihin sya sa puso sa takot na baka napano na ito. Pinaliwanag naman ni Klay na dugo pala iyon ng pasyente, pero ang takot at kaba sa puso nya’y hindi halos nabawasan. Ilang araw din syang binangungot dahil sa imaheng iyon.

Dahil nga sa gantong gawain ni Klay ay lagi na lamang wala na itong panahon sa iba pang bagay. Pagdating sa kanilang tahana’y tulog na lamang ang nagagawa nito. Kaya ng dahil doo’y natuto si Fidel sa mga gawaing bahay tulad ng paglilinis at pagluluto. Hindi nya ito ininda at lalong hindi nya inisip na nakabawas ito sa kanyang pagka-lalaki tulad marahil ng iisipin ng ibang mga lalaki sa panahong pinanggalingan nya. Bagkus ay masaya syang nakakatulong pagaanin ang buhay ni Klay. Kaya naman pag may oras ang katipan, sya naman ang pinagluluto at pinagsisilbihan nito. Hindi nagkukulang si Klay sa kanya.