دخلت الجادل ومعاها احلام ورفيف
سلمو مصافحه بس
جلست احلام مقابل مييار ولفت لاثمار واختها : اول مره اشوفكم
اثمار : انا اثمار واشرت على روان وهذي اختي روان احنا بنات نجلاء جارت ام صقر
احلام ابتسمت: اعرفكم انا بس اقول اول مره اشوفكم ماقد شفتكم
ضحكت روان : اي صح اول مره نقابلكم
هزت راسها احلام بتأييد
الجادل : دامنا تعرفنا على بعض يصير بس يجتمعون امهاتنا بنتقابل ونسوي فعاليات
كلهم هزو راسهم بابتسامه
وبدت سواليفهم عن الجامعه ومالجامعه
الجادل : وشلون عندك تدريب وانتي جامعه
اثمار : انا دبلوم ادرس وحالياً عندي تدريب ل.. قاطعتها احلام : ليش تدرسين دبلوم ماله مستقبل نهائي
اثمار هزت راسها : ماله دخل مستقبل ولا غيره الارزاق بيد الله لو كنت بشهادة ثانوي ف لاتقولين ماله مستقبل رجاءً
احلام تفشلت : صاادقه والله
ميار : ايش تخصصك ؟
اثمار: محاسبة
الجادل : ماشاءلله يجننن وترا بعد شدت على الكلمه له مستقبلل قوي
احلام: والله حلو حتى الجامعه غثا شوفيني لي سنه ادف نفسي دف
روان : مستقبلها مسوي لها هيبه عند الناس وبينه وبينها ماسح بها الارض
كلهم ضحكو
رفيف : وين بتتدربين
اثمار : ماعرف بس اخترت بريده طبعاً
ميار : اها الله يوفقك يارب ولفت على البنات ويوفقنا جميعاً
وبدو بسواليفهم ويصورون الى ماانتهت السهره
والكل رجع لبيته
——
يوم جديد على الابطال
الصباح..
بالصاله يسولف مع امه على مايجون خواته واخوه ويبدون يفطرون
سهم : مشعل صاحبي ماسك الاداره ودكتور بنفس الوقت وانا ودي نياف يتخرج بسرعه واوضفه عندي يمسك الاداره احس اني اتعبت مشعل
ام سهم : والله حاول فيه يجي عندك هو مصر يبي وظيفه مو بمستشفى
سهم رفع يده : ماعليك يمه انا اتفاهم معه وبساعده بعد
دخلت احلام الصاله : صباح الخير
ردو : صباح النور
وقفت ام سهم : انا بروح اجيب الفطور نادي اخوك واختك وطلعت
لفت بتطلع احلام وقفها صوت سهم : اصبري احلام روحي ساعدي امي انا بروح لهم ووقف
فوق رفيف تجهز شنطتها تقدم سهم للباب مفتوح نصه: ياعسل ابتسمت رفيف له: تعال تعال
فتح الباب ودخل : صباح الخير ناظر بشنطتها جاهزه لف لها يلا انزلي امي جهزت الفطور
رفيف : ابشري رفعت شنطتها على كتفها وتقدمت تبوس راسه ورفض وحضنها من كتفه يطلعون برا الغرفه
سهم: انزلي بروح لنياف
هزت راسها ونزلت
تقدم سهم لغرفة نياف فتح الباب وشاف الغرفه كلها ظلام وباردده شغل النور وطف المكيف وتقدم للسرير مسك كتف نياف وبدا يهزها : نياف قوم ياولد
نياف لاحياه لمن تنادي
سهم وقف شاف كوب مويا في قليل وتقدم بيكبه بس تذكر انه مو طالع من الغرفه كامل ورجعه
بدا يناديه من جديد : قوم سرعه نياااافففففوه
رفع راسه نياف : وش تبي ياخي
سهم : تدري الساعه كم
نياف : ما ادري ولا ابي ادري
سهم : قوم افطر معنا
رجع لغيبوبته نياف
سهم : نياااف
نياف بصوت كله نوووم : عندي محاضره ٩
سهم : ماسالتك قوم
نياف : انا اقولك عشان تذلف وتخليني اكمل
سهم : قوم انزل تحت افطر معنا
جلس نياف على السرير وناظر بسهم : صحيت خلاص
هز راسه سهم ووقف عند الباب ولف له : يكون بعلمك اذا صرت مديرك ماجي اقومك تقوم قبلي انت
لف نياف لاقرب مخده جنبه بيضربه وابعد سهم عن الباب يضحك كمل نياف: عشان كذا مابي اتوظف عندك
ضحك سهم بصوت عالي ونزل تحت
وقعد جنب امه وبدو يفطرون
![](https://img.wattpad.com/cover/365239161-288-k760599.jpg)
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"