هزت راسها اثمار وهو كذا ابوهم بين فتره وفتره يطول بالدوام
دخلت روان : اهلاً ماااامي تقدمت تبوس راسها
ابتسمت نجلاء ومسكت يد روان
اثمار: شعندك مبسوطه
روان : مدري ياخي صحيت لقيت نفسي مبسوطه يمكن عشان الويكند
اثمار : حتى انا شكله ويكند
نجلاء : وشرايكم نطلع
اثمار : تممم
روان : لا يمه انا قايله لجوهره بطلع معها حديقه
نجلاء : امس طلعت اليوم ماظنتي بطلع
روان : تكفيننن يوم وافقت اطلع الحديقه الخايسه
نجلاء : وجع والله تشرح الصدر
ضحكت اثمار : يمه تحسين بشي مانحس فيه
روان : طيب وين تطلعيني
نجلاء : مدري شوفي الجوهره مو احيان ماتقدر
روان : اروح بيتها؟
نجلاء ناظرت بقوه بروان : متى سمحت لك تروحين؟
نزلت عيونها روان : من سياق الحديث قلت
اثمار: عادي قولي لها واطلعو وانا وامي نتمشى
هزت راسها نجلاء : خلاص اطلعو للحديقه بنطلع انا واثمار
انبسطت روان وهي من زمان ماطلعو هي والجوهره
———-
اخذت كوب الحليب وطلعت لصاله ولفت شافت سعود عند اسلاك التلفزيون وتقدمت تاخذه: يااسعوود كم مره قلت لاتقرب ذا المكان
انحنت بتمسكه وحست بألم قوي فتحت عيونها بقوه تناظر ببطنها : بسم الله مسكت بطنها تحس نفسها تختنق تحس بتموت من الالم
لفت بتجلس على اقرب كنب جلست وبدت تقرا وتسمي
——————
الساعه ٧:٣٠ص
قام من النوم بدري اليوم هو وسهم بيحلون موضوع رفيف اخذ نظارته ونزل تحت وجلس عند سهم الي بيتأخر على دوامه
سهم : بنروح للمركز وبنفهمهم
هز راسه نياف ولفو لدخول احلام: السلام عليكم
ردو السلام جلست جنب نياف : بتحلون المووضوع
هز راسه سهم
لف نياف لها : ابيك تهتمين برفيف الحمدلله اليوم ماعندكم دوامات
هزت راسها احلام ومسكت يده تطمنه : رفيف عندي ماعليكم
وقف سهم : يلا نياف مشينا
وطلعو
————-
المركز
كان ماسك اوراق وفيها صور ومعلومات عن الي منتشرين هالفتره : شوف هذي
فيصل اخذ الورقه وقرا نصها: بدو يستخدمون بنات ! الله ياخذهم
عقاب : كبرو كبرو
جلس على مكتبه مسك راسه يدلكه
فيصل : اذا انت تعبان اطلع ارتاح
عقاب : لا ريحت قبل شوي مافيه راحه يافيصل الين تمسك الكلاب ذولا
هز راسه فيصل ومسك اوراق يشوفها
عند احد المكاتب ف المركز ..
دخل سهم ووراه نياف ف المكتب وكان مافيه احد
دخل السكيورتي : الان يجي مايطول
هز راسه سهم
—-
طق الباب السكيورتي ودخل بعد السماح
ناظر بفيصل: استاذ فيصل فيه كم شخص يبونك بالمكتب
هز راسه ووقف طلع
دخل فيصل والقى السلام وتقدم يصافحهم وجلس بكرسيه
فيصل : تفضلو كيف اقدر اخدمكم
نياف ناظر تحت وهو بخاطره يتكلم بس مايعرف من وين يبدا ومن وين ينتهي او باختصار وش يقول له!
تنهد سهم وادخل اصابعه بعض وناظر بفيصل : قبل يوم جتني اختي وقالت لي ان فيه بنات يحاولون يضرونها
هز راسه فيصل ليكمل سهم: وفتحت اختي الشنطه وتفاجاءنا بالكيس الي طلع من شنطة اختي وادخل يده بجيبه واخرج الكيس الصغير ونزله على المكتب امام فيصل
تنهد فيصل ولبس قلافز وفتحه وعرف انه م..خد..رات
فيصل : الامر بيكون بسيط اذا اختك ماكان ماعندها ادمان !
هز راسه سهم بنفي : لا الحمدلله
فيصل : بس لازم نتاكد ونشوف
سهم ناظر بنياف ولف لفيصل: ضروري ؟
فيصل : اي لازم من يومها تخلص فقط نسحب دم وينتهي
هز راسه سهم بموافقه
فيصل: لاتشيلون هم بما انه مافيه ادمان من ناحيه اختك ف نحله بسهوله
نياف : كم بتاخذ الاجراءات؟
فيصل : تقريباً اسبوع او اكثر من اسبوع بس لازم نحقق مع اختك وتعطينا اسامي البنات
هز راسه سهم : طيب ان شاءلله متى نجيب اختي للتحقيق
فيصل : بكرا مناسب بس ناخذ التحقيق من اختكم بنشوف التحليل واذا ماعندها ادمان ف نحل الباقي بأنفسنا
هز راسه سهم وصافح فيصل وطلع ووراه نياف وركبو السياره
بسياره...
تنفس بقوه نياف : ياربي لك الحمد السالفه بسيطه
لف سهم له : هو بسيط مايحتاج يكبر المووضوع بس اكيد توترنا
نياف : كيف بنقول لرفيف بتنهار
سهم : انا بحاول بهدوء معها
نياف : وامي
سهم : تبقى عندها احلام وبنقول اني انا ورفيف رايحين لوحدنا
هز راسه نياف وحرك سهم متوجه للدوام
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
