لبست بجامه العيد روان جلست على السرير تتجهز بتنام لفت للباب دخلت اثمار: بسولف معك شوي
روان : تعالي
اثمار قربت تجلس قدامها : قولي وش صار وماصار
روان قالت لها كل شي : مسكني من هنا حطت يدها على فكها
ضحكت اثمار : شفيه ذا ! زودها
روان : حيوان بس ماعليه نمشيها
اثمار ضربتها بخفيف : بنت صدق من قال طحتي
ضحكت روان : والله اطقطق عليك
اثمار: اشوا كنت بقرا عليك
وقفت اثمار : بروح انام الين المغرب كذا وبنصحى ودي نطلع من زمان ماطلعنا
انسدحت روان : اذا صحيت بنطلع
وقفت اثمار عند الباب : احلام سعيده
روان : انتظري ناظرت اثمار كملت روان : قفلي اللنور والباب
اثمار : اوكيه
سكرت الباب اثمار
ناظرت روان بسقف ابتمست : والله طحت ومااحد درى مدري وش محببني فيه بس يلا
-
جلست الجادل بسريرها : ياربي شيبي
وقفت تناظر بالباب الي انفتح ناظرت بمنار قربت منار لها جلست جنبها : الجادل ترا عادي يعني ليه خايفه ؟
الجادل : مدري والله ماني مرتاحه
منار : عادي زي كل مره ارفضي
الجادل بكت قربت منار تحضنها : يابنت فيك شي غيره؟
الجادل : لا والله بس ماعرف ليش ماني مرتاحه
منار : خايفه يقول لابوك؟
الجادل : لا مو قصدي خوف يقول لابوي بس مدري عجزت ارتاح له هو احسه يخوف
منار : صح لاتخافين حتى لو قال لابوي ف صقر يعرف ويفهمه ماعليك
ناظرت منار بالجادل : الجادل والله مو طبيعيه قومي افرشي سجادتك وادعي ربك
الجادل وقفت: طيب
-
ناظرت اثمار بالجرح الي براسها خاط : يالله
تذكرت كيف حاولت بامها تسكت ولا تقول لابوها
فلاش باك
طلعت من الحمام يكرم القارى تروشت جلست بسريرها بترتاح ناظرت بامها الي دخلت : اثمار كيف تبيني اسكت وابوك لو شافك بيسأل مليون سؤال!
وقفت اثمار بتعب قربت لامها: يمه هذا تدريب وانتي تعرفينن لو درى ابوي والله مايسكت وبيفصلني علطول تكفين غطي عليه بس لين اخلص طلبتك
تأفتت نجلاء : مايتساهل من يسكت له
هزت راسها اثمار
نجلاء : طيب اسمعي بنقول له انك طحتيي
اثمار: طيب
عند سهم
بغرفته كاان ساهي تماماً بالي صار اليوم ماتوقع ولا واحد بالميه هالخوف بيوصلها لهالمرحله رفع جواله يناظر باشراف جامعتها مرسلين انهم بيجونه لكنه رفض وعطاهم موعد غير : برفعها بالمدح عشان تنجح لف بجنبه الجهه الثانيه : نمدحها وش ورانا
-
المغرب
وقف عند المحل الي يبنى باقي له اشياء قليله ناظر بالعامل : وش باقي ؟
العامل : خلاص كل شي موجود
عبدالرحمن : حلو اجل بمرك بعد بكرا ؟
العامل : يمكن بكرا يخلص انا يتواصل معك
عبدالرحمن : طيب
ركب بسيارته اتصل على السكيورتي : هلا
عببدالرحمن : سلام عليكم
السيكورتي : وعليكم السلام استاذ عبدالرحمن
عبدالرحمن: ابيك بكرا عندي بالمكتب
السكيورتي : قدمت استقالتي
عبدالرحمن : ما وافقت !
-
دخل عبدالرحمن البيت ناظر بمنار جالسه بصاله
قرب جلس بجنبها ابتعدت منار: عبدالرحمن ابعد
عقد حواجبه عبدالرحمن : كيف
وقفت تبعد عنه وقفت عند باب المطبخ تتقرف منه ناظرت بعبدالرحمن : ريحتك قرفتني
وقف عبدالرحمن عندها شم ريحته : حرام عليك وش نظفي
ابتعدت منار عنه : ابعد ابعدد عني
عبدالرحمن : منار صاحيه انتي ؟
منار عصبت : اي صاحيه مقرف وجاي عندي
عبدالرحمن ناظر فيها مسك يدها يسحبها للغرفه وقف عند دولابه اخذ ملابسه ونزلها بسرير ناظر فيها : اجلسي هنا واسمعيني يوم اتروش
منار قربت لتسريحه واخذت غسول بريحه الورد رمته عليه : تروش فيه
مسكه عبدالرحمن ناظر باريحته : صاحيه انتي اتروش بورد ؟ كل هالرجوله وريحتي ورد
منار : تروش فيه افضل لك يعطي ريحه حلوه
عبدالرحمن مشى للحمام : ولو اني بتفشل من ريحتي بكرا بس عشانك
-
قامت الجادل من سريرها دخلت دوره المياه يكرك القارى تروشت طلعت تصلي المغرب قرت اذكارها وسمن بالله نزلت تحت ناظرت بابوها بالصاله : سم يبه
ابو صقر ابتسم : تعالي اجلسي بجنبي
جلست الجادل بجنبه مسك كتفها ابو صقر : اليوم عيد ومبسوطين لكني احسني قلت لك الخبر بوقت غلط بس ماعليه ابي تعرفين ان الرجال كفو ونشمي وولده ماشفت من شي بالعكس اطلق من صقر اي والله
ناظرت الجادل بابوها : لا يبه مابيه
ابو صقر : السبب
الجادل : ما ارتحت ولا ابيه
ابو صقر : ولو ان السبب سخيف بس ماني غاصبك اعطيك وقت ؟
الجادل : لا مابي
ابو صقر : ابشري
وقفت الجادل وراحت لغرفتها مسكت قلبها براحه
مسك جواله ابو صقر يتصل بابو ماهر : سلام عليكم
ابو ماهر : وعليكم السلام يامرحبا
ابو صقر : كيف حالك عساك طيب ؟
ابو ماهر : بخير يارب لك الحمدابو صقر : دقيت عليك عشان موضوع اليوم
ابو ماهر : ان شاءلله خير
ابو صقر : كل خير ان شاءلله اعذرني مافيه نصيب
-
العشاء
نزلت تحت ناظرت بامها تفرك راسها وتشرب قهوه جلست قدامها : صداععع
نجلاء : احس بينفجر راسي
اثمار : صدق الحين لخبطت النوم
نجلاء : الله يعين انتو الدوامات يمديكم تعدلون انا المسكينه
اثمار: باقي لنا
نجلاء : متى تبدين انتي ؟
اثمار : مدري متى يرسلون لنا لفت لجوالها يدق : يمه على طاريها
-
ناظرت روان جلست على نفس الكنب قريب منه مسكت وجهه : تحبني ؟
فيصل قرب لها: تشكين ؟
روان ابتسمت : لا مااشك واضح بعيونك
فيصل مسك باصبعه خشمها : وليه تسالين
دخلت اثمار الغرفه ناظرت بروان تهمس قربت لها
روان بصوت كله نوم : اشوف كيف تحبني
فيص،، ضربت يدها اثمار : قومي لا صلاه لاعباده
اعتدلت روان تناظر باثمار : وشو وشصار
اثمار تهزءت : اشوف كيف تحبني
سكتت روان
اثمار : قومي اذن المغرب والعشاء وماقمتي
جلست روان وناظرت باثمار : حلمت حلم حلو ويوم صحيت المفروض اروق بس للاسف طلعتي بوجهي
تخصرت اثمار : قولي والله ؟
روان : والله مسكت قلبها: حلمت بالحبيب
ضربت راسها اثمار : اعقلي اعقلي جلست على كرسي التسريحه : تخيلي بكرا اداوم
روان : منجدكك!
اثمار : اي توقعت مع المدارس طلع اداوم نفس مايداومون الي بالمسشتفى
روان : طيب متى الوقت ؟
اثمار : مدري بروح بكرا بدري واشوف الجدول الجديد
-
وقف فيصل يناظر بصقر الي ينزل الاغراض : اي كفو هذا الصديق
صقر: ابي تطلعني اليوم الصبح ولا الظهر مطلعني الحين بعز الليل!
فيصل : صاحي انا اطلع بالنهار خلنا بالليل الجو وش زينه
جلس صقر قدام فيصل والقهوه قدامهم والحلاويات حقت العيد : ابوي بيخطب لي
فيصل : يالليل يالغيور طيب اصبر فتره
صقر : ماقدر ابي ابلك قبل تبلكني
فيصل : انت يعني خايف اني ابلك طيب شوف رفع جواله فيصل وبلك صقر : عيش خوفك وانت مبسوط
ناظر صقر بصدمه : حيوان ماسوت فيك خير الحرمه
فيصل : الا الحرمه لو سمحت
صقر : ياشيخ
فيصل : من بتخطب؟
صقر : كنت بعلمك بس بعد حركتك ماني بقايل
سكت فيصل بعد ٥ ثواني
صقر : اصبر بقولك ماقدر اخبي
فيصل اخذ معمول وناظر فيه كمل صقر : بخطب بنت عمك
نزل فيصل المعمول وناظر بصقر بصدمه : ايش!
توتر صقر : اي بنت عمك بخطبها
فيصل : بنت عمي ملكت من زمان
انصدم صقر نزل عيونه تحت
فيصل : ليتك قايل لي من قبل البنت من قبل رمضان ملكت
صقر وقف : صادق !
فيصل : اجل اكذب ب موضوع مثل كذا
صقر : خله يطلقها
فيصل :تستهبل !!!!
صقر : فيصل تكفا قول صادق وللا !
-
![](https://img.wattpad.com/cover/365239161-288-k760599.jpg)
YOU ARE READING
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"