لفت لنياف : ونقوله مايفهم رافض يودينا
احلام جلست وناظرت بسهم: تكفا خلنا نقهره ودنا انت
نياف لف لها: والله افرح يوديكم
سهم : متى تبون تروحون ؟
احلام : نبي بعد العشاء مناسب
سهم : بس دوامي الظهر؟
رفيف : يستهبل ذا يبي من الظهر نروح!
احلام ناظرت بسهم ونطق سهم: لا ماقصدي قصدي اني ابي اشوف يمديني ولا
احلام : عادي روح داوم واطلع بس ساعه وبنكون جاهزين بس تاخذنا وتنزلنا
رفيف : واااففقققق اررجوووك
نياف : تكفا وافق
سهم: ابشرو.. تقدمو له بقوه يحضنونه
ضحك سهم بقوه وهو مكتوم منهم جا بيتكلم جاه نياف يكتمه زياده
——-
يوم جديددد
العصر
جهزت اغراض فيصل من بدري وبدت تجهز نفسها خلصت ونزلت تحت لفيصل ينادديها : جيت جيت دخلت الصاله ووقف فيصل : بدري يالطيبه
سمو : شسوي يالله خلصت اغراضك
فيصل : ماعليه اعوضك ان شاءلله يلا نمشي؟
سمو : يالله ولبست عباتها ومسكت نقابها
وطلعت لبيت اثمار
—-
بدت تجهز الجلسه وترتبها وسمعت صراخ روان ركضت بقوه دخلت المطبخ وناظرت بروان : وشفيك
روان بتوتر: شوفي شوفي مدت الصينيه لاثمار وانفجرت ضحك مسكت بطنها من الضحك عاجزه توقف
روان بعصبيه: وجع تضحككيننن لفت لامها داخله جت بتتكلم نجلاء وطاحت عينها على الصينيه بيد روان وانفجرت ضحك : روان هههههه وش ذا ههههه
وقفت اثمار ومسحت دموعها : ضفادع ضفادعع ههههه
نجلاء : وش مكثره انتي ليه صاير كذا
روان جلست بكرسي الطاوله : ما كثرت شي نفس المقادير
اثمار: دايم الشي تسوينه اول مره يطلع واو ثاني مره يفجع
نجلاء بضحك : خلاص عادي هههههههه
روان : تقول عادي وتضحك
اثمار: تعالي بطلب ماعاد فيه وقت
مسكت روان حبه وطلعت قاسيه ماتبلع حطتها بالصينيه بقهر : مالقيتي الا ذا اليوم
-بالسياره
فيصل : عطيني الوكيشن
مدت جوالها سمو: شوف
فيصل: من متى تعرفين صاحبتك ذي
سمو : من يوم كنا صغار نعرف بعض
فيصل شاف الوكيشن واستغرب !
فيصل : اما عادد وقف عند البيت
لفت سمو : وشو ؟
فيصل : تخيلي هذي صاحبتك ابوها مدير قسمي بالمركز
سمو : احلللف
فيصل بابتسامه : والله اخص يالصدف
سمو : سبحان الله بديت اصدق الدنيا صغيره فعلاً
فيصل : اي والله
فتحت الباب لفت له : متى بتجيني ؟
فيصل : انا بسهر معهم يمكن على ١٢ كذا انتي عادي عندك ؟
سمو : اي عادي ونزلت
—-
جالسه مع روان بالمطبخ يشوفون معمول حلو والصينيه قدامهم لفت اثمار لصوت الجرس : رانوووو رانووووووو
راحت رانو تفتح الباب
دخلت سمو : هايي وينها اثمار
رانو : داحل مطبخ
دخلت سمو للمطبخ : سلاممم
روان : اهلللليييينننن سموووو وقفت تحضنها بقوه
وكملت يابنت وينننكككك
سموو بعدت عن روان وحضنت اثمار: ياختي اشغالل مافضى يوم
اثمار: الحمدلله يارب فضيتي وجيتي شايله همك من اليوم
سمو : اي والله فيصل يازينه قلت له ووافق يوصلني
نزلت عباتها ناظرت اثمار ونادت رانو : رانوو رانووو تعالي خوذي عبايه سمووو
جت واخذت عبايه سمو وشنطتها وحطتها بغرفه اثمار
جلسو على طاوله المطبخ
ناظرت سمو بالصينيه وقربتهاا لها تناظر : سلامات وش ذا !
حطت يدها تحت فكها وبقهر: معمول
سمو بضحكه: هذي ضفادع وش معمول
ضحكت اثمار بقوهه : هييي توني اقوله لها هههههه
روان بتأفف: صاحبات وش انتظر
انتبهو لصوت الاذان
وقفت اثمار: اذن اكيد بيجون البنات الحين خلونا نصلي ونجهز باقي الاغراض
وقفت سمو مع اثمار ورقو فوق
وروان راحت لغرفتها تجهز وترتب نفسها
بعد ماا صلو
بغرفه اثمار
سمو. : تدرين شكلي بنام عندك
لفت اثمار لها : قولي والله
سمو بابتسامه: والله
اثمار حضنتها : يابنت من زمانن ما جلسنا سوا
سمو : صادقه والحمدلله ماعندنا شي بكرا
اثمار: اما انتي ليش ماعندك؟
سمو : عندي فاينل يوم الخميس
اثمار : اهاا حطت عطر تذكرت وقربت لسمو ماقلت لك
لفت سمو : ايش
اثمار: غيرت مكان تدريبي
انصدمت سمو : منجدك!!! خافت من صفقه الباب ولفو
دخلت روان بعصبيه : لا بالله جالسين بالغرفه تسولفون وانا اشتغل صح
لفت اثمار لسمو : كذابه ماتشتغل بس تحب تسوي دراما
حطت يدها على راسها روان: لا ياربي قاعده اشوف خيانه
سمو لفت لروان : عشان كذا اسحبي عليها دايم
دخلت بوكس المعمول : هذا ايش مو شغل مدام اثمار
ضحكت اثمار: اخخخ ججبيته وتصيحين علي والله لو سويتيه ماعصبتي كذا
كشرت روان : لازم تذكريني يعني
سمو : لازم نحطه بالطاوله تحفه فنيه يشوفونه البنات
اثمار: صح بس كيف نعلقه على الطاوله ؟
سمو : تم نعلقه
سفهتهم روان
طلعو برا بقت روان بالغرفه تعدل فستانها الخفيف وناعم بلون الاحمر ماسك ومحلي جسمهاا
——
الساعه ١١:١٠
كانت الجلسه ماتخلي من ضحك البنات وتصويرهم وسوالفهم
قامت ميار وهي ماسكه للعبه معاها : بنات بنات ناظرو فيني
ماحد حولها : اووو بناتتت لفت احلام : ايش ؟
ميار :شوفو معاي لعبه ورفعتها لهم
روان لفت لها : واااييييي جوووي
ميارر : يلا يلا نبدااا
الجادل : حمااااسسس انا اول
كلهم : تمممم
وقفت الجادل وسحبت كرت وكان مكتوب فيه تركض ٥ مرات حول الجلسه : لااااا شنووووو ذا
ضحكو عليها
سمو بضحك: يلا يلا دوري بس ابعدي هاه لاتدوخينا
كان جوال سمو يرن ولكنها مانتبهت له
وبدت تدور الجادل وكل لفه تضرب راس وحده بخفيف
قربت وضربت راس اثمار: ياحيواننه هههههههه
وقربت لراس روان وبعدت روان عنها : لن اسمح
كملت الخمس دورات وجلست : اووف يقهر ابعدو المشي نبي بس بمكاننا
روان : لا يصير مافيه حماس نبي نتحرك—
وقف فيصل برا ويتصل على سمو الي ماترد
ناظر بسياره الي وقفت بجننبه كان ابو اثمار
![](https://img.wattpad.com/cover/365239161-288-k760599.jpg)
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"