ناظرت الجادل بصقر طلعت برا وركبت السياره ركب صقر وكان هدوء بعد وقت وقف عند البيت فكت الباب الجادل بتنزل صقر : الجادل ابيك اجلسي
جلست الجادل وناظرت بخواتها نزلو لف ورا صقر رفع الجوال لها : ماتدرين وش جاء براسي يوم شفته معه انصدمتتت صدمه مدري شلون افهمك كان وديي اضربه الين اقول بس الجادل فهميني الجوال شلون جاء معاه شلون
الجادل : وال,,
قاطعها صقر : سالته قلت يمكن تشابه شي قلت اي جامعه صدمني قالي جامعتك انتي عارفه كميه قبيح الشعور الي جاني يالجادل والله لو حسيت بميار قلت يجي بس لا ان شاءلله لكن انتي بقول مستحيل الجادل غيررر
نطقت الجادل : صدقني كل شي بالغلط انا يوم دقيت عليك اذا تذكر
صقر : دايم تدقين اي وقت
الجادل ببكاء : ماعرف ياخي بس يوم جيت ولقيتها معتذره دقيت عليك ومارديت رحت انتظر السواق برا ولما انتظرته لقيت سيارتك وربي نفسها ياصقر رحت ركبت توقعت انت والله مادريت انه هو ناظرت فيه وانصدمت والله انصدمت ياصقر وهذاك الوقت طاح جوالي بسياره اكيد بس وربي كذا صار مافيه اي شي قسم بالله حطت يدها على عيونها تمسح دموعها
كملت : صقر انا مو خايفه منك ولا خايفه من ابوي عقد حواجبه صقر كملت : انا اخاف من ربي اخاف والله
ناظر صقر فيها : اسف قرب وحضنها بيبقى بيننا وما احد بيدري عنه هزت راسها الجادل وقربت بتنزل : انتظري شغل السياره : يعني اضايقك واخليك تنزلين زعلانه باخذك نروح نتقهوى ناظرت الجادل فيه
-
بالمركز
مسح بيده على جبينه ناظر بدخول عقاب له استغرب انه ماطق الباب كعادته
عقاب : فيصل
فيصل وقف : سم
قرب عقاب له : ناظر شيقول اخذ الجوال فيصل ناظر في الرقم المرسل
- زوجت بنتك تحسب اذا تزوجت مانقدر نضرها ؟ ياعقاب ماهمنا تتزوج ولا ان بغينا نلف لبناتك لفينا لهم بدون نهتم متزوجات ولا ، ترا طلبي بسيط ليه مصععبه تبي نبعد عنك وعن بناتك ابعد عننا ولا صدقني بتندم
ناظر فيصل بالرقم : ليه احس فيه شخص بيناا ينقل الخبر !
-
قبل الفجر
بالمطبخ تجهز السحور ناظرت نجلاء بروان واثمار على الطاوله يسولفون لفت للقدر تطفي عنه النار قربت الصينيه وبدت تحط بالصحن خلصت لفت لاثمار ماسكه السفره وروان السلطه
اثمار : يمه احط السفره؟
هزت راسها النجلاء اخذت منديل تمسح يدها
ناظرت روان بامها : احظر السلطه
نجلاء : اي وشوفي ابوك
طلعت روان ناظرت بصاله مو موجود ابوها
رقت فوق لغرفته طقت الباب فتح الباب عقاب : هلا
روان : جهزنا السحور ابوي
ابتسم عقاب : طيب
بعد وقت شوي
مد صحن السلطه عقاب لنجلاء تحط له
ناظرت نجلاء بصحنه وكملت تاكل
عقاب : حطي لي
نجلاء : لك يد
عقاب : طيب اذا بنتهاوش خلينا نتهاوش لحالنا
نجلاء : ليش ؟ خلنا قدام بناتك
عقاب : الحين ليه تحبين تكبرين الشي بس مديت صحني نزله على السفره : خلاص ماعاد ابي
نجلاء : ابرك
اخذت اثمار صحن ابوها تحط له : سم يبه
ناظرت نجلاء باثمار صح اعجبها تصرف انها حطت لابوها بس باقي تحس مايستاهل احد يهتم فيه
ناظر عقاب فيها : الحين شفيك مطنقره بيكمل شهر مطنقره علي
همست روان : حتى انا علي مطنقره
ناظرت نجلاء فيهم : حلو توكم تستوعبوني اني منطقره عليكم ؟
هز راسه عقاب : اتوقع امكم هالفتره يأثر عليها الصيام
نجلاء : صدقني ماهو الصيام انت وبنتك مأثرين علي مخليني مقهوره
عقاب ناظر بروان هز راسه : انا وبنتي تفاهمنا بكيفك انتي
نجلاء : على وش تفاهمتو عقاب ليش حاط انها بنتك بس مو بنتي !!
وقف عقاب : بروح للمكتب سلام عليكم ناظر بروان جيبي لي الشاهي
لفت روان لاثمار همست: بينعاد علي الموقف شكل
ضحكت اثمار ناظرت نجلاء فيهم : حتى انتم متغيرين علي ماعاد ممثل قبل ابداً
-
ناظر صقر بفيصل الي الى الان ماطفى النار عن القدر
هز راسه بقهر صقر : عزالله تسحرنا ياولد طف خلاص راضي مايكون مضبوط بس جبيه
فيصل : ياخوك سد حلقك
صقر : قسم غبي لو اني ماسمعتك وتسحرت مع اهلي كان يمديني اشرب شاهي
ناظر فيصل فيه : يمديك تشرب شاهي الوقت باقي
طف النار فيصل حط السحور بالصحن وقرب لصقر ناظر صقر فيه : يدخن ياخي
فيصل : ياخي انتظررر باقي وقت
قرب صقر بيمسك اللقمه الا ويصدح صوت الاذان
ناظر صقر بفيصل : الله لايسامحك
ناظر فيصل فيه : مادريت انه يأذن بالمخطط بدري هنا
صقر لف لععلب المويه الي جنبهم بارده مسكها يحس بيصيح : بارده ياحيوان
فيصل : تحمل حنا رجال
صقر : اتحمل الجوع تخسى
-الصباح 9:40
واقفه مع مشعل عند مكتبها يكلمها عن اوراق مهمه اليوم تجهزها ناظرت فيه : طيب ان شاءلله
مشعل : ترا سهم بالاوراق هذي شديد وهو الي بيشووف اذا فيها خطا
بلعت ريقها من طاريه : طيب
دخلت مكتبها وبدت تجهز الاوراق
دخل مشعل بمكتب سهم : ترا من زمان ماسولفت معك
سهم : حتى انا بس ياخي رمضان هالايام تعب ومافيه وقت
مشعل : هانت ماباقي الا القلي ان شاءلله ويجي العيد
سهم : شمعنى العيد تبيه ؟
مشعل : قررت اعرس
سهم ابتسم : صادق ؟
مشعل : لا
سهم : توكل بالله
مشعل ضحك : لاوالله مافكر لسى بس بنيت بيت لي سنه ابنيه وان شاءلله بنسكنه انا والوالده
سهم : ماشاءلله منزل مبارك
مشعل : تسلم
ناظر سهم لطق الباب الخفيف استغربه : ادخل
دخلت اثمار ناظرت بمشعل موجود ارتاحت قربت لمكتب سهم بشوي : انا جهزتهم بس في اشياء مافهمتها
سهم : ايش ؟
اثمار : قربت الاوراق له هذي ناظر فيها
سهم : ابي قيودهم
اثمار : عارفه بس تونا على القيود ماجاء بدايه السنه لسى
ناظر مشعل فيها
سهم ناظر بالاوراق : السنه هذي ماسوينا لها قيود لان كنت مشغول ف قلت لمشعل يعطيك تسوينها
اثمار : طيب
سهم : اتعبتي نفسك
فهمت قصده بانها جت لهنا على سبب تافهه : لا استاذ سهم مستحيل اتعب نفسي على شي تافه
سهم : للاسف انه تافه
وقف مشعل : اثمار فيه اوراق عند ابراهيم روحي شوفي قبل يطلع ناظرت اثمار فيه وطلعت
ناظر مشعل بسهم : شفيك عليها
سهم : تعرف تسكت
مشعل وقف : اي
-
جالسه بالصاله تفكر
دخل صقر يصارخ ويناديها : ام سعود
وقفت منار له : بصاله دخل عندها : معي لك مفاجاءه
تخصرت منار : قل يابو المفاجاءت
صقر : شقصدك ماني راعي سبرايزات
منار ناظرت فيه : وشو الي عندك
صقر : البسي عباتك وخوذي سعود للمجلس وسلمي على رجلتس
منار : بذمتك !
صقر : والله
ركضت منار لفوق تلبس عباتها
المجلس
ابو صقر : والله انه يستاهل ترجعه ماتعبنا معه ابد
عبدالرحمن : صادق بس عاد كيف ارجعه عدل جلسته: خلاني ما ااثق فيه
ابو صقر : الله يعين ويهديهم ويصلحهم
عبدالرحمن : بس الحين صدق لقوه متوفي سطام
ابو صقر : اي الله يسامحه اخذ جرعات كبيره وتوفى
عبدالرحمن : لاحول ولا قوه الا بالله
ناظر عبدالرحمن بمنار الي دخلت ومعها سعود
تقدم سعود لبعدالرحمن حضنه سعود ووقف ماسكه وقف ابو صقر وطلع برا ناظر بصقر الي جاي للمجلس
مسكه بكتفه
ناظر صقر بابوه : وشو
ابو صقر : خلهم لحالهم
صقر : مستحيل هذا جوي ووقتي ماخليهم
ابو صقر : اقول روح بس عنهم
صقر : يبه تكفا متحمس ياخي اخليهم بس يناظرون بعض
ناظر ابو صقر فيه : ولد استح
كشر صقر ناظر بابوه الي ابتعد : اعتذر يبه بس هذا الوقت جوووي
دخل صقر وناظر بمنار بجنب عبدالرحمن تسولف له وسعود بحضن عبدالرحمن قرب صقر وجلس قدام عبدالرحمن اخذ المنديل يناظر فيهم
حكت جبينها منار وابتعدت عن عبدالرحمن
![](https://img.wattpad.com/cover/365239161-288-k760599.jpg)
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"