بالصاله
تسولف عليهم عن يومها وتاكل من معمولها
اخذت حبه: الجوهره عسلل ضحكتني ضحك
نجلاء : على وش ضحكتك
روان : جلسنا نطقطق على الرايح والجاي
اثمار: ورمضان مقرب لاحول
روان لفت بتذكر : صدق متى تعزمينهم ؟
اثمار : نرسل الحين لهم
نجلاء : اي ارسلو مره مافيه وقت
تقدمت روان لاثمار وجلست بجنبها
دخلت القروب لفت لروان : شكتب ؟
روان: قولي اهلين كيفكم اذا ردو نقولهم
بالقروب
اثمار: اهلين بنات كيفكم ؟
بعد٥ دقايق ردت الجادل : اهلا اهلا الحمدلله بخير انتو كيف حالكم؟
اثمار : بخير الحمدلله كيف الدوام؟
الحادل : الحمدلله يارب يعنني
دخلت احلام : اهللللينن والله
اثمار: اهلا فيك
احلام : شخباركم ان شاءلله كويسين
اثمار: الحمدلله يارب فاضين بكرا الثلاثاء ؟
احلام : اي ان شاءلله وراه؟
اثمار : نعزمكم انا وروان ببيتنا
الجادل : ان شاءلله من الحاضرين
اثمار: الله يحيكم يارب
——
ووقفت اثمار : يمه بروح انام تعبانه اليوم
نجلاء : روحي يامي
رقت اثمار الدرج ونادتها النجلاء لفت : هلا؟
النجلاء : لاتنسين سمو قولي لها لازم تجي مشتاقه لها حيل
اثمار: ابشري
——
جالسين بصاله ويتقهون
وقفت نجد لسمو باخر صحن حلا: تفزلي
سمو : لبى الحلا وراعيه
نجد بعدت لطاوله تحط الصينيه: لبى وجهتس ياشيخه
ناظر فيهم فيصل : الحلا زين بس ياختس لازم يطلع فيه طعم شين مدري وشو
نجد : اقول اكل وانت ساكت لو بشوف وش يعجبك مني مافيه شي
ضحك فيصل : والله ليت الكل نجد
سمو ناظرت بنجد: افا جحدني
نجد ناظرت فيها: مصدقه يمدحني كذا اكيد يبي شي لفت له : قل وش تبي ؟
فيصل : ابي بكرا الثلاثاء اسوي عزيمه للعيال ونجتمع
نجد : وين ؟
فيصل : بالبر
سمو: طيب وش ودك نسوي يعني ؟
فيصل : ابي تنظفون العزبه..
-
فيصل: ابي ترتبون العزبه وابي تسوون لي بس صحنين حلا وفطاير شي يعني الي ودكم مابي اتعبكم
صفقت يدها ببعض نجد لفت لسمو : شفتي قايله لك ؟
سمو جت بتتكلم وناظرت بجوالها يتصل وقفت : تبشر فصول ان شاءلله بكرا تلقا كل شي جاهز بس متى ودك ؟
فيصل ناظر بنجد : تدرين ودي تصيرين مثل سمو كشرت نجد له وناظر بسمو ابي كل شي جاهز على المغرب
سمو : ابشري ..طلعت
——-
بالغرفه
اثمار: عاد لازم تجين لازم لازم
سمو : والله فيصل تو قايل لي يبي اجهز له اغراض كشته ف مدري يمدي ولا
اثمار: لا عاد تكفين
سمو : ان شاءلله بحاووول باذن الله
اثمار: ترا ابيك تجين من بدري عاد
سمو : ان شاءلله ابشري
اثمار: الى اللقاء ياعيني
—-
حطت راسها على المخده تناظر بسقف وتفكر بذيك الليله لما طلع بوجهها عند المغاسل ودها تسال فيصل بس مستحيل تتجرى اكيد بيفهم غلط يمكن صاحبه الي دايم معاه ؟ او يمكن شخص يعرفه تو اخخ ياربي
—-
بصاله
الساعه ٩:٣٠
واقفه على الكنب عند نياف تطلبه
احلام : ياخي بس ودنا ونزلنا وسهم يرجعنا
نياف حط اصابعه باذانيه : لا لا لا
رفيف وقفت على كنب وصار نياف بينها وبين احلام : مايضرك تنزلنا قلنا لك البنزين علينا والقهوه حقتك علينا
نياف : تدرين الغبي بيصدقكم
احلام : وشتبي وشتبييي طيببب
نياف وقف وجلسته احلام بقوه : اصبر باقي تونا نحس فيه امل
نزل راسه نياف بتعب منهم
دخل سهم نزل شماغه على الكنب وجلس واستغرب وقوف رفيف واحلام : شعندكم ؟
رفيف نطت وتقدمت له جلست جنبه : تخيل البنات الي قابلناهم بعزيمه ام صقر عزمينا ويبوننا
YOU ARE READING
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
