وصل سهم المستشفى بهيبته تقدم باتجاهه مشعل :صباح الخير يامديرنا
سهم :صباح النور ..كيف الحال
مشعل:يارب لك الحمد بخير
اتجهو الى المكتب الخاص بسهم
دخل سهم لف باتجاه مشعل :بسالك وش صار على الموضوع الي قلت لك
تنهد مشعل:انا جايك اساسا بقولك عنه ..والله سهم مالقيت شباب متخرجين اساسا القصيم مالهم الا سنه فاتحين هالتخصص
جلس سهم بمكتبه :مو مشكلة دور عادي مو مهم بالقصيم
مشعل :طيب ليه ماتخليني اشوف بنات متخرجين بهالتخصص ؟ ترا فيه خريجات
سهم :مستحيل بخلي بنت تمسك الحسابات !
مشعل :ومين قالك بتمسكه لحالها بنخلي احد معاها يوقف على راسها
سهم : ايوا عليك الي بتخليه ذا يوقف على راسها جيبه نخليه يمسك الوظيفه ذي مره وحده بلا هم
ضحك مشعل : ابشر الي تشوفه اجل
ولف بيطلع وقفه صوت سهم : مشعل انا ادري والله اني ضغطتك بس اعذرني
مشعل : لاوالله ياخوك لا ضغط ولا شي ماعليك انا مرتب وضعي
ابتسم سهم بامتنان لمشعل هو وقف معه كثير وساعده باشياء كثيررر مستحيل ينساها بيوم لما توفى ابو سهم كان سهم قرب التخرج من الجامعه ومو عارف كيف يمسك شغل ابوه كله وجامعته وساعده مشعل ووقف معاه بكل شي هو ممتن لمشعل كثيرر
—-
نزل ريموت البوجكتر ولف له :وبكذا يصير لنا مكسب عالي بهالمنتجات انت وش رايك نوقع ولا؟
راكان :والله الي ودك دامك ضامن فيها مكسب معك اجل
ابو صقر :خلاص اجل ارد لك خبر باذن الله بس يصير اجتماع التوقيع
قام راكان وصافحه :خلاص على خير ان شاءلله انتظر اتصالك
وطلع ..مع خروجه دخل صقر
صقر :ياهلين باابو صقر
وتقدم جلس مقابل ابوه
ابو صقر :اهلين بعد وين السلام الزين
صقر نزل راسه على يده :يبه انت على كل كلمه مني بتركز عليها
ابو صقر رفع اصبعه بتهديد :شوف اذا ماانت بعاقل الحين اطلع ترا ماني ناقصك
صقر هز راسه واردف :افا يبه تطردني هذا وانا وولدك الوحيد
ابو صقر :ولدي لو انك مهتم ومحترم تصحى لدوامك من بدري وترد السلام زي الناس ترا ماانت ببزر صغير اعلمك على الاشياء ذي
صقر :يبه والله اسف انا قايل لميار تص..
قاطعه ابو صقر :تصحيك! ليه انت بزر تصحيك شرايك اخلي امك تصحيك
صقر ناظر بابوه:اخر مره صدقني المره الثانيه اصحيك انا ماعليك
تنهد ابوه ونزل راسه لريموت : شوف المنتجات ذي بتجيب لنا مكسب
صقر ناظر بالمنتجات : كفو متى بيتم ؟
ابو صقر : مدري بشوف متى افضى واتفق معهم
تذكر و لف له : شصار بالي قلت لك الصبح؟
صقر : شفتهم واضح انهم دارسين بكل ضمير
هز راسه ابو صقر : وانت كيف درست
لف راسه صقر ابتسم وبالووقت الغلط : يبه انت شفيك علي اليوم
ابو صقر انتبه لابتسامته وابتسم وقف: بروح لمكتبي وانت ارسل لي اوراق العيال الي اليوم شفتهم
قام صقر معه : ابشر وطلعو ..
أنت تقرأ
"خذني على قد الوله واشتياقي ترا الكرم بالحب حاجة عظيمة"
Short Storyمعرفتي الاولى بتكون جداً مختلفة وتمس بعض من الواقع لا كثيراً ..اذا كان فيه تشابة لأي رواية او أسماء أبطال فهذا من باب الصدف لا اكثر 🤍.. مهم مهم "لا ابيح ولا اسامح النقل او الاقتباس"
