အခြေအနေကအရာအားလုံးတည်ငြိမ်သွားပြီဟုဆိုရမည်။သူ့အစ်ကိုတော် သုတ်သင်လိုက်တဲ့ချန်အိမ်ရှေ့စံကိုအဓိကထားပြီးတိုက်ခိုက်လာသည့်ချန်တပ်တွေက ရှောင်းအိမ်ရှေ့စံရဲ့လက်အောက်မှာကျရှုံးကုန်ကြသည်။
ထိခိုက်ထားသည့်ဒဏ်ရာတွေကိုပြန်လည်ကုစားပြီးတဲ့နောက်မှာ ရှောင်းကျန့်လေးလည်းနေပြန်ကောင်းလာခဲ့ပြီ။
စစ်သူကြီးဝမ်ကလည်း စစ်ဒဏ်ကြောင့်ယိုယွင်းသွားတဲ့သူတို့တပ်ကို စစ်သားတွေစုဆောင်းရင်း ပြန်လည်ပျိုးထောင်လာတာကြောင့်တပ်ရင်းကပြန်လည်အင်အားပြည့်လာသည်။
နွေဦးကညင်သာတဲ့လေပြေလေညင်းကိုခေါ်ဆောင်လာပြီး ရှောင်းဧကရာဇ်ရဲ့နန်းဆောင်နားက ဆည်းလည်းပင်ကြီးကိုအရွက်တွေထိခတ်သွားစေသည့်အထိတိုးဝှေ့တိုက်ခတ်သည်။လေပြေဝှေ့တစ်ချက််မှာထိခတ်တွယ်ညိသွားတဲ့အရွက်တွေဆီကလေတိုးသံလေးတွေတောင်ထွက်ပေါ်လာစေသည်။
ထိုလေပြေညှင်းလေးဟာဆည်းလည်းပင်ကိုပွေ့ဖက်နှုတ်ဆတ်ပြီးနောက် ရှောင်းဧကရာဇ်ရဲ့နန်းဆောင်ထဲကို အလည်ပတ်ရောက်ရှိလာပြီး ခန့်ခန့်ထည်ထည်ချိတ်ဆွဲထားသည့် ကန့်လန့်ကာကြီးတွေကို ထပ်မံတိုးဝှေ့၏။
လေပြေတစ်ချက်အဝှေ့မှာ ရှောင်းဧကရာဇ်ရဲ့ခပ်ရှရှအသံကထွက်ပေါ်လာ၏။
"စစ်သူကြီးဝမ် ရှင်ဘုရင်တစ်ပါးဟာ
သူ့မိန့်ပြီးသားအမိန့်တစ်ခုကို ပြန်လည်ပြောင်းလဲတယ်လို့မောင်မင်းကြားဖူးလို့လား"
စစ်သူကြီးဝမ်ဟာ ရှောင်းဧကရာဇ်ရှေ့ဒူးထောက်ထိုင်နေသည်။ခေါင်းကိုပါငုံ့ချကာသူတောင်းဆိုနေသည်ကတစ်ခုတည်း။
ရှောင်းမင်းသားလေးကို သူ့လက်ထဲထည့်ပေးရန် အရှင်ထံလျှောက်ထားနေခြင်း။
အရှင်က မိန့်ပြီးသားအမိန့်ကို ပြန်မပြောင်းဘူးလို့ယတိပြတ်ပြောဆိုလိုက်သည့်အခါ စစ်သူကြီးရဲ့အံကြိတ်မှာကြောင့် လည်ပင်းမေးရိုးတွေကထင်းခနဲပေါ်လာသည်။
သူရှောင်းကို သူ့ရင်ခွင်ထဲမှာ မတောင့်မတမကြောင့်မကျထားပါမည့်ဟုဆိုတာတောင်ခေါင်းမာသည့်အရှင်က ခွင့်မပြုခဲ့။
သူဒူးထောက်လို့တောင်းဆိုတာတောင်အရှင်ဟာဥပေက္ခာပြုဆဲ။
