ဗီလိန်ဇာတ်ကောင်ကိုယ်ထဲဝင်ရောက်ခြင်း || Extra [RL](COMPLETE✔)

Extra-8[RL]finale

Unicode

ထရစ်ဗစ်ဟာနောက်ဆုံးတော့ Shayရဲ့အခန်းဆောင်ထဲသို့ရောက်ရှိလာသည်။ နေ့ရက်တွေဆက်တိုက်စောင့်နေခဲ့ရတဲ့အကျိုးကျေးဇူးကြောင့် အခုလိုအခန်းဆောင်ထဲသို့ဝင်ကာစောင့်ရတဲ့အဆင့်သို့တက်လာခဲ့သည်။ ဒါကယောက္ခမကြီးကိုကျေးဇူးတင်ရမည်။ ယောက္ခမကြီးရှေ့မှာသနားကမားမျက်နှာကိုပြလိုက်ပြီး ယောက္ခမကြီးရဲ့သနားကြင်နာပေးမှုကြောင့်ဖြစ်သည်။

ထရစ်ဗစ်ကနှစ်ယောက်အိပ်ခုတင်အကျယ်ကြီးပေါ်မှာတက်ထိုင်လိုက်ပြီး အခန်း၏အပြင်အဆင်ကိုကြည့်လိုက်သည်။Shayနှင့်လက်ထပ်ထားတာနှစ်တွေကြာမြင့်လာပြီဖြစ်ပေမဲ့ Shayရဲ့အခန်းထဲကိုတော့ဒါပထမဆုံးရောက်ဖူးတာပဲဖြစ်သည်။

ထိုစဥ် တံခါးကဖွင့်လာပြီး Shayတစ်ယောက်အခန်းထဲကိုဝင်လာသည်ကိုမြင်လိုက်ရသည်။ ထရစ်ဗစ်ကပျော်ရွှင်သွားကာ ခုတင်ပေါ်မှအမြန်ထလိုက်ပေမဲ့ Shayရဲ့ပုံစံကိုမြင်တဲ့အခါ တခဏအတွင်းမှာပဲထရစ်ဗစ်မျက်နှာထက်ကအပြုံးကပျောက်ကွယ်သွားပြီး တင်းမာသွားလေတော့သည်။

Shayကထရစ်ဗစ်ကိုမြင်တော့ မျက်မှောင်ကြုတ်လိုက်ပြီး ထရစ်ဗစ်ဆီသို့လျှောက်သွားလိုက်ကာ ရန်ဖြစ်ဖို့ပြင်လိုက်ပေမဲ့ ထရစ်ဗစ်ကရုတ်တရက်သူ့ရဲ့လက်မောင်းကိုဆုတ်ကိုင်လာပြီး သူ့တကိုယ်လုံးကိုအထက်အောက်စုံကြည့်ကာ အော်ပြောနေခြင်းမဟုတ်သည့်တိုင် ဒေါသငွေ့တို့ကိန်းအောင်နေသောအသံဖြင့်ပြောလာသည်။

"ဒီပုံစံကဘယ်လိုဖြစ်နေတာလဲ!"

Shayဟာ ဝတ်ရုံကြိုးကိုခပ်ပျော့ပျော့ချည်ထားပြီး ဝတ်ရုံရဲ့ရင်အကွဲ၌ ဖြူဖွေးနေသောရင်ဘတ်တစ်စုံဟာအတိုင်းသားပေါ်လွင်နေသည်။ ခြေတံရှည်တစ်စုံဟာလည်း ပေါ်လွင်နေပြီး ရေစက်ရေပေါက်ကလေးများက လိမ့်ခနဲကျဆင်းနေလျက်ရှိကာ ဒါကအရမ်းကိုဆွဲဆောင်မှုရှိလွန်းသည်။

ဆံနွယ်နက်များကကျောပြင်လေးထက်ဝဲကျနေပြီး ရှေ့ဆံနွယ်စတချို့ဟာ ပါးပြင်တို့ထက်မှာကပ်တွယ်နေတော့သည်။ ရေချိုးပြီးခါဖြစ်တာမလို့ အသားအရည်လေးကပန်းရောင်သမ်းကာဖြူအုနေပြီး နှာခေါင်းထိပ်ကလေးနှင့်နှုတ်ခမ်းသားတို့ကရဲလို့နေကာ တမျိုးချစ်စရာကောင်းနေသည်။