"ဟေ့ကောင်....မတွေ့ရတာကြာပြီကွာ"
ဂျေး၏ သူငယ်ချင်းဖြစ်သူ အင်ဟန်းအလုပ်လုပ်သည့်ဆေးရုံသို့ ဂျေးရောက်နေခြင်း။ ဂျေးလည်းရွှင်ပြစွာပြုံးရင်း.....။
"အေးကွာ...ငါတို့မတွေ့တာအတော်ကြာပြီ။ မင်းကနာမည်ကြီးဆရာ၀န်ကြီးဖြစ်နေတော့လည်း အချိန်မရှိလောက်ဘူးထင်လို့ပါကွာ။
ဂျေးထိုကဲ့သို့ ရွှတ်နောက်နောက်ဆိုလိုက်တော့ အင်ဟန်းသည်ကျယ်လောင်စွာရယ်မောတော့သည်။
"လာကွာ..ဆေးစစ်ခန်းထဲသွားရအောင်။ မင်းခနခနဗိုက်နာတယ်ဆိုတာမပေါ့သင့်ဘူး ငါ့ကောင်ရေး"
ဂျေးလည်း အဖိုးကြီးလေသံဖြင့်ပြောနေသောသူငယ်ချင်းဖြစ်သူအား ခြေထောက်ဖြင့်မနာအောင်ကန်လိုက်သည်။ သူနဲ့ အင်ဟန်းသည်ငယ်ကတည်းကပင် အတူစားအတူသွားခဲ့ကြသူများဖြစ်သည်။ သို့သော်လည်း အရွယ်ရလာကြ၍လုပ်ငန်းခွင်ကိုယ်စီ၀င်ကြရသောအခါ သိပ်မတွေ့ဖြစ်ကြတော့ချေ။
☆☆☆☆~~~~~~~~☆☆☆☆~~~~~~~~~☆☆☆☆
"မင်းဘယ်အချိန်ကတည်းကဗိုက်နာတာလဲ"
ဆေးစစ်ချက်များပြုလုပ်ပြီးချိန်တွင် အင်ဟန်းသည် သူ့အားဆေးစစ်ချက်စာရွက်စာတမ်းများကို ကြည့်ကာ အဓိပ္ပါယ်ဖော်မရသော မျက်၀န်းများဖြင့်ကြည့်လာသည်။
"နည်းနည်းတော့ကြာနေပြီ။ လွန်ခဲ့တဲ့ သုံးလလောက်ကတည်းက"
ထို့နောက် အင်ဟန်းသည်သူ့အား သက်ပြင်းရှည်ကြီးတစ်ချက်ချကာ...။
"မင်းစောစောလာပြသင့်ကိုကွာ"
ထိုစကားသံကိုကြားပြီးနောက် ဂျေး၏စိတ်တို့ပူပန်ကာ တုန်လှုပ်လာမိသည်။ သို့သော်လည်း အသံအားထိန်းကာ ပြန်မေးလိုက်သည်။
"ငါ့ကိုပွင့်ပွင့်လင်းလင်းပြောပြ အင်ဟန်း"
ဂျေးထိုသို့ပြောသော်လည်း အင်ဟန်းသည် ခေါင်းအားတစ်ချက်မျှခါကာ အုပ်ထိန်းသူခေါ်လာရန်ပြောသည်။ သူ့မှာအုပ်ထိန်းသူဟူ၍ မရှိပါ။ ထိုအချိန် ရုတ်တရပ်စဥ်းစားမိသည့် နာမလေးသည် "ဂျိတ်ခ်" တစ်ယောက်သာ။ သို့သော်ဘာဖြစ်နေမှန်းမသိသည်ကတစ်ကြောင်း၊ ဂျိတ်ခ်သည်သူ့ကြောင့်နဲ့ အလုပ်၀န်ပိုပိလျှင်မကြိုက်သည်ကတစ်ကြောင်းမို့....။
YOU ARE READING
𝑇ℎ𝑒 𝑑𝑜𝑜𝑟 𝑜𝑓 ℎ𝑖𝑠 ℎ𝑒𝑎𝑟𝑡
Fanfictionကောင်ငယ်လေးရဲ့ နှလုံးသားတံခါးက ကျွန်တော့်အတွက် မဖွင့်ပေးနိုင်ဘူး ထင်ပါတယ်ဗျာ။
