Chapter 49
အတွင်းဂိုဏ်းတပည့်အများစုကတော့ အဓိကခန်းမဆောင်ကြီးသို့ ရောက်ရှိမှအမောဖြေနိုင်ကြတော့သည်။ ဒုတိယစာမေးပွဲမှာ မမျှော်လင့်ပဲ အန္တရာယ်ဘယ်လောက်နဲ့ သူတို့တွေ တွေ့ကြုံခဲ့တယ်ဆိုတာ ဘယ်သူမှမသိပေမယ့် လူအများစုကတော့ ဒဏ်ရာတွေရလာကြသည်။
ဟူယွိထျန်ကတော့ ခါတိုင်းလို မည်းမှောင်နေသည့်မျက်နှာဖြစ်နေပေမယ့် သူ့အနားမှာက တိမ်မဲကြီးက ပိုမိုကြီးမားနေသည်။ သူ၏ခန္ဓာကိုယ်က အနည်းငယ်ဖိအားရှိခဲ့သည်ဆိုတာကို သူ့အနားမသွားပဲနဲ့တောင် ခန့်မှန်းကြည့်နိုင်သည်။
ဝေ့ချင်မျက်နှာကတော့ အရင်အတိုင်း မာနကြီးလျက်ပင်ရှိသည်။ ဒါပေမယ့် သူကတစ်ခါတစ်ရံတော့ ရွှီဇီယန်အား ခိုးကြောင်ခိုးဝှက်ကြည့်ကြည့်လာသည်။ ဒီအပြင် ရွှီဇီယန်က သူ့အမူအရာကို သတိထားမိသွားပြီဆိုရင် သူမျက်နှာကို တစ်ဖက်သို့ ချက်ချင်းလှည့်လိုက်သည်………
ရှဟုန်လျန်ကတော့ အမြဲတမ်းလိုလို တက်ကြွသည့်အမူအရာမျိုးသာ ပြသနေပြီး ကြည့်ရတာတော့ သူမက ဒုတိယစာမေးပွဲကို အားစိုက်မထုတ်ရပဲ သက်သာစွာ ဖြတ်သန်းခဲ့ရလိမ့်မည်။ အပြင်ပန်းကြည့်ရင်တော့ ချစ်စရာကောင်းပေမယ့် တကယ်လက်တွေ့မှာတော့ အလွန်အန္တရာယ်များသည့် မိန်းကလေးဖြစ်ပြီး လက်ရှိမှာတော့ သူမစူပုတ်ပုတ်မျက်နှာဖြင့် စိတ်ကောက်နေသည့် အမူအရာမျိုးဖြစ်နေသည်။
ရွှီဇီယန်က ဘေးပတ်လည်ကို တစ်ချက်လောက်ဝေ့ကြည့်လိုက်ပြီး ထောင့်နားမှာထိုင်နေသည့် ယွီဟော်အား တွေ့လိုက်ရသည်။ နောက်ဆုံးအကြိမ်က ယွီဟော်ဟာ ရွှီညီအကိုနှစ်ယောက်ထက် ခြေတစ်လှမ်းသာ နောက်ကျပြီး တောင်ပေါ်သို့ရောက်လာသည်။ ဒါပေမယ့် ဒီတစ်ကြိမ်မှာတော့ အဓိကခန်းမဆောင်အတွင်းသို့ သူက၇ယောက်မြောက်လူအဖြစ် ရောက်ရှိလာခဲ့သည်။
ရွှီဇီယန် အားလုံးကို သေချာလေ့လာပြီးနောက် တစ်စုံတစ်ခုကို သူသဘောပေါက်သွားသည်။ ဒီနေရာကို ရောက်အောင်လာနိုင်ခဲ့သည့် လူနည်းစုကသာ သူ့လိုမျိုး ခြေထောက်တွေ ဒါမှမဟုတ် လက်မောင်းတွေမှာ ကြိုးချည်ခဲ့ရခြင်းဖြစ်သည်။ သူ့အရင်ဘဝက မူလရွှီဇီယန်က ဒီလိုအပြုအမူမျိုးကို ဘာလိုမလုပ်ခဲ့ရလဲဆိုတော့ သူ၏ရလဒ်က သာမန်အနေအထားသာ ဖြစ်ခဲ့လို့ဖြစ်သည်။
![](https://img.wattpad.com/cover/356973063-288-k404465.jpg)
YOU ARE READING
ငါဗီလိန်ကို ကွေးအောင်လုပ်လိုက်မိပြီ၊ ငါဘယ်လိုပြန်ပြင်ရမလဲ?(ဘာသာပြန်)
Historical FictionI've Led the Villain Astray, How Do I Fix It?(把反派养歪了肿么破) Author(s) - Yan Ye/湮叶 Translator(s) - TK Team Status in COO - 469 Chapters + 6 Extras(Completed)