جيتي مثل توبة انهت عمر الذنوب

٣٠

شادن:ذا ليث معقولل
سميه:اقبصوني لاني شكلي حلمت ان ليث يمازح احد
قبصت فخذها رهف بقوه وصرخت سميه وفز مشعل يبكي
سميه:وجعاه ي رهف
رهف:انتي قلتي اقبصوني
الكل انفجر يضحك عليهم وهمست سهاد لترف :وش مسويه ب الوحش كانك مهكرته انصدمت مره فيه صار يمزح ويلاطف لا احس صدمه منجد
ترف:الله أهداه ان شاء الله
سهاد:الله يهدي الجميع بس اضن ان في شي في القلب كمان
ترف:توهمين والا أنا تعرفين رايي بالحب
سهاد تزفر تشرب شاي:اي هين ي ابو محمد بكره تبين الخوافي
ترف شرقت بالشاي:قليله ادب وش ابو محمد
سهاد:مزوح ي شيخ خلاص نقول حبيبه الليث
رهف فزت من الاسم:ايششش
لفو البنات بصدمه:حبيبه ليث ؟؟ليث عنده حبيبه
ترف بهمس لسهاد:الله يآخذك
ابتسمت بتسليك:لا نقول ممكن يصير عنده حبيبه
شادن:والله لا ليث والحب مره مايجون
ترف:ليه هو مو بشر
رهف تخز اختها:هاء وش عندها اختي اذكر كانت تقول ليث مو بشر شيطان وش غيرك
احلام قطعتهم وزفرت ترف براحه انها أنقذتها وقالت:يبنات كلمت ام فيصل العصر جايه تخطب شادن لولدها فيصل فزو رتبو
شادن مغصها بطنها ولفت بصدمه على جدتها والبنات فزو يباركون لها
اماني:أنا مو موافقه
شادن لفت لامها وهي مصدومه ومامدى تستوعب صدمه خطبتها إلا صدمها رد امها
احلام:الكلمه للرجال وللبنت مالك شي
اماني وقفت بحده:البنت بنتي وانا ما اسمح لاحد يزوجها على كيفه
العنود:صلو على النبي
احلام:الف من ذكره وبعدين انتي ليه زعلانه يمكن شادن موافقه
لفو الكل لشادن الي حمر وجهها وتحس توترت وفزت تتجه للغرفه والبنات وراها
نجوى:استهدي بالله ي اماني شادن كبيره خليها هي تقرر حياتها بنفسها
اماني:تاخذ من عيال الديره والله مستحيل بنتي أزوجها ولد خالتها في جده مو من عيال قريه نائيه
احلام:ثمي انقلعي من وجهك لاهفك بالعصا حتى سوالفك تغث
وقفت اماني وراحت لشادن
العنود:الله يصلحها الي ماراح تحيل عن عيالها حتى تخربهم بتفكيرها العقيم
اماني دخلت الغرفه:شادن تعالي
شادن فزت لمها وطلعو الغرفه الثانيه
سميه:اكيد بتقول لها ارفضي
سهاد:وش السالفه متى قابلت شادن وكيف عرفو بعض
رهف جلست تحكيهم يوم العيد ايش صار معهم وهزو روسهم البنات بتجاوب
سميه:يبنات امه عسل تنحط على الجرح يبرى الله يجعله من نصيب شادن
ترف وقفت تقلد اماني وتلف حنكها وتمشي نفسها:البنت بنتي وانا ما اسمح لاحد يزوجها على كيفه
البنات: هههههههههههههههههههههههه
رهف:اجلسي ي مريضه لاتجي شادن تزعل
ترف:غثيثه ي بنات منجد حقيقي الي بتكون له عمه الله يعوضه
رهف:ي بنات فيصل حلو ماشاءالله صح عصبي نفس مافهمت من امير بس عشان ابوه توفى وهو صغير وشال مسوليه امه على صغر
سهاد:ودنا بعرس والله نردح فيه
ترف:قومو نجهز مافي وقت
بغرفه اماني
شادن:ما اعرف احتاج وقت أفكر
اماني:بدون تفكير ارفضيه
شادن وهي تبي تقطع السالفه:زين زين
طلعت شادن اتجهت لرهف تسحبها على جنب:حكيني ع فيصل ذا
رهف:شوفي صراحه ما اعرف عنه كثير بس الولد حلو ماشاء الله وكمان رجال ينشد فيه الظهر ودايم دروبه من امير وتعرفين اخوي كيف وتبين أريحك اكثر الي يخاف على امه صدقيني بيخاف عليك ويحطك في عيونه
شادن:ما ادري محتاره اخاف ما اتأقلم بالديره
رهف:بالعكس بتحبينها مره وانتي شفتي امه عسل مره ولا طفشتي تعالي لنا قريبين
شادن:ما اعرف
رهف:صلي استخاره والله يقدم الي فيه الخير
بعد صلاه العصر
البنات في الغرفه جالسين يستشورون وياكثر تركيزهم على شادن ويبونها تكون مره جميله واطلالتها حلوه وبسبب ريحه الشر ترف صارت تكح بقوه وفزو البنات بخوف
رهف:اطلعي من الغرفه
طلعت ترف من الغرفه وانصدمت بالبيت كله بخور وطلعت ركض من باب الحوش وهي تكح ومكتومه وفز العيال كانو جالسين لها وامير مسك كتفها:وش فيك وش صار
ترف اشرت بيدها بمعنى:البخاخ
بدت ترتخي ترف بيد امير من الكحه ونفسها ينقطع مسك ليث كتفها يحاوطها:امير فز البخاخ جبه
فز امير ومحمد يبي يفتح غطها بس منحرج من العيال برا وصار يهوي من فوق الغطاء ترف من التعب مالت بتطيح وفز ليث وهو يشيلها بين ذراعيه في منظر صدم الكل بس كانو مع الخوف مو مدققين عليهم جلسها على الجلسه بنتظار البخاخ
محمد:صدو ي عيال بفتح غطاها
صدو العيال وفتح محمد غطاها وفز مشعل بغترته يهويها ويقرا عليها
عند امير الي من اللخمه نسى مره ان في بنات بالبيت دخل بحماس للصاله يقلب على الفرش يدور البخاخ ولف من حس احد وراه وشهقت سهاد بصدمه ترجع ورى
امير بعدم تركيز:فين بخاخ ترف
سهاد جت بتمشي:وش فيها وش صار
امير:البخاخ انكتمت
اتجهت سهاد بصدمه للغرفه سحبت البخاخ وعطته امير واتجهه امير يمشي وهي وراه وقبل يطلع امير من الباب لف عليها يشوف كيف طالعه بدون حتى غطا وقال بهمس:ارجعي
سهاد:بطمن على ترف
امير تقدم بحده لها وهو متقروش:والله ان طلعتي كذا لا أدفنك بأرضك
سهاد انصدمت من قربه ورجعت على ورى بخوف وقلق وطلع امير ركض
بعدها استوعبت سهاد ان ماكان عليها غطاء ورجعت ركض للغرفه وهي تقول للبنات:عطوني غطاء بشوف ترف تعبت
شهقت رهف تتجه ركض بدون تحس على نفسها والبنات يصيحون غطاك بس كانت ترف اهم عندها
في الحوش اتجهه ركض امير يعطي ابوه البخاخ وبخ في حلقها وتقدمت احلام بكاس مويه وهي تصب منه على صدرها وتهويها وشهقت ترف وفزت وهي تاخذ نفس
احلام:بسم الله عليك يا بنتي هاء كيفك
ترف:طيبه طيبه
محمد:ارتاحي شوي
لف كلهم على صراخ رهف :ترفففف
لف ليث وامير عليها واتجهه ليث لها وهو يسحبها لصدره يخبيها :العيال هنا وش فيك طالعه بدون غطاء
رهف بدموع:ترف كيفها تكفى طمني
صرخت رهف:ترف كيفك
ترف:يوه صراخك يعور في الراس أنا بخير صرت احسن
رهف ضحكت من مزحها وتطمنت انها بخير والعيال تقدم يطلعون برا الحوش احترام للبنات ماعليهم غطاء ومسح ليث دموعها :هديتي
رهف تهز راسها ترفع رجولها تبوس جبين ليث:جعلك سند وذخر ي اخوي
ابتسم ليث يحاوط كتفها لحد الجلسه عند ترف ومالت لترف تجلس عندها:الله ياخذ الكتمه اللي تعور قلبك
ترف:امين
ناصر:ادخلو يبنات الرجال على وصول
فزو البنات يدخلون وفتحت نجوى الدرايش يطلع البخور وبدو البنات يجهزون ووصل فيصل ومعه جمعه رجال وسلمو ورحب فيهم امير وليث وجاسر ومعن ودخلوهم للحوش ووو