جيتي مثل توبة انهت عمر الذنوب

٣٤

كانو الكل يرقصون خطوه بشكل متناغم ومتناسق وفز امير يسحب ترف وهو يدخلها النص وهو يحاوطها بكتوفه وهو يعرف ان ترف اكثر وحده فنانه بالخطوه وبدت تتمايل مع امير تضرب برجولها في الارض بشكل متناغم وملفت والبنات يشجعون والعيال عيونهم عليهم ومشعل وناصر يصفقون لها بكل حماس وسهاد كانت عينها على ليث الي كان مولع فيها مره وهو يعض شفته بقهر على شكلها الفاتن وتقدم ليث يسحب جده في النص وهو يبي يقرب من ترف ودخلو الكل بالنص وتقدم ليث يمسك يد ترف ويد ماسك فيها امير ومسوين دائره على الجدان والعرايسس الي كانو في النص وليث شاف الكل مفتون برقصها وشد كف يدها ولفت ترف تناظر فيه واشر لها بعينه وترف ابتسمت وهي تسحب يدها منه وتوقف على جنب وتصفق وتقدمت سهاد منها  تهمس:الغيره عذروب خلي محلى عذروبه
ضربتها ترف على كتفها بخفيف:اششش
انتهت الاغنيه ووقف الكل رقص وجلسو وهم يأكلون من الكيكه ومتحمسين للملكه بكره ويطقطقون على رهف وشادن الي كانو مره مستحين وجاهلين الاثنين الي كان حبهم تو يبدأ وهم نظراتهم فاضحتهم ترف وهي تناظر عيون ليث وليث يبادلها بنفس النظرات وهو يبتسم ويلعب بسبحته تقدم معن :ي كيكه ممكن اخذ صحنك
ليث ناظر له وهو يدفع الصحن له:خذ مالي في هالامور
احلام:ليه ماتجرب بتعجبك
معن يغمز:مافيها ليمون ترا
ترف شهقت :معنوووهههه
ضحك معن وجته ضربه بالسبحه على كتفه من ليث الي قال بهمس:لاتزعلها
معن وقفت اللقمه بحلقها وهو يقول:هاء ياواد ايش قلت
ليث:اقول اقصر الشر
معن يتقدم له ويقعد مقابل وجهه وقال:وش رايك تعرس علي ترف؟
التمس ليث وترف كانت ماسكه كاس القهوه وطاح من يدها
رهف :اسلمي سلامات سلامات
ترف فزت وهي تمسك طرف ثوبها وتركض با استحياء متجهه للغرفه
ابتسم ليث وفرح انها أنقذته ووقف ناصر:الخرفان في الحوش حطو لها علف للذبايح بكره
احلام:زين
بعد العصر البنات يجهزون الأشياء المهمه للملكه غداً وطلعت سهاد وهي تشوف الأشجار الي معبيه الحوش وتقدمت تسحب خرطوم الماء وهي تسقي الزرع وفزت تاخذ لها مشتل واخذت وردتين من الباقه وتقدمت تزرعها دخل امير يشوف البنت الي تحوس في الحوش اتجهه لها :وش تسوين
سهاد:ازرع ورد
امير:جلس على ركبه ونص :ليه تزرعينها
سهاد:احب الورد
امير:وليه تزعين ثنتين
سهاد:عشان لو فشلت وحده تطلع الثانيه
امير اخذ السماد:بساعدك
سهاد:زين يمكن يدك تكون حلوه
امير ابتسم وهم يبدون يزرعون وهم مبتسمين وبس خلصو مسك كفوف يدها وقال:في اليوم الي راح يطلعون فيه هالوردتين راح أتقدم لك وتصيرين حرمي
سهاد توترت وهي تناظر بعيونه بصدمه وهي مو قادره ترمش ابتسم امير يمرر يده قدام وجهها:وش فيك
سهاد بتوتر تسحب يدها ووقفت هاربه وهي تناظر وراها وصرخ امير:انتبه...ماكمل كلامه إلا ارتطمت بحديده كبيره وطاحت على ظهرها وهي تمدد يدها وفز امير بخوف وتورطت سهاد وهي تسوي روحها اغمى عليها وصرخ امير :جاسر
جاسر فز وفز الكل وراه وانصدمو بسهاد الي كانت مغمى عليها وفز جاسر يشيلها بين ذراعيه
ناصر:وش فيه وش العلم ؟
دق الباب
امير:افتحو الباب
الكل كان مشتغل بسهاد وتقدمت شادن للباب وهي تناظر وراها لسهاد وقلقه عليها وفتحت الباب بالغلط بدون تقول مين وهي صاده انصدم فيصل وهو عرفها شادن لفت شادن وشافت فيصل وصرخت وصفقت بالباب في وجهه ابتسم فيصل وهو يرجع يجلس على كبوت السياره
عند سهاد الكل توتر وصرخت العنود:جيبو مويه
ترف فزت تجيب مويه ومعن من اللخمه وراها للمطبخ ومن التوتر شاف مسبح صغير فيه مويه وصابون وجابه وجاء ركض وتعرقلت رجله وطاح المسبح وانكب الماء والصابون وجاء على وجهه سهاد وصرخت العنود فزت سهاد:يمهههه وش ذا
الكل يناظرون فيها وهي تكح ومصدومه وبسرعه سحبت غطاها وشافو معن المتمدد على الارض وجت ترف :المويه
انصدمت بالمنظر وهي تشوف المويه والصابون ومصدومه
سهاد تشم غطاها ولبسها:ذا ايش صابون؟
العنود:معن ذي مويه الي في المغسله
معن وقف من ألأرض:لقيته في المجلى وجبته
وقفت سهاد تصرخ وهي تمسك عيونها:صابون الله يأخذك يامعن وياخذ فزعاتك
معن بوهقه:ماعرفت توترت
سهاد وهي تنط في النص:عيوني تحرقني احححح
تقدمت ركض لمعن وهرب معن وهي بسبب ملابسها ورجولها الي كلها صابون مالت بتطيح بس يد امير اسرع وهو يمسك خصرها والكل يناظر تفشل امير وفز جاسر يساعده يثبت اخته
سهاد:والله ما اخليها لك ي معن
تقدمت سهاد ومعها امها تغسل وجهها
رهف:هالمعن فزعاته نكبه لعد يفزع
معن:سمعت وش قولتي
رهف تضحك:ان شالله تطيح
لفت بتمشي هي وترف وشادن وانصدمو من قوه الطيحه وراهم وهم يشوفون جاسر متمدد في الارض وبسبب كبر جسمه طلع صوت قوي
ترف بضحكه:امحق عريس متكسر قبل ملكته
العيال:ههههععععععععععهههه
شادن:الدعوه شكلها لك مو لمعن
رهف تقدم:والله ماقصدت بس معن ذا ياكثر الأعياد الي يجيبها
امير تقدم يساعده وهو يضحك:ياشينها عريس ومتكسر
سحب جاسر بيدها وطاح امير عليه وانفجر الكل ضحك عليهم ووقفو ركض واتجهو لمعن وهم يسحبونه ويدفعونه ويطيح وانقلب المكان ضحك ووناسه واتجهو ركض ليث الي ناظرهم بحده
معن:يماما وش هالوحش
ضحكت ترف وهي تتذكر لقبها له ولف ليث لها
امير:ياخي الحياه مره استمتع
معن:ايوه ياواد
ضرب ليث معن بقوه بالسبحه:ياويلك تقرب
معن وهو يفرك مكان الضربه:اححح
طلع ليث والعيال وراه واتجهو البنات يمسحون المويه
فتح الباب ليث وانصدمو بفيصل
امير:اقلط ليه مادقيت الباب
فيصل:طقيت بس في من قفله بوجهي
ليث:السموحه منك بس حصل مشكله صغيره
فيصل:عسى ماشر
امير:لا بسيطه بس تعرف معن وخباله
فيصل:اجل تعالو نمشي بالحاره نشوف الوضع بكره
تقدم العيال يشوفون وش الترتيبات ويجهزون النواقص ويتفقون من بيعزمون
***عصر اليوم الثاني **
كل البنات لبسو والحريم واتجهو لبيت ام فيصل ودخلو رهف وشادن بغرفه حتى يجتمعون الحريم وبدا الحريم والجارات يجتمعون لبيت ام فيصل وفزو يضيفونها وصوت السماعه يطرب بالترحيب وريحه القهوه والطيب معبيه المكان
في قسم الرجال العيال قررو يعقدون هنا اول عشان البنات يوقعون الكتاب وبعدها الرجال يتجهون لبيت الناصر
ناصر همس لليث:رح شوف البنات خلصو تجهيز البيت
ليث:ابشر
فز ليث وهو يطلع واتجهه ركض على رجوله لبيت جده
في بيت الناصر
بس فيه سهاد وترف
سهاد:ترف أنا بسبقك انتي بس تجهز دله القهوه الحقي
ترف:زين زين
طلعت سهاد من الحوش وقابلت ليث الي كان بطريقها
ليث:في احد في البيت؟
سهاد:ترف قدامك بالمطبخ بس هي في البيت أنا سبقتها
ليث:زين
تقدم ليث وبس دخل البيت انصدم بالرجال الي كان متلطم وهارب من فوق الحوش واتجهه له ركض وهو يمسك برجله :من انت وش تسوي هنا
الرجال:حبيب ترف
ليث بصدمه يسحب رجله:وش قلت ؟حبيب مين؟
الرجال يرفس يد ليث :جيت اخذ الي خاطري فيه وماقصرت ترف أكرمتني
ليث بصدمه ارتخى جسمه وهو مو مصدق ابد حاول يمسكه بس الرجال هرب من فوق الحوش طلع ليث ركض وراه بس مالحقه واتجهه بغضب الدنيا كلها لترف وهو يحس صوت الرجال مالوف له بس مو مصدق ان ترف تسوي الحرام مع واحد مو معروف منه وتخونه كذا
دخل الحوش وهو يضرب برجله بقوه الباب وصرخ بقوه :ترررررف
ترف كانت لامه نفسها وهي ترجف ودخلت برخام المطبخ بخوف وضرب ليث باب المطبخ برجله وهو يشوفها تبكي وترجف ومحاوطه نفسها بيدها اتجهه لها ليث بغضب وتوسعت عيونه صدمه من شاف فستانها ممزق من عند صدرها وصرخ:انتي تخونيني انتي ي ترف
ترف بصدمه:لا
ليث بحده ضربها كف قوي حتى طاحت على الارض ورجع يوقفها وهو يصرخ:من هو مين ولد الحرام الي سلمتيه نفسك مين الي يستاهل تبيعين شرفك عشانه
ترف بتوتر وهي تبكي:لا ان انت انت فاهم غلط
ليث بصراخ:انطقي مين هو ميننن الي بديتيه علي
ترف وهي ترجف وتبكي وشهقاتها مو قادره تتكلم وبصوت متذبذب:اس ايت استر عليي
ليث بحده:استر عليك استر فضيحتك ي قليله الشرف والله لاخذ روحه بيدي والله
ترف وهي ترجف وتبكي هز ليث كتوفها بقوه:ميننننن هو ؟؟مين ردي علي
ترف:ما اعرف
ليث بحده ضربها كف ثاني ومالت ترف تمسك خدها وهي تبكي واتجهه ليث يقلب في ادراج المطبخ وهو يسحب سكين وحطها على رقبتها وتوسعت عيون ترف بصدمه وبلعت ريقها بصعوبه وخوف وقال ليث بحده يرص اسنانه:مين هو الواطي الي سلمتيه نفسك انطقي
ترف بدموع:والله ما اعرفه 
ليث وهو يناظر بدموعها ورجفتها وشاف الدم الي بدأ يصب من رقبتها وهو ملامحه تحولت احمر ووجهه صار يتصبب عرق رمى السكين بعيد عن رقبتها وهو يمسك وجهها بين كفوفه وبكسره:من قدر يأخذك مني من الي ملى عيون الترف من الي خذا روحك واخذ روحي قبلها
ترف وهي تبكي بصوت عالي وتغمض عيونها ليث وهو يشوف دموعها الي هشمت قلبه صرخ:انطططططططقييييييي
ترف:ما ما ما
ليث وهو يدفعها على ورى ويبعد يرمي شماغه عليها:غطي صدرك
سحبت شماغه تستر صدرها وصار ليث يدور في المطبخ من شده الغضب وهو مقهور ويشد راسه مو عارف ايش يسوي ويصرخ:ليهههه ليه ي ترف ليه
ترف ماكانت قادرة تقول اي شي او حتى تبرر بسبب خوفها وجبنها منه ولف ليث لها بغضب متجهه نحوها توسعت عيونها ترف بخوف وهي ترجع على ورى بخوف ووو