جيتي مثل توبة انهت عمر الذنوب

٤٥

استغربت ترف انه ماجبرها تكوي له وصلت تناظر فيه وهو يكوي ثوبه باستغراب
ليث رفع نظره يناظرها وابتسم وقال:ادري وش تفكرين فيه
ترف تتكتف:والله مصدومه منك غريبه ماجبرتني
وقف ليث ياخذ نفس يلبس ثوبه وهو يتجهه لها ووقف قبال وجهها:ما أجبرك على شي ياترف من اليوم ورايح الي تأمر فيه الترف سم ولبيه والي ماتبيه مايصير لو تحرق الدنيا بالي فيها
قبض خدها بخفيف:انتي الترف مو اي احد
ترف تناظر بعيونه وتشوف قد ايش الندم بعيونه ويحاول يعوضها وقالت:سبحان الله شكل عضه سهاد وطيحتك بالقدر جابت فايده
ضحك ليث وهو يتخطاها للمرايه وابتسمت ترف من ضحكته ورجع لف ليث لها وتقدم قبال وجهها وقال باستغراب:الله صحيح المجنونه ذي وش هجها فوقي وش صار لها
ترف:مقهوره منك
ليث باستغراب يعقد حواجبه:مني ؟؟ليه وش سويت
ترف بعدم أنتباه رفعت بلوزتها توريه اثار الكدمات بجسمها بسبب ضربه وقالت:بسبب ذا وكمان "اشرت على اصبعها"بسبب ذا
ليث حزن عليها وعلى كميه الالم آلي فعلأ عيشه فيها وهو يمرر إصبعه على خصرها يتلمس كدمات جسمها اقشعر جسم ترف ورجعت على ورى بخوف وهي تنزل بلوزتها:لا عيب
ليث ابتسم:وش عيب ترا أنا زوجك
ترف:توك تقول ماتجبرني على شي
ليث فهم قصدها وتمنى انه فهم غلط وقال يضهر عدم فهمه:وش قصدك
ترف:ابي ما تقرب لي ياليث لمن أرضى انك تكون زوجي
غمض عيونه ليث بقهر بس هو عطاها كلمه لايمكن يرجع فيها صد للمرايه يمشط شعره وهو مقهور من قلب وقال :تأمر الترف مو أنا الي ارجع عن كلمتي
ترف زفرت براحه وتعرف ان ليث لايمكن يرجع في كلمه قالها او وعد عطاه احد وتقدمت له وهي تلفه من كتفه وانصدم ليث من حركتها ناظرت عيونه وفهمت قهره انه كان وده بقربها بس هي صدته ناظرت ازارير ثوبه ورفعت يدها تسكرها وقالت:كل حق لك مني تأخذه إلا القرب ياليث
ناظرها ليث وهو يمسك خدودها بين يدينه:والله اني اقرب لك من رمش عينك وانا متفهم وضعك والشي الي تبينه تبشرين به
ترف وهي تضرب أكتافه:هذا العشم ي الوحش
ضحك ليث:لسا تشوفني وحش
ترف ابتسمت:ومستحيل تتغير نظرتي
ليث يرفع حاجب:متاكده؟؟
ترف تتكتف:اي
قرب ليث منها وهو يميل براسه وقرب مبسمه يطبع بوسه على خدها بخفيف ارتجف منها قلب ترف وهي تحسس لمسات شفايفه وشنباته الي تلامس خدها واحمر وجهها خجل منه وفكت يدينها غصب مع ارتخاء جسمها
بعد ليث يناظر وجهها المحروج وهمس وهو قريب وجهها:والحين بقي وحش؟؟
ترف بهيمان وهي مفهيه:هاءء
ابتسم ليث وهو يمسح راسها وصد:الحقيني لاتبطين
طلع تارك ترف الي تمسك قلبها وحبها لليث جالس يتعبها وهي مابين صراع تبي قربه وخوفها منه يردها تلمست خدها مكان بوستها وابتسمت وهي تهمس:مدري ياليث ساعات احسك وحش وساعات احسك ملاك
لبست غطاها وطلعت للحوش واتجهت للبنات في المطبخ
العنود بحده:يبنتي افهميني انتي اخطيتي ولابد تعتذرين
سهاد:ياامي قلت لك كنت بعتذر بس هو عند فخليه يعض على شحمه
ترف:وش فيكم
شادن لفت تقول لترف وش صار وتقدمت ترف تضرب كتف سهاد:خير ان شاءالله وش عندك تقولين لأخوي سلق ي ألبومه
سهاد:أنا بومه؟؟
العنود:تكفين حاكيها صدعت منها وماكانت تفهم علي عقليها كود تفهم منك
طلعت العنود للحوش ولفت ترف تسحب سهاد بعيد عن البنات وتقدمت للحوش بس جلسو على طرف
ترف:وش فيك ليه زعلانه وليه قلتي كذا
سهاد:والله من قهري عليك ما ابي احد يعور بنت انقهر لمن اشوف احد يتطاول ويمد يده على بنت وانقهر لمن البنت تسكت وماتردها له.
ترف:فهمتك بس امير وش دخله بالموضوع
سهاد:عاد اخوك ملقوف تدخل بالوقت الغلط وهذا الي طلع معي
ترف:بس مو عذر انتي لازم تعذرين منه وترا امير لو مايعزك كان رد عليك وفشلك نصيحه لاتخسرينه ترا والله لو تلفين الدنيا كلها ماتلاقين احد يتحملك كثره
سهاد بزعل تبوز:فاهمه وهالشي مره متعبني ابي أتسامح منه بس هو طلع ومعد رجع
ترف:ولايهمك اكيد بيرجع واجمعكم مع بعض بس انتي لعد تخربينها معه
سهاد:زين
وقفو واتجهو للجلسه ونادى جاسر:سهاد ساعديني بالشوي
ترف:خليك أنا أساعده
ليث رفع يده:لا ارتاحي أنا أساعده
ابتسمت ترف تجلس والكل ناظر بليث الي فعلا تغير مو ليث الي خبرهم فيه وحب الكل التغير الي طراً له

عند امير الي كان جالس عند البقاله وهو مقهور تقدم فيصل يجلس بجنبه ويحط يده على كتفه:وش بلاه ابو محمد
امير:هلا فيصل
فيصل:زعلان منها
امير بضيق:كدرت خاطري يوم احاول أداريها وتفرغ غضبها علي عز علي قلبي الي حبها وخذته لعبه بين يدينها
فيصل ابتسم:لا تقول كذا البنت ماقصدت بس يمكن كان عندها سببها في الي سوته
امير:مهما كان تكسر رجولتي قدام الرجال والله تحز في الخاطر خصوصاً لاجت من شخص مكانته بقلبك كبيره
فيصل:تبي شوري
امير:شور ترا ماطلعت من هناك إلا خوفي لا اغضب واطول لساني والاامد يدي عليها واندم ندم عمري
فيصل بحده:اعوذ بالله هالكلام مو كلامك انت لو مديت يدك عليها صدقني بتخسرها خساره عمرك لكن اقولك عقابها
امير:وشلون
فيصل:اهجرها لاتحاكيها أتعبها في رضاك لاترضى بسهوله حتى تحس بقيمه غلطها
امير:تشوف كذا
فيصل:جرب
امير ابتسم:زين الله يخليك يافيصل والله اني بدونك ولاشي
فيصل ابتسم يقومه:ي رجال حنا لبعض والحريم كذا كلمه تزعلهم وكلمه تطيب خاطرهم والأمور طيبه بس يبي لهم صبر وطوله بال
اتجهه امير لبيتهم وفيصل راح لامه
دخل امير من باب الحوش يشوف العيال توهم يحطون العشاء وتقدم يسلم وجلس على السفره سعاد كانت ماكلته بنظراتها بس هو كان ولامعبرها
ناصر:وين هجيت
معن :ي جدو قلك جهنم الحمراء
ناصر:انت كل وانت ساكت
معن بفشله:سم
الكل ضحك عليه وناظرته ترف:يشين الللقافه هي اسكت دام الكلام مو لك
ناصر:وانتي بعد اقصري صوتك وسمو بالرحمن وكلو
تفشلت ترف وضحك معن بقوه عليها:القمي
ضحك الكل بما فيهم ليث الي كان بجنبها وناظرته ترف وحط أصابعه على شفايفه يخفي بسمته ترف بقهر:لاتضحك على الاقل انت
ليث رفع يده:ما اضحك هاء
معن:مسويه فيها واخر شي نتف ام جبهتها
شادن بضحكه:منجد لو انك ساكته ابرك
سميه:عاد أنا تفشلت وانا مالي دخل
معن:ماعليكم هي متعوده على الفشلات
انقهرت ترف:سد فمك انت وهي لاتخليني استلمتك ي ابو الأعياد
معن :منهو دا
ترف:روقنا ي حبيبي وبعدين اعلمك منهو دا
لف ليث على كلمه حبيبي الي طلعت من ترف ككلمه عابره وهو يناظرها وناضرته ترف بحده:خير
ليث:حبيبي هاء
استوعبت ترف وهي تاخذ لقمه وتحشها بفم ليث في ضل صدمه الكل واولهم ليث وقالت:كل ي حبيبي
توسعت عيون ليث بصدمه ومن قوه الكلمه حس اللقمه وقفت بفمه وصار يكح وقفت ترف تضرب صدره بقوه:صحه صحه
جاسر:احلى الكلام الرومنسي حبيبي وحركات
سميه:اخس والله ابهرتينا
معن:وش فيها ترا كلمه عاديه حبيبي
ترف:علم ولد عمك الي ذابحه الجفاف
ضحك جاسر:ي عزتي لي ي ولد عمي خذيت وحده تمن حتى بكلمه الغزل
ترف:ي عزتي لك انت الي حتى كلمه حبيبي ماراح تسمعها من رهف
جاسر:ليه عندها جفاف
رهف:نعم؟؟خيرر منو الي عنده جفاف؟؟
جاسر:مزوح مزوح ي الغلا
امير وليث والبنات كلهم بصوت واحد:يعععععععععععع
شادن:غثيان منجد من باقي يقول ي الغلا
سهاد:منجد غبار طلع من فمك
معن:دقيقه أنا مافهمت مين الي عنده جفاف؟مو لازم نوديها الطبيب؟
جاسر:يوههه ي علتي عله
امير بضحكه:معن لسا الفهم والاستيعاب عنده بطيئ اصبرو عليه
الكل: هههههههههههههههههههههه
وقف بعدها امير واتجهه للمجلس ووقف على المغسله بيغسل استغلت سهاد الفرصه وكمان ترف دقتها من ركبتها واتجهت ورا امير
تقدمت تشوفه على المغسله يغسل وهي تقدمت تفرك يدينها بخجل وقالت:امير اسمع بقول....صدمها لمن مشى من عندها واتجهه المقلط واتجهت وراها بصدمه وقالت:امير بحاكيك اسمع ...قاطعها وكمل صاد وتقدم للمجلس وهو يفرش فراشه ويحط اللحاف
سهاد:امير لو سمحت بس عطن...قاطعها يطفي النور وتمدد وقال:اطلعي وقفلي الباب
سهاد...