جيتي مثل توبة انهت عمر الذنوب

٥١

اتجهه ليث ركض وهو يشوف ترف تضرب في البنت والبنت طايحه تحتها وكمشت شعر البنت ليث انصدم من المنظر وفز يسحب ترف يمسك كتوفها وصد يعطي البنت ضهره ويناظر بترف الي ولا كانها فيها شي او تضاربت مع احد ليث بحده:وش فيكم صوتكم ملى الحاره مهابيل انتو
ترف تنط من كتف ليث بصراخ:هي قليله الادب والله لربيها
ليث بحده يوسع عيونه لها يمسك وجهها بين كفوفه:ترف اقصري الصوت
ترف بحده تقاوم ليث:والله لا ادعس عليها التافهه
ليث جاء بيلف للبنت بس ترف مسكت وجهه بيدها تناظر بوجهه:لو تلف عليها عيونك أخرجها تفهم
ليث كبح بسمته يناظرها برفعه حاجب ترف وهي فعلا معصبه:ليث قدامي وش جايبك عند الحريم
دخلت منار وطلعت ام فيصل وهي تمسك ترف:السموحه يبنتي والله مادرت انه زوجك تعرفين عقدتو فجاءه مو الكل يدري
ليث دق رهف:وش العلم
رهف وهي تضحك ماسكه يد ليث ويمشون لباب الحوش :تغزلت فيك وجنت ترف اخخ الغيره
ليث رفع حواجبه:غيره
رهف بضحكه:تخيللل ترف تغار وعلى مين على ليث الي كانت تمنى تشوف الموت ولا تشوفه
ليث بغرور:اخوك مزيون غصب البنات يحبونه
رهف بضحكه تضرب كتفه ورى بعض بخفيف:دزها ي شنب لاترجع عليك المهبوله الي جوا وتطير ام الهيبه
ليث :منجدك
رهف:اوخخخ ماتعرف غيرتها شكلك اسلم بروحك
طلع ليث وهو مبتسم وانتظر برا
نجوى:السموحه ي ام منار على الي صار
ام منار:والله حنا اعذرونا بنتي الله يهديها مادرت انه زوجها
ترف:خليها تلتزم الادب ياخاله لان المره الجايه والله لمسح فيها تراب الديره
العنود:عيب ي ترف
لفت للبنات:مشينا ارخصو لنا ي ام فيصل والله يوفق معاريسنا
ام فيصل:جمل الله حالكم ماقصرتو
أحلام:حنا اهل مابيننا جمايل
ام فيصل تربت يد احلام وطلعو الكل من بيت ام فيصل يمشون والبنات مستلمين ترف طقطقه وهي من القهر ضيعت غطاها وبس ردت طرحتها على راسها وعباتها مو مقفله ازاريرها
سميه:عمري الي يغار
سهاد:يحق لها زوجها وتجي وحده شيفه مثل ذيك تغزل فيه
ترف:والله ماشفى قلبي منها
رهف:ماهقيت اخوي حلو لذي الدرجه تغارين عليه
ترف :على تبن انتي واخوك بس طالما اسمه مربوط باسمي ممنوع احد يقرب له لو بحرف
سهاد بضحكه:يعني غيره
ترف:ناوين اهز كتوفك انتي بدل منار
سهاد تهز ترف وهي تقول:ويلو ويلو ياسواد ليلو ...لو معي يلعب بذيلو ويلو
لو تزوغ عيونه مرا ...او غلط غلطه صغيره
ويلو...الله لايوريه ناري ..وكيف أنا مجنونه غيره ويلو
توه مايدري بجنوني...لو توسوس له ضنونه ويلو
ليث كان واقف مع شباب من الحاره بس سمع سهاد وترف وهنا سهاد شافت ترف منقضه عليها وهي تركض وانطلقت ترف وراها وانفتحت عباتها وبان جسمها الي كان مخصر في الفستان وطاحت طرحتها عن وجهها وشهقت ترف تماسك طرحتها بس طارت وطاحت في الارض وتورطت وهي تهرب تترك سهاد متجهه للحوش وتوسعت عيون ليث وهو يشوف الشباب كانت عيونهم عليها ولمحوها وهو يزفر بحده:محارمنا ي رجال غضو البصر
الشباب استحو ينزلون روسهم وهنا ليث ولع وهو يسحب مسدسه ويتجهه ركض للحوش كل البنات شافو الحدث الي صار وركضو الحريم يشوفون ليث يسحب سلاحه وخافو على ترف ورهف اول وحده وصلت وهي تعرف غيره ليث ترف بس دخلت الحوش تفاجأت باعمامها والعيال بالحوش وفز امير بسرعه وهو يسحب شماغه ويصرخ فيها:مهبوله انتي وين غطاك
ترف بخوف:طار
امير :كي...قاطعه ليث الي معصب وهو يصارخ وصفق بالباب في الحوش وقال:تررررررف
ترف رجف داخلها من صراخه وتمسكت بكتف امير ودخل ليث بسلاحه وهو يقول :وينكككك
ترف بدموع وخوف وفزو أعمامه بخوف ورهف مسكت كتفه الي فيه السلاح وقالت:صل على النبي
ليث وهو يناظر بالكل وهو يشوف ترف خلف امير وانقهر اكثر وهو يشوفها تحتمي بأحد منه رمى السلاح بقوه وقال :تعالي عندي
مشعل:وش فيكم
ناصر:وش العلم
ترف بدموع:والله بالغلط طار غصب عني
امير لف لها بحده:جايه بدون غطاء
رهف:لا طار عشان كانت تركض ورى سهاد
امير يمسك كتفها بقوه:انتي ماتبطلين حركات البزوره والحين كل الحاره لسا ماقضو من العرس
ليث تقدم لأمير يسحب يده من كتفها وقال:اتركها لأن إذا عورتها بكسر يدك
امير بصدمه:منجدك
ليث:أنا وحرمتي نتصافى محد له معي شي
سحب ترف ورى ضهره وقال بحده:سكري عباتك وعلى الغرفه وماراح آنسى الي صار وبتتعاقبين
ترف لفت عباتها واتجهت ركض للغرفه
جلسو العيال تقدمو الحريم يجلسون مع الرجال وأماني والعنود دخلو داخل
عند شادن وفيصل وصلو الفندق
وشادن نزلت عبايتهاوتقدمت لفيصل بابتسامه:ناخذ سيلفي؟؟
فيصل:وشو ذا
شادن بضحكه:صوره
فيصل:زين
تقدمت شادن تقرب منه ولامس فيصل كتوفها يحاوطها يحطها بصدره وتوترت شادن مره من قربه ولقطت صور لهم بسرعه
فيصل:ابي اصور أنا عطيني
اخذ الجوال فيصل وهو يرفعه ويسحب شادن لحضنه يطبع بوسه على خدها ويلتقط الصوره حمر وجه شادن وابتسم فيصل واتجه فيصل بالصاله ينتظرها تبدل ويكلم امه يطمنها انهم وصلو تورطت شادن بفستانها وهي تحاول تفك الخيوط بس ترف كانت شادتها مره ورن جوالها وتقدمت تاخذه وهي تشوف امها المتصله
شادن:هلا ماما
اماني:كويس انك عايشه للحين دقيت انبهك من البدوي الي مأخذك لاتامنينه
شادن بخوف:وش قصدك
اماني:معروف اهل القرى حقين قتل ومايحترمون زوجاتهم وكمان انتبهي لنفسك لانك انتي اخترتيه يكون زوجك ترا لو ذبحك محد بيسأل لانه قرارك
شادن بصدمه وخوف:ماما وش هالكلام
اماني:باي
قفلت الخط ورمت الجوال شادن ودق قلبها بخوف وهي صارت ترجف من خوفها من فيصل فيصل جالس واستغرب من طولت وتقدم يشوفها واقفه ومعطيته ظهرها وتقدم وهو يحط يده على كتفها وقال:شاد...قاطعته من صرخت بخوف تلم نفسها وفز فيصل وتعقدت حواجبه:وش بلاك أنا فيصل
شادن وهي تزفر وهي متلبكه تمسح رقبتها وتمسح جبينها بتوتر انتبه فيصل لتوترها وعقد حواجبه يقرب منها وهو يمسك كتوفها يرفع ذقنها بحنيه:وش فيك ليه خايفه
شادن بمكابر:لا ولاشي بس ماقدرت افتح فستاني
فيصل :أساعدك
شادن تهز راسها ولفت تعطيه ظهرها وتقدم فيصل يسحب خيط الفستان وارتخى فستانها وتقدمت شادن ركض للحمام تبدل
استغرب فيصل حالها الي انقلب وكيف خايفه منه مره وشك بالي دق عليها رفع جوالها يناظر آخر مكالمه وشافها امها واستغرب طلعت شادن وهي تشوفه ماسك جوالها وتقدمت بحده تسحب جوالها:لاتاخذه بدون إذني
استغرب فيصل نفختها فيه وقال:وش كله جوال وش الي صار
شادن بعصبيه:بس فيه شي اسمه خصوصيه استاذن
فيصل وهو يكره احد يعلي صوته عليها وتقدم بحده لها ويناظرها بعصبيه ورجفت شادن بخوف ونزلت عيونها للأرض وفركت يدينها ببعض وهي تشوف قربه منها وانفاسه الحاره بشعرها لانها منزله راسها وفيصل يناضر انكسارها وقال:وش الأسلوب ذا وش غيرك
ماردت شادن منزله راسها وقال فيصل:ارفعي راسك ناضريني
شادن من الخوف ماقدرت وصرخ فيصل :ارفعي راسك
رجفت شادن وهي ترفع راسها ونزلت دموعها وهي ترجف وقالت بصوت متذبذب:والله ا اسفه ما ق قصدت
أنصدم فيصل من دموعها وبكاها وهو ماتوقع ابد انها تبكي وهو يقرب بيمسك كتوفها بس رجعت شادن بخوف منه وفيصل انصدم وتقدم ناحيتها يمسك يدها بحنيه وهو يمسح دموعها:لا ي شادن لاتبكين والله ماقصدت اصرخ عليك
شادن:ما احب تصرخ
فيصل:والله ما اصرخ خلاص بس انتي لاتبكين
شادن ناظرت بعيونه وناظر فيصل فيها وبعيونها الي كانت مليانه دموع وهو يسحبها من ذراعها يدفن راسها بحضنه شادن ردت له الحضن على طول وهي ماتعرف ليه تحس بالأمان بقربه بس امها جالسه تنفرها منه
فيصل احتار فيها وهو مو عارف وش غيرها وش صار لها بس تاكد انها تخاف منه مره وبس حس انفاسها انتظمت طلعها من حضنه وهو يمسح على خدها بخفيف يتحسس نعومه خدها وقال:ما ابي آشوف دموعك أنا والله ما اعرف ايش صار تو كنا مبسوطين ونتصور سيفي على قولك
شادن ضحكت وهي تسحب يدها من يده تمسح دموعها:اسمها سيلفي
ابتسم فيصل يمسح على شعرها يرجعه ورى ضهرها وقال:دوم الضحكه
شادن ابتسمت وهي تلف للتسريحه تمسح ميكبها وتحط عنايتها اما فيصل فكان ذايب فيها وهو يتأمل كل تفاصيلها من لبسها العاري للركبه وشعرها الي مغطي نص ضهرها وملامحها الناعمه الفاتنه وبخت بعطرها وتلخبطت إعداداته وتقدم فيصل لها وهو يشيلها بين يدينه وصرخت شادن:يماما بتطيحني
فيصل:انتي السبب جننتيني بريحه عطرك
شادن توترت مره من قربه وهي تشوفه كيف هايم فيها ماكانت تقدر ترده وهي متردده مابين قلبها الي وده بقربها وعقلها الي يتبع كلام امها
بس استسلمت لفيصل الي قرب لها يدمج روحه بروحها ويعلن زواجهم وو
في حوش الناصر تقدم معن يشيل السلاح حق ليث وهو يقول:برمي فيه نفس ليث
امير:ترا مو لعبه انتبه
معن:ازهمها يا واد
سهاد:الله يستر بس
رفع معن السلاح يصوبه ناحيه باب مجلس الناصر وهو ناوي يرفعه للسماء بس انصدم لمن ضغط على الزناد وطلع رهف في هالاثناء ووو

"الايام الي راحت مره بخلت عليكم بسبب ضروفي بس الليله أعوضكم ان شاء الله "