🌍Chapter 18
ထန်မော့၏ဦးနှောဏ်မှာ လျင်မြန်စွာအလုပ်လုပ်လိုက်ရသည်။ ထို့နောက်တွင် ဥထံမှထွက်လာသောအသံပိုင်ရှင်မှာ ကြက်ဆင်သော်လည်းကောင်း ဥတစ်လုံးသော်လည်းကောင်း မဖြစ်နိုင်ဟုနားလည်သွားသည်။ ထိုအစား အနက်ရောင်မျှော်စင်မှ
အခြားမွန်းစတားတစ်ကောင်လည်းဖြစ်နိုင်သည်။
သို့သော်ထိုထက်ပိုကောင်းသောဖြစ်နိုင်ချေတစ်ခုရှိသေးသည်။
"မင်းကလူလား"
တစ်ဖက်မှအမျိုးသားအသံမှာ အတော်ကြာတိတ်ဆိတ်နေပြီးမှပြန်ဖြေလာသည်။
"ဟုတ်တယ်၊ မင်းရောလူပဲလား"
ထန်မော့လည်းပြန်ဖြေလိုက်သည်။
"အင်း"
ထို့နောက်တွင် လူနှစ်ဦးမှာ အတော်ကြာဘာမှမပြောနိုင်ပဲ တိတ်ဆိတ်နေကြသည်။
ကားတစ်စီးကလမ်းဘေးတွင်ထိုးရပ်ထားပြီးညနေခင်းနေရောင်ကဖြာကျလျက် ဥကမူရွှေရောင်အနည်းငယ်လင်းနေခဲ့သည်။ အလင်းရောင်နောက်ခံဖြင့် ဥပေါ်မှစာလုံးများနှင့် အမည်မသိအက္ခရာများကိုရှင်းရှင်းလင်းလင်း မြင်နေရသော်လည်း အခုလောလောဆည် ထန်မော့ဂရုစိုက်သည်မှာ ဥထဲမှထွက်လာသော အမျိုးသား၏အသံကိုဖြစ်၏။
ခဏမျှစဉ်းစားနေပြီးသည့်နောက်တွင် တစ်ဖက်လူအားမေးခွန်းများမမေးခင်၌ သူ့ဘက်ကပင်စ၍ သတင်းအချက်အလက်တချို့ကိုဝေမျှရန် ဆုံးဖြတ်လိုက်သည်။
သူကလက်ရှိအခြေအနေအားရှင်းပြလိုက်သည်။
"လောလောဆယွငါ့လက်ထဲမှာ ဥတစ်လုံးကိုကိုင်ထားတာ၊ မင်းရဲ့အသံကအဲဒီဥထဲကထွက်လာတယ်၊
ဒီတော့မင်းကဥထဲမှာပိတ်မိနေတဲ့ လူတစ်ယောက်ယောက်လား"
တစ်ဖက်မှအမျိုးသားအသံမှာ မည်သည့်ခံစားချက်မှမပါသကဲ့သို့ တပြေးတည်းတည်ငြိမ်လှသည်။
"ဥထဲမှာပိတ်မိနေတာမဟုတ်ဘူး။ ငါ့လက်ထဲမှာလည်းဥတစ်ဥကိုကိုင်ထားတယ်၊ မင်းရဲ့အသံလည်းအဲဒီကထွက်လာတာ၊ "
သူကထပ်၍ပြောလိုက်သည်။
"ဥကတော့ကြက်ဆင်ဥ"
YOU ARE READING
ကမ္ဘာကြီးအွန်လိုင်းပေါ်တက်လာပြီ
HorrorTITLE - THE Earth is Online ကမ္ဘာကြီး အွန်လိုင်းပေါ်တက်လာပြီ Description 💥 လွန်ခဲ့သော ခြောက်လခန့်က ပုံရိပ်လိုလိုပင် ထိကိုင်မရသော အနက်ရောင်မျှော်စင် တစ်သောင်းခန့်နီးပါးမှာ ကမ္ဘာပေါ်မှ နေရာအနှံ့အပြား၌ လေထဲတွင်မျောလွင့်လျက် ပေါ်ပေါက်လာခဲ့သည်။ ဓာ...
