Bite

kabanata 4

"Alam mo ba, Baekhyun, sobrang naiinis ako sayo ngayon kasi hindi ka pa nagkukwento."

Kumakain kami ng lunch at tumabi sakin si Amber kahit na sa harapan ko dapat siya nakaupo. Napatingin ako sa dulo ng mahabang dining table kung saan nakaupo dapat ang reyna. Pero as usual, wala nanaman siya. Nagkukulong nanaman sa kwarto niya kasama ang bisitang matanda na kanina ko lang din nakita. Tama lahat ng description ni Amber. Mukha nga siyang witch.

"Ano bang ikukwento ko?" tanong ko sakanya habang inuubos yung mushroom soup na hinanda. Meron ding Italian spaghetti, macaroni salad, at kung anu-ano pang pagkaing nakakataba. Si Amber, prutas lang ang pinatos.

Hinila niya yung upuan niya para tabing-tabi sakin. "Ano ka ba? Yung tungkol sa inyo ni Chanyeol!" sabi niya sabay palo sa braso ko. "So? What happened? Did you kiss?"

Halos masamid naman ako sa sinabi niya. "Ano ba? Pwede bang hayaan mo akong kumain ng tahimik at maayos?" inis na sabi ko. "Kiss-kiss ka diyan."

"But in fairness, seems like I was wrong about everything I said about him," nakangisi niyang sabi. Tinaas pa niya ang dalawang paa sa dining table like a boss. "Pero seryoso, Baekhyun. Hindi talaga siya approachable sa una."

"Busy lang daw siya noon." inabot ko yung tubig saka uminom. "Park Chanyeol is a really nice person. Masaya siyang kasama. And I think we're good friends now."

"FRIENDS?!" bakas sa boses ni Amber ang disappointment. "Baekhyun, hindi yan ang gusto kong marinig mula sayo, okay?! Anong friends ka diyan?! That's unacceptable!"

"Anong 'unacceptable' ka din diyan?" irap ko naman sakanya. Inubos ko na yung soup na kinakain ko at dali-dali namang lumapit yung mga maids para iligpit yung mesa. Nang tumayo ako mula sa upuan, sumunod si Amber hanggang umabot kami sa kusina kung saan nagluluto at nagchi-chismisan pa ang ibang maids. Binati naman nila kami.

Umupo ako sa isang stool sa may kitchen counter kung saan gumagawa ng cake si Manang Beng-beng, ang head cook dito sa Royal House. Tumabi sakanya si Amber habang nakatingin ng matalim sakin. "Manang Beng-beng, pakisabi nga kay Baekhyun na panahon na para magka-love life siya. Yung real na real na parang juice sa Pinas."

Tumango-tango naman si Manang Beng-beng. "Tama ang sinasabi ng kapatid mo, Baby Bacon." Yun talaga ang tawag niya sakin simula bata ako. Huwag na kayong magtaka. "Matanda ka na. Oras na para i-enjoy ang life."

"Eh Manang Beng-beng, kakikilala ko palang doon kay Park Chanyeol kahapon. Ano namang gusto niyong gawin ko? Sunggaban ko na agad?" inirapan ko silang dalawa at napatingin sa ibang maids sa paligid namin. "Diba?!" tanong ko at tumango-tango naman silang lahat.