If I Could See You Again

Chapter Two

Isang linggo na ang nakalilipas simula nung nakilala ko si Alleluia o Aya for short. Medyo ginulo lang naman niya yung tahimik na buhay ko. Imaginin nyo, sa bawat pagkakataon na makita niya ako eh isisigaw niya kaagad yung pangalan ko ng sobrang lakas na akala mo close na close na talaga kaming dalawa. Ang ingay ingay niya! Akala mo naka-drugs sa taas ng energy. Pero medyo nasasanay na rin naman ako. Medyo hindi ko lang kayang matiis eh yung maiingay na classmates ko na wagas kung makapang-asar samin. Anu ba yan!

"So, Meron na naman tayong shoot this Saturday. And! Gothic Doll yung theme natin. Meron ba kayong kakilala na magandang ipang-model sa ganto?" tanong ng leader namin sa group sa Photography.

"Hmmm." tapos lahat sila napatingin sakin.

"What? Hoy bawal classmates diba? Tsaka sawang sawa na kong maging model nyo. Wag ako!" sagot ko naman kaagad.

"Tungaw hindi ikaw! Assumero ka naman bakla!" sabat naman agad ni Trisha sabay hampas sakin.

"Kung hindi ako, Edi sino pala?" sabay taas ko ng kilay sakanila.

Sa di malamang dahilan eh bigla na lang sila nag-ngitian na akala mo may pinaplano silang masama lahat.

Wait. Gothic Doll ba kamo? You mean, Model na mukhang manika na merong itim na buhok yun right? Aw. Crap. Mukhang alam ko na ata..

"No! Hell no! Wag na sya please! Alam ko ng pinaplano nyo at sinasabi ko sa inyong Hindi!" sagot ko naman kaagad.

"Sige na Momo. Wala na tayong mahahanap na model na perfect sa theme na 'to! Para din 'to sa grades natin. Palibhasa kasi magaling ka na eh. Paano naman kami?" sagot naman nung isa kong classmate.

"Oo nga Momo! Paano naman kami?!" sulsol naman ng lahat.

"Ay bwisit! Eh ba't ako? Ba't hindi na lang kayo ang kumausap?" tanong ko naman.

"Malakas ka dun eh! Hindi hihindi yun kapag ikaw yung kumausap." sagot naman ng isa.

"Ano ba yan. Ililibre nyo ko ha!"

"Oo! Kahit anong gusto mo!" paninigurado naman nila.

"Okay. Zarks sa sabado."

"Sure!"

Anu ba yan. Hindi ko aakalaing ibebenta ako ng mga kaklase ko para lang sa grades. Kainis! Ang dami naman nilang model na kilala ba't kaya itong si Aya pa ang gusto nila? Gusto lang talaga nilang mang-asar eh! Kabanas.

Bwisit na yan. Actually 4th year na kami at last year pa sana natapos 'tong photography class namin. Pero since mahal kami ng prof namin eh wala, gusto niya daw magpa-last photo shoot para samin. Kaya ito, required kaming sumali lahat.

"Hoy Babae!" sigaw ko nung makita ko ulit si Aya sa LRT.

"Tama ba 'tong nakikita ko? Tinatawag mo nga ba ako Momo?" masiglang sagot naman niya kaagad.

"Oo. Kaya please wag ka ng mag-inarte dyan okay?" sagot ko naman sabay lapit sakaniya.

"Ang cold mo talaga~~" sabay nguso niya.

"May klase ka ba sa sabado?" tanong ko.

"Meron. Omo! Niyayaya mo ba ako–?"

"Hell no! Assumera. Tinatanong ko kung may klase ka sa sabado kasi kailangan namin ng model sa photography. Ikaw yung gusto nung mga classmates ko kaya kung okay lang sayo pwede ka bang maging model?" tanong ko sakaniya.

"Ehh. Yung mga classmates mo lang yung gusto ako? Eh paano ikaw? Baka napipilitan ka lang sakin ha?"

"Eh wala ng choice eh–!"