Loving you, Mr. Sungit (ROUGE HEART SERIES: BOOK 1) "Completed"

CHAPTER ONE

"WELL, this is good. Another fresh and sweet story of yours, Mira," Grace, the editor- in- chief of Hearts Publishing Company nodded after she read Mira's manuscript.

"Thanks, Ma'am Grace," nakangiting wika niya.

Mirasol Crane Esguerra was a romance writer of Hearts Publishing. Alam niyang maliit lang ang kikitain sa industriyang pinili niya. But she didn't care about the money. Hindi naman sila naghihikahos na mag-ina mayroon silang sariling business.

"Anyway, pakikuha nalang ang tseke mo sa accounting department," nakangiting wika ni Grace.

"Thank you, Ma'am Grace?"

"Keep up the good work."

Nakangiting nagpaalam na siya pagkatapos ng ilan pang pakikipag- usap rito.

Mirasol was driving along Ortigas Pasig - particular going to supermarket. Inihabilin kasi sa kanya ng kanyang ina na bago siya umuwi ay mag-grocery muna siya para sa mga stocks nila sa bahay. Isang flores ang kanyang ina. Mayroon silang flower shop-ang Blooms and Bluecherry where in Manila, na siyang pinamamahalaan nito kasosyo ang kanyang Ninang Salome na bestfriend nito. Kung minsan naman ay tumutulong siya sa mga ito kapag hindi siya abala sa pagsusulat. May flower plantation rin ang mga ito sa Baguio na siyang pinagkukuhanan ng suplay ng mga sari- saring bulaklak. Kung hindi lang siya masyadong fascinated sa pagsusulat ay baka naging florist narin siya, since mahilig rin naman siya sa mga bulaklak.

Matagal ng biyuda ang kanyang ina. Limang taon palang siya noon nang mamatay ang kanyang ama dahil sa sakit sa puso. But then, her mom never intend to marry any other man. Kahit na marami ang nanliligaw rito-hindi na kataka-taka iyon dahil likas na maganda ang kanyang ina. Ngunit wala itong sinagot maski isa sa mga manliligaw nito . Ayon kasi rito wala nang makakapalit pa sa puso nito na nakalaan lang para sa kanyang ama. Matagal narin raw na inilibing ang puso nito kasama ng kanyang ama. Tuwing sinasabi iyon sa kanya ng kanyang ina ay napapangiti nalang siya.

Well, doesn't it sound sweet?

Kung minsan ay pinapangarap rin niyang makatagpo ng pagmamahal katulad nalang ng pagmamahalan ng kanyang mga magulang sa bawat isa. She has a lot of suitors but never have a boyfriend. Because she wanted her first boyfriend to become her husband. Marami siyang naging manliligaw pero hindi pa niya nakikita sa mga ito ang hinahanap niya sa isang lalaki. Kaya ang resulta puro basted ang mga ito. She wanted to find the one. Kaya sa edad niyang bente singko ay no boyfriend since birth parin siya. Minsan nga ang mommy na niya ang nagbubuyo sa kanyang mag- boyfriend na pero tinatawanan lang niya ito.

Nakapagtapos siya sa kursong Journalism. Ngunit hindi niya ginamit ang kursong iyon para magsulat lang ng mga balita. She always love romance story kaya naman doon niya dinala ang kanyang sarili. And thankfully, she was successful on what she chose.

Ipinarada niya ang sasakyan sa basement ng isang may kalakihang supermarket.

Kumuha siya ng isang cart ng makapasok sa establisyimentong iyon habang tinitingnan ang listahan niya ng mga groceries na kailangan niyang bilhin.

Inisa- isa niya ang lahat ng stools. Abala siya sa paglilibot at hindi na niya napansin ang isang nakatalikod na matangkad na lalaki na mababangga niya ng tulak- tulak na cart. Palibhasa ay hindi siya nakatingin sa bandang unahan niya.

"Ouch!"

Napatingin siya ng marinig ang isang daing.

"Oh my god! I'm sorry," dali- dali siyang lumapit rito.

Tiningnan niya ang binti nito. "Are you alright?" tanong niya.

Wala sa sariling hinaplos niya ang mahaba nitong binti na napapatungan ng black slacks. Hindi parin siya nag- aangat ng ulo. But she wonder-the scent of this man was so familiar.