حبيبة قلبى ❤
لما تلاقى اللى حواليكى اتخطبوا واللى اتجوز واللى خلف
#متزعليش 😘😘
عارفه ليه ؟
عشان دى سنة الحياه .. كل اللى اتجوزوا دول مش كانوا ف يوم سناجل؟ ولوحدهم ونفسهم يتحبوا ويحبوا ويتجوزوا؟
هما برده عاشوا الفتره اللى انتى عايشاها دلوقتى
ناس كتيييير اتعذبت قبل ما تتجوز والجواز كان ليهم رحمه
وناس تانيه اتجوزت مرتاحه وبدرى وكان الجواز ليهم أسوأ حدث ف حياتهم
ارضى ي قلبى #ارضى وافرحى عشان ربنا هيرزقك بنصيبك ف الوقت اللى كاتبهولك الخير ليكى
واعملى ليكى ورد استغفار كل يوم يريح قلبك 😘
ارضى بقدر ربنا وعيشى واخرجى وصاحبى بنات يعينوكى عالحياه
ادرسى واخرجى واتعلمى أكتر وطورى قدراتك واشتغلى
عشان شغلك ده اللى هيبقى سندك وضهرك ويخليكى متحتاجيش لحد .. ياما ستات متجوزه مش عارفه تسيب جوزها القذر عشان متتبهدلش مع عيالها ومتلاقيش اللى يصرف عليها
اتعلمى وكبرى نفسك وخلى ستات البيوت يغيروا منك 😉
شاركى فى جمعيات خيريه وطلعى طاقة الحب اللى جواكى ف الأيتام والفقراء ❤
ومتخليش الجواز هدفك الأساسى .. احنا ممكن نموت ف أى لحظه .. لازم نعمل لاخرتنا ونعمل أعمال خير تتكتبلنا ف صحيفتنا عشان لو حتى خسرنا دنيتنا نبقى كسبنا اخرتنا 👌
أنت تقرأ
لأننا غاليات 💎
Spiritualهذا الكتاب عبارة عن مجموعة كتابات قصيرة تعرفك على قيمتك عند ربك، على قيمة حجابك، صدقيني اقرئي كلماتي بصدق اقرئيها بقلبك قبل عينيك لن تندمي قسما بالله ستتغير حياتك من ضنك لراحة نفسية شاملة أنت غالية أحبك في الله و أتمنى من الله أن يجمعني معك تح...
