How To Attract A Playboy

Chapter 27: Ice cream

Chapter 27 

**Ice cream**

Weeks had passed, tinupad ni Zoid yung sinabi nya na hindi nya ko lalapitan at guguluhin.

Nagkikita pa naman kami. Hindi naman maiiwasan yun since sa iisang school kami nag-aaral tapos kaibigan din nya ang mga kaibigan ko. Mutual friends kumbaga. So ayun, kapag nagkikita kami, nagngingitian lang kami at nagkakamustahan. Nothing more.

Okay na rin yun kaysa naman pabago-bago yung feelings na pinapakita nya sa'kin. Natatahimik yung utak ko sa pag-iisip kung paano tumatakbo yung isip nya.

But ofcourse! Palagi ko pa rin syang iniisip. Hindi ko nga alam kung bakit eh.

Malapit na yung Christmas break kaya ang daming requirements na kailangan. Okay nga yun eh. Ino-occupied ko yung utak ko sa mga school works pero magpahinga lang ako ng saglit, sya na naman yung iniisip ko.

Hay. Iba na talaga ang epekto nya sa'kin.

Naglalakad ako mag-isa papunta sa gilid ng vacant building ng DH university. Ako lang mag-isa kasi may mga klase pa sila Yat at Sophi. Si Chloe naman, niyaya ni Ceejay ng LUNCH DATE. Niyaya pa nga nila ako na sumama sakanila but I refuse. Moment nila yun eh. So kailangan nilang magsolo.

Naisipan kong pumunta sa gilid ng vacant building kasi sobrang bihira ang may magpunta doon tapos may mga puno pa kaya masarap yung simoy ng hangin.

Sumampa ako sa duyan na nakakabit sa dalawang puno atsaka humiga. Wala akong dalang gamit kasi naiwan ko kanina sa locker ko bago ako pumunta dito.

Binaba ko yung isa kong paa para pantulak so that gagalaw yung duyan ng mahina. Pumikit ako hanggang sa nakatulog ako.

Red's POV

Iniwan ko sila Vi and Pink sa washroom nang hindi nagpaalam. Kasi naman eh >0< Dalawang oras na ata sila doon hindi pa tapos humarap sa salamin. Di ba sila natatakot sa mga mukha nila?

Naglakad-lakad nalang ako sa school grounds at alam nyo na.... naghahanap ng pogi. Hihi!

Tuwang-tuwa ako kasi ang daming mga pogi sa paligid. Bihira lang kasi ang hindi maganda at poging nag-aaral dito. Kaya nga dito ko pinili mag-aral eh. Maraming pogi, maraming inspirasyon! Haha.

Sa paglilibot ko ng tingin, nasalubong ko ng tingin yung nerd. I remember that nerd! Sya yung pinagbitbit namin ni Pink ng mga alak nung nasa L resort pa kami.