Checkmate on Love (COMPLETED- Published under PHR)

Part 4

"MAVIS, bakit wala ka kahapon?" Kapapasok pa lang niya sa boutique ni Donna nang magtanong ito.

"Teka, di ba ngayon ang sabi mo na pupunta ako para mag-fit muli ng gown?"

"Hindi dito sa boutique. Doon sa Mt. Maculot sa Batangas."

Freaking what? "Sumama ka kahapon?"

"Oo. Kasi sabi ng hubby ko may mga girls na kasama kaya sumama na rin ako. Akala ko nga nandoon ka."

Sabi na nga bang may girls eh! Now that's odd. Why it's so intriguing for them to invite other girls but not her?

Eh ang arte mo kasi. Kesho takot ka sa ahas, etcetera etcetera. Kaya ayaw ka nang iinvite ni Jacques.

"They rarely invite girls. Bakit daw?"

"Actually mga girlfriend ng mga boys ang sumama. Para naman ma-experience daw nila ang mag-hike. At saka, Mt. Maculot isn't very hard to climb at sandali lang din ang pag-akyat-baba doon. Nakauwi din agad kami kagabi."

Eh bakit hindi umuwi si Jacques kagabi? The reason she rode a taxi to the boutique is that Jacques didn't come home last night.

Saan ito natulog?

"D-did Jacques bring a girl?" Hindi na niya mapigilan ang magtanong.

"Ah, si Thea?"

Shit. Pangalan pa lang maganda na. Kelan pa ako nahuli sa balita?

"Don't worry. Kaibigan lang ata iyon." Tila nanunuksong sagot nito.

"C'mon, I'm just asking. Hindi kasi umuwi kagabi. Nakaka-worry lang."

"Really? Nang maghiwalay kami kagabi sumama siya kay Thea."

Ouch. Bakit ba biglang sumakit ang dibdib ko? Hindi ito pwede. Wait! Bakit ako affected?

He's keeping things from her and it's not his type to do such. Pero masyado na ba siyang pakialamaera? Baka nagsasawa na itong kasama siya?

Ganoon na ba ako ka-epal sa buhay niya?

But he promised. He won't fail her. Dadating siya mamaya.

IT'S PAST 7 O'CLOCK pero wala pa rin si Jacques. Magsisimula na ang concert ng Secret Code pagka alas otso ng gabi. Sa biyahe pa lang ay gagahulin na sila sa oras. She tried reaching him pero hindi ito sumasagot. Nagsisimula na siyang mag-alala. He's never done this before.

Did something bad happen? Huwag naman sana. Jacques wouldn't just ditch her kaya siguradong may masamang nangyari.

9 o'clock PM. No Jacques Fortich in sight. Mas lalo siyang kinabahan.

Masama na talaga ito. He might be in danger now. Should I tell Tita and Tito?

She looked over her phonebook sa cellphone upang tingnan kung sino ang pwede niyang tanungin kung nasaan si Jacques. Gagawa muna siya ng paraan bago sabihin sa mga magulang nito.

Nakita niya ang number ng isang malapit na kaibigan din ni Jacques at agad tinawagan ito.

"Hello Jeff? Nandiyan ba si Jacques?"

"Mavis? Ah oo. Nandito siya. K-kaso mukhang hindi mo pa makakausap ngayon."

"Bakit? May nangyari ba?"

"Wala naman. Kaya lang... ano kasi."

Sandaling hindi nagsalita si Jeff. Tila may kinakausap itong iba.