Pambata
Pero siniseryoso ng matatanda
Laging umastang parang bata
Painosente kapag nahuliTara, tayo'y magtaguan
Sana hindi matuklasanMagtatago hangga't pwede
Tatakbo ng di mabisto
Nagpapalit anyo sa iyong pagtalikod
Lahat ng dumi ay idadaan na lang paghihilodAnong saya ang sa kanila nito'y dinadala?
Nakakaubos ng ganda sa'yo na naghihintay sa pag-uwi nya
Kumakayod para sa pamilya ang akala
Pero iba naman ang tinatrabaho niyaPagalingan lang ng estratehiya
Paramihan ng bagsak sa kama
Hanggang sa magsawa't maghanap ng iba
Titino pa ba? Baka hindi naKung hindi man
May iilan pa ring kayang pagbigyan ang kasinungalingan
Patawarin kahit pilit nakikipagtaguan
Tanggapin ng umuwi na sa tahananKahit paulit-ulit
Kahit nakakasakit
Pilit pa ring inuulit
Kahit pigilan mong lumapitSa larong tagu-taguan
Talo ka kung hindi mo mahanap ang kalaban
Pero mas talo ka kung natagpuan mo na
Pinili mong magbulag-bulaganHuwag mo ng asahang magtitino
Kung hindi ka kikibo
Asahan mo na ang sakit
At hapdi nitong kakabitKung kaya niyang magpainosente na parang bata
Subukan mo rin maging bata
Hindi magdadalawang isip kung siya ay mahuli
Huwag umastang inosente
Iligtas mo ang iyong sariliHuwag mo ng ipaglaban
Kung paulit ulit ka lang tatalikuran
At siyang pagtataguan
Pakawalan mo na
At igawad ang kaulang parusaTagu-taguan
Laro lang dapat ng bata
Hindi para sa matatanda
Nakakasira ng tiwala
Baka buhay mo ay mawala