.......ايوة كانت حاسة بي تانيب ضمير في الاول ......بس لما استفحل المرض بقت ما بتحس إلا بلذة الانتصار .........بعد الامتحان مشت عليها قالت ليها اها امتحنتي كيف .........قالت ليها كويس الحمد لله ........ا مالك وشك وارم كدا .......مافي شي .......قدر ما حنستها ابت تحكي بالحصل ......بعد خلصوا الدوام ما. ادوهم اي ورق ......
اليوم البعدو امتحنو عربي و اخر اليوم وزعو ليهم ورق الفقه برضو قفلتو ......و فاتن نقصت كم درجة .......اتغاظت بس قالت نتيجة العملتو بتظهر من الرياضيات .......تاني يوم وزعو الرياضيات و البت نقصت فيهو درجة واحدة و كمان كانت بتبكي .........فاتن اتقهرت شديد و قالت شكلها حتجي الاولي .......
اليوم داك ما مشت عليها ......دي يعملو ليها شنو عشان تتقهر.......و لما وزعو العربي كمان قفلتو 50/50 ممتازة والاستاذة قالت يصفقو ليها عشان اول مرة زول يقفل العربي ......كلهم صفقو إلا فاتن مقهووورة عايزة تبكي من القهر .......بعدها وزعو الانجليزي اخر شي كانت فاتن تتوقعو نجحت فيهو و كمان جابت 31 من 40 .......معقول يا جماعة دا الانجليزي الما بتعرفو ......بس يومها كانت مبسوطة رغم انو اقل درجة عندها .......شفتو شغالة بي درجات ليان كيف....... والله حفظتهم قبل درجاتها هي نفسها ........
بعد طلعت النتيجة. فعلا ليان جات الأولى كانت الصدمة .......ياخ فاتن قربت تنشق النص اخر ما كانت تتوقعو تجي اول الفصل و كل البنات صاحبوها إلا فاتن .......اول الفصل القبليها فاتن ما كانت بطيقها ساي لله كدا اسي تجي دي كمان الأولى ........لما حليمة سمعت بالحصل اتقهرت اكتر من فاتن و كمان جاها مصران من الحصل .......
.البت طلعت شاطرة و امها جايبة ليها مدرس لغة انجليزية و في السنوات البعدها طبعا كانت محافظة على الاولي و كمان بقت في الانجليزي بتتكلم بي طلاقة ......و فاتن قنعت منها بس كل مرة بتجي تديها كلمة كلمتين تبرد بيها بطنها .......انتي فاكرة نفسك شنو يا ليان .......والله انا افعصك ......يا فاتن انا ما سالتك و ما حابة اعمل معاك مشاكل .......لزتها لي ورا قالت ليها هو انتي فيك حيل تتشاكلي ......بس لو ما خايفة من ابوي يجلدني بي سلك الكهربا زي اخر مرة دقيت فيها بت برضو كانت عاملة فيها شاطرة بس امها جات شكتني لي ابوي .......المرة دي حتكون الدقة اكعب لانو دي بت عمها لزم ........
فيما بعد اتفوقت فاتن علي ليان في حاجة تانية ......طبعا لما وصلو تامن بقو خلاص في سن مراهقة و بدو يظهرو بنات ياداب ........سبحان الله فاتن برزت في الفترة ديك كانت اجمل بنت .......اسم على مسمى ......حتى أساتذة المدرسة خطبوها ......و كانت متفوقة على كل البنات من الناحية الجمالية ........و كانت بالجد رافعة نخرتها ......وكانت بتعاين لي ليان بي قعر عينها كونها اسمح منها .......و طبعا دا كلو جا من تعاليق الناس و صحبات امها و الجيران و كذا عرفت انها جميلة جمال فتان و ما طبيعي ......و دي نقطة قوتها في الايام الجاية كانت ّ.......
بعد الاساس انتهى و طبعا ليان ما قصرت جات اولة المدرسة و فاتن اخر يوم بعد كرموها جات قالت ليها .......انتي شكلك عندك نقص بتحاولي تسديهو بالدراسة و التفوق .......طبعا شافت دمعتها رقرقت و طبعا دا المطلوب ........عايزاها تتقهر و تموت بالغيظ ........طبعا فاتن بعد عرفت نقطة قوتها بدت تقوي فيها بي حاجات تانية يعني تلبس لبس لافت تعمل ميك اب لافت و كمان مهتمية بي نفسها جدا ........
و مافي ولد في حلتهم ما حاول يخش ليها بالحب و كذا .......بس فاتن كانت رافعة سعرها جدا و ما بتعاين للشفع .......كان نهارها كلو تتمسح و تتجيه ........و طبعا فدوى احسن منها في الدراسة مهتمة بي دراستها جدا و ما شغالة بي روحها و ماشاء الله امتحنت الثانوي و جابت نسبة كبيرة 85 و دخلت جامعة الخرطوم علوم أحياء ........اما فاتن طبعا رمتالية ما شغالة بالدراسة شديد عندها صحبتها اسمها فطومة .......البت دي صاحبتها عشان كمان حلوة شديد بس ما بتلحقها .......
يتبع....
