مشت دقت للعرسان الباب فتحت ليها بنت صغيرونة و سمحة ، اتفضلي .......اهلا وسهلا الدار بترحب بيكم ماشاء الله......دخلت قعدت جابت ليها العصير.......اها اتعرفت عليها اسمها زحل و راجلها اسمو سامي ........اهلا وسهلا انتي راجلك شغال لحدي الساعة كم .......بي كل براءة قالت ليها بجي العصر كدا ......ايوا شغال وين .......شغال في مشروع .......اها تمام يا زولة انا بجييك و انتي تجيني. ......خلاص تمام .......مرقت فاتن و جرت سريع جهزت ليها غدا لذيذ و اساسا جلال كان بايت معاها امس فما حيجي الليلة .......شالت عامود مدنكل و مشت ........فتح ليها الباب الدور دا سامي .......الضحكة للضرس الاخير و قالت ليهو الدار بترحب بيكم و بدات تتمايل قدامو .......انا جارتكم بي جاي .......دخلت سلمت على مرتو و بداو يتونسو ........ختت الغداء قالت ليها انا ما عندي مانع اني اكل مع راجلك عادي ما تقسمي الاكل و توسخي عدتك ......بس زحل قالت ليها لالا هو اتغدا في الشغل. ... ......قعدت اتونست مع زحل و اتغدو و طلعت ........بعد طلعت جا سامي قال ليها اها طلعت ؟ ختي لي غدا مالكم طولتو كدا انا عايز أموت من الجوع .......خلاص خلاص بخت ليك ........
فاتن مشت بيتها و بقت تفكر في سامي و تقارن بينو و بين جلال .......بقت عصبية و كل ما جلال يتكلم معاها تعمل معاهو مشكلة في الاخر سكت منها و بقى يقول عشان الحمل بكون متضايقة مني .......و طلعتو بي جاي بتجري لي زحل بي جاي و تقعد تتونس معاها لمن راجلها يجي و زحل بدات تزهج منها كل يوم ماسكة بيها زمن تلقى الزمن راح في الونسة .........و في يوم جات لقت زحل تغسل بقت قاعدة جنبها بالكرسي ( زحل بقت ما بتقعد معاها أثناء ما هي قاعدة بتشتغل شغلتها )......بقت تجرجر فيها بالكلام عشان تدخل معاها في كلام النسوان الهي عايزة تعرفو عن راجلها .......زحل حست بيها عايزة تجرجرها فغيرت الموضوع .......لكن فاتن طوالي بقت تتكلم هي عن زوجها و تضحك و تحلي ليها في الكلام عشان تتكلم عادي .......فعلا نجحت بقت زحل تتكلم بدون ما تحس عن تفاصيل حياتها و قالت اساسا دي متزوجة يعني حتعمل شنو؟ ........فاتن اخدت المعلومات العايزاها و مشت خلتها ........بعد طلعت واتوقعت تلقى سامي في الشارع لانو دي مواعيد وصولو ........بس ما لقتو بقت تتسكع في الشارع و ماشة على مهلتها عشان تلاقيهو .......بعدها قربت لي لفة بيتها بقت واقفة لمن رجليها خدرو ظهر سامي .......طوالي بقت تتبسم و تتكشم ساي سلم عليها من بعيد بس هي جرت مدت ليهو يدها و وقفت معاهو شوية وهو مستعجل مشى خلاها .......
كل مرة بقت تعمل نفس الحركة لازم تلاقيهو في الشارع قبل تدخل البيت و سامي لاحظ ليها قال المراة دي ما بتقعد في بيتها حايمة الحلة دي كلها سبحان الله ........دخل سامي بيتو سلم على مرتو قال ليها ......المرأة الاسمها فاتن دي اوع تباريها ........اساسا انا ما حصل باريتها ولا طلعت من غير ما اكلمك ........ما عاجباني نهاي ما عارف متخوف من علاقتك بيها .......انا زاتي صراحة زهجت منها بقت كل مرة ناطة لي و حامياني اعمل اي شي .......لكن ما بنقدر ما ندخلها ولا بنقدر نطردها .......خلاص ما مشكلة لو جات بس ما تطلعي معاها نهائيا .......كويس تمام .......سامي بعد فترة اخد ليهو اجازة .........و بقى قاعد في البيت مع زحل .......برضو فاتن بتجيهم و كمان انتهزت فرصتو هو قاعد بقت تشنف زحل .......دا حال عروس اسي يا زحل شوفيني ، انا اسي محننة و اخر دخان و جيهة يا مراة ما تبقى مرة مخمومة ........زحل راسها ضرب ، اجي اول مرة تقولي لي كدا يا فاتن ياتو يوم انا لقيتيني مخمومة .......ما قصدي شئ بس انا اقدم منك عايزة انصحك .......شكرا على النصيحة لكن انا عارفة روحي بعمل في شنو........و دا شنو القميص اللبساهو دا مفروض انك عروسة تلبسي لبس معين يا بت ........البسو ليك انتي ؟ دا بغسل بيهو و اشتغل بيهو في البيت لكل مقام مقال يا فاتن .......برضو راجلك قاعد ما تلبسي مالو؟ .......خلاص وقت انتي عارفة راجلي قاعد انتي البجيبك لي شنو قاعدة زي العزول ؟
يتبع.....
