.معقول يا جلال و ولدك الفي بطني .......حيظل ولدي اكيد و ما بقصر منكم انتي و هو ........لالا انا ما عندي معاك قعدة تاني حاريحك مني خالص اطمن .......كيف يعني .......يعني طلقني يا جلال .......قال ليها ما بطلق و اعملي العايزة تعمليهو ........فاطمة جرت قعدت مع امها تبكي حكت ليها الحاصل كلو .......لا حول ولا قوة إلا بالله الله الجاكم شنو يا بتي .......ما بعرف فجاة كدا بدون سبب ما عارفة انا قصرت معاهو في شنو ........يا بتي خلاص اقعدي مع راجلك و ما تخليهو مهما حصل ، بس عشان ولدك ولا بتك دا يتربى مع ابوهو .......مستحيل يا امي ارجع ليهو مستحيل خليهو يطلقني بس ......لالا يا بتي خليك شاطرة و امسكي بيتك. و ما تخليهو للغريبة ........بعد تحانيس امها اقتنعت و مشت لي جلال و قعدت بقت ما بتسالو نهائيا من حاجة ، تشتغل شغل بيتها عادي.......
لحدي ما جا يوم العرس ........فاتن جهزت حالها تمام و خلاص ظبطت امورها و فدوى بتساعد فيها بس كل مرة تفتح ليها موضوع انو البتعمل فيهو دا غلط بتقول ليها انتي حاسداني بس ما اكتر ........فاطمة مشت قعدت مع امها و اليوم داك كانت حاسة قلبها مقبوووض و متضايقة بس صابرة و ساكتة .......جاتهم جارتهم و هي تتلفت قالت ليهم والله ما عجبني ليها فاطمة ما تستاهل و الله انا من شفت البت الأسمها فاتن دي واقفة مع جلال ما اطمنت ليها ........فاطمة قالت ليها فاتن دخلها شنو يعني .........اجي كيف يعني دخلها شنو ما عروس راجلك ما تقولي لي ما عارفة ........فاطمة وقفت على حيلها و قالت ليها فاتن هي العروس ........امها قعدتها و بقت فاطمة خاتة يديها في راسها و تبكي و امها تبكي معاها ........يا امي كيف يعني فاااتن ؟ صحبتي اقرب واحدة لي معقول ؟ انا عملت شنو عشان يحصل فيني كدا استغفر الله العظيم يارب ،،، عملت ليها شنو انا فاتن دي عشان تعمل معاي كدا ،،،،،،ولا جلال الما صدق شافها معاي مرة واحدة و مشى يعرسها ......يابتي اهدي و كل شئ لي خير .........خير ؟ انتي يا امي ملاحظة وجعي كتر على كيف بعد وجعة عرس جلال اتصدم في صحبتي ........ما بقدر اقعد معاو تاني مستحيل اقعد بطلق بس .......جرت فاطمة لي ابوها و اخوانها قالت ليهم بس تطلقوني منو ما بقدر اقعد معاهو......اخوانها هداوها و قالو ليها اصبري لمن تلدي بطلقك .......ما بقدر انتظر لمن الد.......يابت امشي خلاص فهمنا ........ما بقعد معاهو يا ابوي مستحيل .......
مشت لي امها قالت ليها انا ما مصدقة انو عاين لي صحبتي يا امي ........قالت ليها و انا ما مصدقة انو صحبتك قبلت بيهو و هي عارفة انو زوجك .......دقيقة يا امي انتي عارفة الماكرة كانت بتقول لي اهمليهو و ما تشتغلي بيهو و ما تعبريهو عشان يبقى خاتم في اصبعك ........هي العويرة و انتي سمعتي كلامها ؟ ........بقت فاطمة تحكي لي امها بالتفاصيل .......براك جبتي لي روحك العرس و انا ما بلوم جلال في شي .......فاطمة بقت تكفت في روحها اعمل شنو يا امي اسي انا .......العمل عمل ربنا يا بتي احسن تمسكي ييتك و ترجعي تهتمي بي زوجك يمكن يرجع يحبك زي اول ........انا ناوية نية يا امي اقسم بالله اعمل ليها عمل اطلقها في يومها التصبر علي ........لالا يا فاطمة حرام عليك ما تفكري فيها مالك و مالها خليها في حالها و انتي في حالك ........بس امسكي بيتك و ما تجيبي سيرتها اتعاملي مع راجلك كانو ما عرس ........لكن يا امي حارة والله حارة شديد ما عارفة اذا بقدر اتحمل ولا لا ........اصبري يابتي اصبري كلو بهون بإذن الله .....
..فاتن اتزوجت جلال بس نهائيا ما عاجبها لا شكلو لا مضمونو حست نفسها اتورطت فيهو. ......قدر ما حاولت تتقبلو ما قدرت .......اما جلال عكسها تماما مبسوط اخر انبساطة بس حس انها ما بتضحك كتير و دايما سرحانة و ما مركزة معاهو ........مالك يا فتون حاصل عليك شنو ........والله صراحة يا جلال انا ما بقدر اعيش و انت في عصمتك واحدة تانية 😔.......جلال اتخلع قصدك شنو يعني ........يعني بالواضح كدا طلق فاطمة ........كيف يعني فاطمة دي عملت شنو عشان اطلقها و بعدين هي حامل .......بس تطلقها لو عايزني أرضي و اكون مبسوطة ........جلال فعلا في اليومين ديك كان بس عايز يرضي فاتن الفتانة باي طريقة ........خلاص خير بس خليها تلد قالو الطلاق في الحمل ما كويس ........وعد يعني انك تطلقها ؟ ......اكيد ان شاء الله بس اهم شي تكوني مبسوطة ........
بعد اسبوع طوالي رجعت بيتهم و جلال رجع لي فاطمة ........فاتن بقت تحكي لي امها و تقول ليها حاسة اني اتهورت والله ما عاجبني نهائيا .........مخيرة براك اصريتي خمي و صري .
يتبع.....
