طلاق رجعي

طلاق رجعي ١

صباح الخير
اول بارت واشوف التفاعل#
#طلاق _رجعي
#زينب _الموسوي#
في صخب حياتي.  وسعي وراء ان اكون
تركت لك حرية تقيدي
ستكونين لي قلتها وعشت بدوني
انتظرتك حتى نثرت سنين عمري
على شاطيء لايحمل في موجاته الا الرحيل
هاتفك المليء باسمائهن
وعيونك تراقبهن
وكلماتك تغازلهن
اعلم في داخلك عطش لكل نساء الارض الا انا

ابدي قصتي بالتحيه

المشهد التالي من حياتي حاليا 
انا مينا محاميه
حياتي في مكتب شركة محاماه كبرى في مدينه كاليفورنيا 
الوووو حاضر مستر بود 
اكيد دقايق واكون جاهزه
مجرد دقايق نعم كلشي جاهز
اووووف تعبت من معامله السيد بود اليه
مينا لملمت  اوراق وتركت غرفتي الي مكتب مستر بود
مينا صباح الخير جانيت
السكرتيره جانيت  وين الخير من يوم هذي القضيه واحنا نركض وبلافايده
مينا السيد بود راح يفقد اعصابه يمكن المتهم بريء وهو مصر يطلعه مذنب
السكرتيره جانيت ادخلي انطيه المعلومات الي رادها
دخلت على مستر بود واني اقرا المعوذات
كان في اجتماع للمحامين العتاة في الشركه والكل جالس حول  طاوله كبيره
مينا تفضل مستر بود 
نظر الى الاوراق وتنهد
مستر بود هذا ماينقصني محاميه جاهله اخرى شگد صارلك عدنا تشتغلين
مينا تلث سنوات اعمل مساعده للمحامين
مستر بود تلث سنوات ومتعرفين مااحب المعلومات بورقه كبيره قصاصات صغيره ملونه
صوته كان عالي وبقية المحامين انتبهوا على صوته
مستر بود اجلسي هناك وابدي انقلي المعلومات على قصاصات ورق
مينا حاضر
صح اني محاميه لكن اعمل كمساعده عند المحامين الكبار لسه مااخذت فرصتي المكتب مشهور صعب يغامرون وينطوني قضيه لمحاميه مبتدئه ومعظم المحامين اسمائهم معروفه الناس تطلبهم واني متحمله المرمطه من هذا وذاك والكل يگولي افرضي نفسچ اخذي فرصتج يعني كيف مااجد جواب
گعدت اسمع حديث مستر بود لبقية المحامين وارتب الاوراق
بود مثل مااطلعتوا القضيه كبيره رجل غني متهم بقتل زوجته
يدعي هو بريء شركه التامين على الحياة الي زوجته عدها اشتراك وياهم وكلتنه (الشركه) نثبت هو القاتل
القضيه مافيها ثغره اثبت هو كاذب واجيبه محاكمه الاوراق تگول حالة تسمم وشركة التامين بهذي الحاله تخسر ١٠٠ مليون تامين على حياتها وتنطيها للزوج عدكم لحد باچر ثمانيه الصبح اريد ثغره ثغره حتى لو صغيره ابني عليها قضيه وضجه
مينا (افكر يمكن هذي فرصتي)
لكن اني مو من ضمن  المحامين الي توجه الهم الكلام  رغم هذا احاول
بدوا المحامين يغادرون المكتب
بقيت اكتب قصاصات زغيره
انطيتها للمستر بود توجهت للسكرتيره البشوشه الي تعرف كل اسرار الموظفين هنا
مينا جانيت ممكن طلب
جانيت اكيد اطلبي
مينا اريد نسخه من قضيه 
جانيت تقصدين قضية رجل اعمال جان قاتل الزوجه
مينا هذا قصدي ياريت
جانيت اخذي نسخه هذي ونسخيها ورجعيها حالا
مينا حالا
استغرق الاستنساخ خمسه وعشرين دقيقه رجعت النسخه  وغادرت المكتب الساعه ثلاثه الضهر
مينا يارب السياره تشتغل تعبانه اريد ارجع للبيت ارتاح
اشتغلت السياره غيرت رائي اروح على مشوار
عياده الدكتور الي كانت تتعالج عنده مدام جان
وصلت الموجود ولد اعتقد مكسيكي لكنته غريبه
مينا هاي في تحليل عملته عمتي هنا قبل اسبوع وكلفتني اجيبه الها  اسمها مدام جان
المكسيكي. بحث بالكمبيوتر استلمه شخص قبل عشر ايام
مينا يمكن للاسف ضاع منها  ممكن تنطيني  واحد جديد
المكسيكي ثواني
كنت اريد ابحث بسجلها الصحي اذا ماتت تسسمم اريد اعرف صحتها بشكل عام وليش اخر زياره كانت لدكتور جلديه هذي المعلومه قريتها واني ارتب القصاصات لمستر بود
اخذت التقرير وطلعت للبيت
وصلت ماما موجوده اسمها لبنى لبنانيه متزوجه والدي  عراقي التقوا عندما كان والدي وعمي مسافرين من بغداد لبنان برحلة عمل التقوا بيهن بنات اثنين لرجل اعمال لبناني وخطبوهن واخذوهن للعراق وبعدها بسنين سافر عمي وخالتي واولادهم لامريكا بفيزا عمل والتحقنا بيهم بعد شهر دخلت امريكا عمري ١٤
بقية عائلتي والدي سمير  عنده معرض للسيارات واموره الماديه الحمد لله   ويعمل في مجال حقوق المسلمين حول العالم والدتي مساعده معلمه
لينا الكبيره متزوجه من ابن خالتي نوره  الي ماخذها عمي عماد
زوج لينا اسمه رياض
عيسى الاخ الاكبر يعمل مع والدي متزوج بنت عمي و خالتي  اسمها  انغام
يوسف الاخ الثاني متزوج  بنت عمي الثاني طلبها من العراق اسمها نوال نونه
واختي لينا متزوجه رياض ابن عمي وابن خالتي
اني ويوسف الي باقيين بيت والدي
يوسف يعمل في مجال التسويق ويدرس اعلام وزوجته تحاول تكمل تربيه
عائلة بيت خالتي نوره قريبين عنه اصدقاء واقارب والعلاقات تعززت بزواج عيسى من انغام  ولينا  من. رياض واني اتزوجت وائل ابن عمي وخالتي وتطلگنا لكن هذا الشي مااثر على علاقاتنا واثنينا بعدنا اصدقاء
مينا هاي ماما شلونج
امي الحمد لله تاخرتي اليوم
مينا رحت مشوار ونسيت اتصل
بابا شخبار محامية العائله
مينا بعدني انسخ اوراق وادز رسائل للعملاء والوكلاء
بابا الصبر يابنتي متاكد يجي يوم تصيرين محاميه معروفه
مينا ادعيلي بابا
بابا والله كل صلاتي بالجامع انهيها بدعاء الج
ماما المن وجع الراس هذا كله اختها تزوجت وتستت وتعمل في روضه المحاماه عمل رجال
بابا لينا مكانت شاطره مثل مينا
ماما بكرى بس ترجعي  وائل بيبطلك وتصيري بالبيت
بابا وينه وائل كل سنه يگول هذي السنه ارجعها 
ماما بنتك الي مو راضيه بالله شو خانها مع  امريكانيا   هذي مابتنحسب خيانه
بابا مينا عاقله واني اعرف الي تريده تريد تثبت ذاتها واكيد بعدين تسمع كلامنا وترجع ل  وائل تريد تصير بمستواه
ماما  وائل اتصل بيئول  متجاوبين على اتصالاته ليش في شي صاير بينكم
مينا مصاير شي مرات يصير دمه ثگيل ابتعد عنه وارجع اتصل بيه
ماما  اتصلي بيه عيب هذا ابن عمك وابن خالتك ومرات يقسى عليك  لان يريد مصلحتك
لينا اكيد هسه اتصل بيه
وائل  تخرج من التجاره ويعمل في مجال التجاره اكبر مني بسنتين من عمري تسع سنين سمعت مينا لوائل وفترة من فترات حياتي كان وائل  مثلي الاعلى وصديقي طول عمرنا اصدقاء وفترة مراهقتي كان يحاسبني على ادق التفاصيل الضحكه مااضحكها الا اشوفه يضحك وكبرت واني انتظر يخطبني  تعودت اسولف وياه واسمع كلامه بسنه كان عمره عشرين فاجاني بخبر يريد  يتزوج  بنيه امريكيه وكنت اول وحده عرفت بالخبر اني هو نقلي الخبر بيومها مااعرف اوصف احساسي بين الخذلان  وتقبل الواقع
تزوج وبقت صداقتنا وبعدها بست اشهر انفصل عن زوجته واني الوحيده الي اعرف ليش
كانت توصفه عديم المشاعر وكثير التحكم  بالمقابل عمره حاليا ٣٠. بعد طلاقه من الامريكيه قرروا اهلنا نتزوج زواجنا استمر شهرين وطلگني طلاق رجعي انتهت العده ومارجعني ومرت اربع سنوات مرات احن اله ومرات اتجنب حتى اگول اسمه
بعدنا نحب بعض ونريد نرجع