طلاق رجعي

طلاق رجعي ٩

بارت على السريع ولو مافي تفاعل #طلاق_رجع٩
#زينب_الموسوي#
الطريق الي البيت كنت اتوسل بيه يحجي يجاوبني لاتستعجلين هسه تعرفين بس نوصل
بمجرد دخولنا البيت اخذني من ايدي
سام تعالي گعودي
مينا شديصير. لخاطر الله
سام عندج شك اني احبچ
مينا لا
سام اخاف عندج شك اقسم بالله احبج مينا اني وجودي بامريكا مو لغرض التجاره للعلاج
مينا العلاج من شنو سلامتك
سام قبل سنتين اصبت بالوكيميا وتعالجت بالامارات والدتي تدير شركات كبيره هناك وفرتلي احسن تقنيات العلاج
مينا وهسه مابيك شي
سام الدكتور الي يعالجني انتقل لهنا وانتقلت اني هم بعد مااتصل بيه وخبرني عن علاج جديد
مينا ئي وشصار احجي شلعت گلبي
سام اخر تحليل سويته من سافرتي انتي بنيويورك انطوني وقت للحياة بين الاسبوعين للعشرين يوم الكبد عندي متهالك
مينا دتنصب عليه انت اكيد هذا  مقلب ها
سام اهدي على كيفج لسه مامتت اهدي
مينا اهده تعرف انت شسويت بيه
ماادري شاگول ولا افكر ليش مگلت ليش اتزوجتني
سام حبيتج وتعلقت بيج واعرف مو من حقي لان اني ميت والفتره الاخيره كان عندي امل بشفائي
مينا كل همك كان تنام ويايه كم يوم وتتركني حرام عليك اني مناقصه دمار
وكيف فكرت تخطبني من اهلي وتتزوجني وانت مريض شنو هالحظ
شسويت اني وربي ديعاقبني مره بذاك الخاين ومره بيك
سام حاشا لله المرض اختبار
مينا اسكت لخاطر الله
ونوبات بكاء تتبعها نوبات
يداه تضمني مره وتمسح دموعي مره
يهديني تاره ويتركني لجنوني تاره
مينا سام تموت وتعوفني والبيت الي حلمنا بيه والاطفال
مو گلت تاخذني للامارات اتعرف على امك
لاتتركني كرر الفحوصات يمكن في خطا
سام كررتها اول موصلت لهذي الولايه
مينا اذا متت اقتل نفسي وراك
سام استغفر الله صيري قويه
مينا اصير قويه وكل الي تريده اسويه بس لاتموت وتتركني فدوه اروحلك
سام دتزيدين عذابي اكثر
مينا وشحجيلك عن عذابي سام ليش دخلت حياتي لك احبك مااگدر بدونك
سام اششس كافي حبيبتي تعالي لحضني وكافي دموع
وخر عني روح موت وعوفني لناري
تكورت في زاويه من زوايه البيت
ايعقل مايصير لي ااودع حب مازال شابا فتيا

مرت الساعات وصار الليل اهلي يتصلون بيه مااجاوب
سام مينا اهلج ردي عليهم وكومي روحي صار الليل
مينا مارد عليهم وباقيه هنا خليهم يجوون يذبحوني ارحم اليه
سام ماادري شگولچ حبيبتي اهدي وخليني اوصلج للمكتب تاخذين سيارتج
مينا گتلك مااروح كافي تخطط واني انفذ خابر اهلي گلهم زوجتي وباقيه يمي
سام كنت اتصورج عاقله ليش تخسرين حياتج وتعرفين اني ميت
صرخت باعلى صوتي لاتگول ميت سمعتني لاتگول
اذا تعرف نفسك ميت ليش دخلتني حياتك جاوبني ليش شگلت لنفسك اخر متعه اخر غباء شنو اني
سام اخر امنيه كنتي انتي واغلى حلم عشته انتهى بسرعه لكن يسوى سنين عمري كلها مينا. اني مسافر والدتي تريدني اموت يمها وانتي متتحملين موتي
مينا لك شمتصورني صخر قبل ساعات كنت عروس عايشه احلى ايام عمري وهسه تگولي حسافر حتى اموت عند امي والله ربنا راح يحاسبك على الي سويته بيه
تركته وطلعت اخذت تكسي اريد اسيطر على دموعي صعب والافكار تنهش بيه كلماته تضرب براسي  وصلت على البيت
الكل صاير اعصاب
بابا وين چنتي ليش متجاوبين تلفونج
مينا مريضه وبقيت بالمكتب ومااگدر اسوق اجيت تكسي وتلفوني خلص شحن اسفه قلقتكم
ماما شو مالك مينا باين كتير تعبانه
مينا تعبانه وبس اريد اموت ماما حظي يختلف عن كل البشر
ماما تعالي لغرفتي واحكيلي
سمعت يوسف يگول لبابا اتصل بواىل وخلي يفضها الى متى هو متونس وهي تنتظر اكيد وحده من صديقاته دازه صورها لمينا ومنهاره
رحت مع ماما ونمت بحضنها محجبتلها شي دموعي كانت افضل وسيله للتعبير
اقمت العزاء على حبيبي داخل روحي
وندبت حضي اما أن له ان يستقيم فمساره
اما اعوج ام متعثر
الصبح گعدت ردت اروح للشغل صاحني يوسف وبابا
للمطبخ
يوسف اگعدي اتريكي انتي تعبانه ارتاحي اليوم
مينا عندي مرافعه مهمه
بابا تريگي واني اوصلج
مينا ميحتاج المحاميه ويايه تاخذني
يوسف اگعدي بين متوصل
مينا اگعود بس الله يخليكم ماريد تفتحون سيرة وائل
لان تعبانه
بابا لا يا وائل نريد نطمىن عليج شنو القضيه الي بايدج
هسه
مينا ارمله ثريه مقتوله والمتهم ابن اختها
يوسف وانتي تدافعين عن منو
مينا عن الارمله الورثه متهمينه ولگيت ادله تدينه
عن اذنكم اروح كانت اسائلتهم محاوله للمواساة
او صحوة ضمير
بالمكتب كنت اتقاتل مع نفسي افكر اتصل بسام
ويمنعني شي داخلي يرفض تصديق مرضه وموته
بالمحكمه الكل يسالني مريضه تعبانه
شفت ايزاك هناك وسلم عليه
ايزاك ماشاء الله عليج الادله الي تقدميها صعب احد ينتبه الها
مينا لا مو صعب بس يراد تركيز
ايزاك حجيت عنج لزملائي وگتلهم عراقيه مثلي ويايه انتي دتسمعين شكول لو لا شكلچ مريضه
مينا اي والله مريضه واجيت علمود المرافعه
ايزاك سلامتج ماعندج غير العافيه 
خلصت محكمه وطلعت على البيت لگيت اهلي وبيت عمي ولينا مجتمعين صار هوايه مشايفتهم
سلمت وتركتهم بحجة تعبانه اريد انام
تلفوني كان مليان اتصالات من سام
جاوبته
سام يعني فوك مرضي انتي تعذبيني
مينا خلي نفسك بمكاني تتصور سهل العرفته
سام ادري صعب وعليه اصعب قبلج الموت كان سهل
مينا لاتكول موت الكلمه هاي من البارحه لليوم سلبتني الاحساس بالحياة خلص اني متت
سام اريد اشوفج قبل لااسافر ارجوج
مينا لاتسافر ابقى
سام امي تعبانه وتريدني يمها باخر ايامي
سمعته گال هذي الكلمه نسيت وجود اهلي وبيت عمي صرخت كافي لاتگولها شمرت التلفون على الحايط صار الف قطعه مثل حال گلبي صرخت لحد انگطع نفسي سمعت خطوات مسرعه على الدرج
ماما وخالتي نوره سلامتك شو صاير ليش ترجفين
مينا مريضه اريد انام اتركوني لوحدي اتركوني
استنفذت كل طاقتي وقوتي واني اضرب على نفسي
انتبهت اخويه يوسف يمي اخذني دخلني الفراش
يوسف شبيج مينا منو مضوجج ليش كاسره التلفون
ماما هذي عين وصابتها
يوسف لامو عين هذي صديقات وائل دازات صور لذلك كسرت التلفون ماما اطلعي انتي وخالتي داحجي ويه مينا
طلعوا وظل يسولف ويايه
يوسف مناوي لاتضوجين خلي يولي احنا غلطنا وضعطنا عليج هوايه واني بالذات ضربتج وتعديت
عليج لان اخاف عليج والله مو قصدي
كنت اسمعه يحجي بس مااگدر ارد عليه
يوسف يله ارتاحي انتي وائل حسابه ويايه هسه اروح اجيبلج تلفون جديد نامي حبيبتي
طلع يوسف وتركني حاولت انام ماگدرت صار الفجر واني افكار تجيب افكار
الصبح جتي لينا عليه
لينا صباح الخير. مينا شلون صرتي جبتلج الريوگ
اليوم سبت مافي دوام راح ابقى يمج
مينا عندي مشوار مهم اروح لحياة اشوفها مشتاقتلها انطيني تلفونج اتصل
لينا هذا التلفون تحت امرج واروح اساعد ماما بالمطبخ  وبابا طلباته ماتخلص
مينا شعجب مراح للجامع بابا
لينا لا هو ويوسف وسام گاعدين بالصاله من الصبح وكل شويه طلب
مينا سام موجود من شوكت
لينا من الصبح وبابا يگول ديودعنا حتى يسافر
مينا اها
بعد منزلت لينا دزيت رساله لسام
مينا يعني ماهمك كل عذابي وراح تسافر وتتركني
سام مينا اليل مانمته اتصل متجاوبين اجيت من الصبح حتى اطمئن عليج
مينا اطمئن عايشه رغم  المراره الي احسها
سام خليني اشوفج الله يخليج ارحميني
مينا وليش مرحمتني انت اتركني اتعود على غيابك
الله وياك هذا رقم اختي لاتدز عليه
مسحت الرسائل
اتصلت بحياة
وحجيتلها اخر المصايب
حياة ولج شنو هالحظ وشلون تحملتي تسمعين كل هذا
مينا يعني شسوي بجيت لحد صفيت دموع عيني
گوليلي انتي شسووي
حياة ماادري شگولج المشكله انتي تحبيه وهو يحبج
مينا ودي ابقى وياه عمري كله وياه حسيت بمشاعر
كنت مفتقدتها بحياتي
حياة  مينا ابقي وياه وخلي عندج امل يمكن ربنا يلطف بيه وبيج ويعيش مهما كان لازم متتخلين عنه
مينا كان المفروض يگولي قبل الزواج ليش يخليني اتعلق بيه
حياة هو المريض يتمسك بالدنيا اكثر ويعرف قيمة الحياة وانتي اخر شي تمناه وراده لو گايلج موافقتي تتزوجيه
مينا تدرين هو بيتنا هسه ويريد يشوفني راح ابلغ اهلي ابات عندج واروح وياه
حياة اوكي اشتري تلفون جديد حتى اطمئن عليج
غيرت ملابسي ورحت على ماما ولينا بالمطبخ
ماما كيفك اليوم
مينا الحمد لله يوسف وين
ماما عند مرته من يوم ولدت وهو ميفارگها حظ مو زي حظك
مينا ماما اني حظي ابد ماموجود مثله لاهو صيني لاتايوان وچماله ميرهمله تصليح ولاتبديل اروح اشوف يوسف وادم
دگيت الباب يوسف هلو مناوي تعالي شلون صرتي
مينا الحمد لله ادم شلونه ونونه
نوال الحمد لله بخير
مينا يسوفي اسفه البارحه كنت ضايجه وتصرفت بعصبيه
يوسف عادي مناوي لا تهتمين لكلشي واتصلت بوائل وخبرني يريدج وهذي تسليه وتنتهي
مينا اوكي خليه على راحته اگولك اريد اروح لحياة وابات عدها اليوم ضايجه وماله من الشغل
يوسف اخاف اهلها يتضايقون
مينا هو منو عدهم امها وابوها اخوانها تزوجوا وطلعوا
يوسف اوكي روحي واخذي هذا التلفون ودخلي الشريحه
مينا شكرا ليش كلفت نفسك كان اني اشتريت
يوسف يله شصار هو تلفون
بالصاله كان بابا موجود وناداني مشيت باتجاه
الباب وتصادمت عيوني بنطرات سام كانها عقاب
دنگت وسلمت ردوا اثنينهم
بابا تعالي مناوي سام عنده قضيه يمج بخصوص شغله
وگع گلبي
مينا شنو ياقضيه
بابا شبيج خفتي يريد يصفي شغله هنا وميعرف شلون
سام ياريت تساعديني مينا
مينا انشاالله صفي اعمالك بس المفروض تاخذ رائي شرگائك وتنطيهم خبر من وقت مو تتركهم گدام امر واقع
سام بلغتهم ومنتظر قرارهم
مينا ليش شيگدرون يسوون انت قررت وخلص
بابا هو قصده ماعليه مسووليه اذا صفى كلشي وراح اخاف شركائه يزعلون او يتضايقون من تصرفه
وهذي تجاره اكيد يحتاجهم ويحتاجوه
سام اي هذا قصدي ومستعد لاي حكم يريدوه اي تعويض
مينا اكيد راح يطلبون وقت انطيهم وقت اذا تگدر
سام اكيد انطيهم الوقت الي اگدر عليه
مينا بابا اني رايحه لحياة صديقتي بعد اذنك
بابا تفضلي بنتي
اخذت سيارتي وصلت على البيت فتحت الباب
جنطة سفره كانت جاهزه فتحتها كلها اوراق ملابس شي بسيط
اكيد ميحتاج ملابس هو ديموت كلشي ميحتاج
جنطه مابيها ادويه معقوله حتى علاج بعد ميفيد
مرت نص ساعه فتح الباب سام
ساد الصمت وعز الكلام عيون تبحث عن مهرب حتى
لاتلتقي بعيون
مينا متدري شگد شفت قهر ومصايب بحياتي لكن مرضك اكبر مصيبه
تصورت  انت راح تكون السعاده  خنت ثقة اهلي وتركت العاطفه تتحكم بقراري  ياريتني ماعرفتك
سام من گلبج تگوليها
مينا لا مو من گلبي اتمنى تحس بقهري ياريت تشوف گلبي وتعرف حرگته سام صعب الوضع الي  راح تتركني بيه
سام اني غلطان ونادم لو كنت اعرف تتاذين ماقتربت منج خطوه صدگيني كان في امل بالشفاء مينا اذا تحبيني اتركي العتاب وانسي النهايه لاتفكرين بيها
في ناس بصحتها وتموت فجاءه
مينا مراح اتحمل رحيلك تصدگ اذا گتلك انت اول حب بحياتي
سام مصدك
بين عتاب ولوم ودمع واقناع مضت ساعات
هل سمعتم عن اثنين يتبادلن الحب وسط عزاء
ولطم يضرب حنايا القلب بصمت
وانامل تمسك جسد تعرف سيغادر الحياة
ان لم تسمعوا فاسمعوا اي حال انقضت ليلتي
تلك
وبعدها كان الصباح
مينا لازم اروح سام
سام متروحين وانتي ضايجه اضحكي واعوفج تروحين
مينا اضحك على حظي الاغبر
سام صدوك صار هوايه مگايله خرب حظي هذي جملتج المعهوده
مينا خرب حظي الف مره
سام  احبچ مينا احلى شي صار بحياتي انتي
سامحيني الله يخليج
مينا كلام موادع ها
هز راسه ئي
سام باوعيني اخر مره وگولي احبك ومسامحتك
مينا احبك ومسامحتك يارب متموت وترجعلي
يارب اتصل بيه من توصل للامارات يمكن تتحسن
سام مااريد اعذبج اكثر لو مااتصلت يعني
مينا اشششش لاتكمل