في بنات طلبوا نشر هذي الاجزاء لان متطلع عدهم ح اعيد نشرها بدون صوره #طلاق_رجعي١٦#
#زينب_الموسوي#
انتظرت عودته من السفر اريد اعرف
سبب تصرفه ويايه
ومن رجع كنت متوتره وخايفه سالته
مينا وائل شبيك من رجعت حتى مارديت عليه السلام
وائل تعبان بعدين احجي وياچ
مينا احجي هسه احسن متتركني اكل بروحي
وائل مينا حاولت اكون وياج زوج مااگدرت صعبه عقلي مامتقبلج مع ان گلبي رايدچ طول الوقت اتصورج وياه اختنگ ومااعرف شسوي
مينا افتهمت شعورك طلگني وارجع ل أ هلي على الاقل اشتغل
وائل هذي المشكله مااگدر اطلگ اخاف اضيعچ مره ثانيه ابقي ويايه انطيني وقت انسى
مينا مراح تنسى والنار داخلك كل يوم تكبر ويضيع عمرك وعمري لا احنا متزوجين ولا متطلگين
وائل سالت شيخ عن وضعنا نصحني نبقى لعل الله يحدث امرا
مينا حدث الامر نسيت شنو قبل لاتسافر على العموم بكيفك
اريد اشتغل
وائل اشتغلي ماعندي مانع
مينا
تركت امرنا للايام وبديت العمل بمكتب محاماة مختص بقضايا تخص الطلاق والورث مع محاميه ايرلنديه اسمها باتي
باتي هذي كتب تقريها حتى تعرفين قوانين الطلاق والورث وتقاسم الاملاك بين الازواج
مينا حقيقه اني ممشتغله بهذا المجال لكن ممكن استوعب بسرعه وابدي اخذ قضايا
باتي مستر بود حجالي عنك وعرفت تركتي شركته لان تزوجتي هنا
مينا صحيح
دوامي كان ساعات محدوده ويومين بالاسبوع
وائل شنو هذي الكتب كل وقتج مخلصته بيها
مينا لازم اعرف هذي القوانين محتاج شي
وائل ميصير اني گاعد لوحدي تعالي نطلع
مينا صار ابدل ونطلع
كنت احاول اتقرب من وائل رغم ان الغليان بگلبي يزداد يوميه
الغليان من سام وخداعه اليه ولاهلي ولغيرنا
الحرگه داخل گلبي واني اشوف وائل بين رغبته اليه ورفضه لتقبلي
ايام وليالي بنفس الفراش وايده توصلني وترجع
ضعت وضيعت نفسي واحترامي كل ليله النا سوا تخلص بحسره منه احس بيها واعرف الي داخله بركان غضب
وائل بشنو تفكرين وصافنه
مينا داافكر بيك تحبني بگد مااحبك
وائل شنو هالسؤال الغريب
مينا مو غريب كافي تمنع نفسك عني ادري بيك تريدني وتبعدني عنك غصب
وائل حاولت وماگدرت ثاني يوم الصبح گعدت حتى مااريد اشوفچ
مينا يعني الي كان السبب متمتع بحياته وعايش واحنا ندفع الثمن
وائل مينا سدي الموضوع مااحب نقاش بيه
مينا والى متى ساكتين وائل
وائل گتلج كافي كافي انتي السبب رخصتي نفسچ وذليتيها لواحد حتى اسمه الثلاثي متعرفيه خليني ساكت
مينا اوكي لاتعصب طالعين نتونس وننسى
بقينا ساكتين تركنا السياره بمكان وطلعنا نتمشى حتى نوصل لشجره كبيره وقت الكرسمس
مينا وائل الزم ايدي واحنا نمشي مثل باقي البشر الواگفه
وائل يله لزمنا ايدچ لعلمچ ذوله كلهم چذابين ديراون الناس على اساس همه سعداء
مينا يدعون السعاده ولا يحرمون نفسهم منها
مرت ساعه واحنا واگفين نتفرج المنظر بهيج
مينا وائل سنه جديده راح تبدي شنو رائيك نبدي بيها من جديد ننسى احنا منو وليش افترقنا كانما التقينا اليوم
وائل اعرف نفسي مااگدر
مينا احاول اذا تحبني
وائل لو مااحبچ ماتحملت الصار يوم وفضحتج وطلگتج تحملت لان ميهون عليه اهلچ يذلوچ ويبهذلوج رغم اني ذليتج بس شسووي اي واحد مكاني يسووي هيج واكثر
مينا كمل الدور وارجع اليه
وائل ليش تريديني ارجع
مينا من اني طفله اتمناك زوجي مااعرف ليش
وائل وليش ماتحملتي ويايه شهرين وطلبتي الطلاگ
مينا كنت طفله وانت خنتني وظليت تخون وتدور اعذار وائل احنا عمرنا كله سوا
وائل اريد احس تحبيني مو رجال تخلصين وياه عمرچ شلون مچان
مينا انطيني فرصه وراح تحس بيه
وائل صعب مينا نظرتي الچ تغيرت اتمنى مينا القديمه الي لفيت الدنيا واني متاكد منتظرتني
مينا انتظرت ولحد الان منتظره لاتبقى بنزاع وتباوعنيي بعين وحده متشوف الا خطيئتي محتاجتك وائل ابتسم ابتسامه حزينه گعدنا بمكان قريب كان في زوج وزوجته واطفالهم ديعلموهم التزلج ويضحكون وفرحانين
مينا دتشوف شگد سعداء باطفالهم
وائل تعتقدين بيوم راح نكون مثلهم تتصورين نكمل سوى
مينا نحاول على الاقل اذا افترقنا نگول حاولنا
وائل انشاالله مانفترق كافي دموع حبيبتي
خليت راسي على چتفه وايدي بايده وبقينا نتفرج
رجعنا للبيت
आप पढ़ रहे हैं
طلاق رجعي
रोमांसفتاة تعيش في المهجر وتقع ضحيه لرجلين وهناك في القصه من المفاجأت الكثيره اترك للقارى معرفتها
