طلاق رجعي

طلاق رجعي ١٨

#طلاق_رجعي١٨#
#زينب_الموسوي#
بعد ليلتنا تلك غادرت شيكاغو احترام لرغبة وائل مااحبيت ابقى واسببله احراج امام الناس اذا اعيش بفندق او شقه وصلت لاهلي
بين اللوم والاسئله والاجوبه بدوا اهلي يتقبلون الواقع

وائل مينا سافرت لاهلها. فقدت اعصابي وياها وسقطت الورقه الاخيره بينا وانكشف الامر
تاكدت من فكتوريا سام ورا موضوع التحرش
ومع ذلك تصرفها خطا  المفروض اول واحد تخبره اني ونتصرف سوا
تحملت الملامه  من اهلي واهلها
وموضوع الحمل جعل موقفي اصعب
من تعيش عمرك مؤمن بشي صعب تغير ايمانك ايماني كان اني ومينا لبعض
اني ومينا تزوجنا مره مكنت فيها مستعد للارتباط والزواج
ونفصلنا ودخلت بعلاقات وكنت ارجع بعد كل علاقه اريدها اكثر
اشبه حالتي وياها مثل الي يرتكب معصيه تحت تاثير مخدر بس يصحى يحس بالذنب ويحاول يكفر عن ذنبه بالنهار وبالليل يرجع لنفس الذنب
مينا كانت التوبه وعلاقاتي الذنب
ورجعتها لحياتي زوجه واكتشفت علاقتها بسام حاولت جهدي اتركها
ماگدرت ايام وليالي اضربها واخذها بحضني نبچي اثنينا على الصار
ياترى في انسان اكثر ضياع مني 

مينا اتصل سام بيه بعد استقراره بنيويورك
سام راح ادزلج العنوان محتاج فلوس خلال يومين
مينا اني وائل انفصلنا ورجعت لاهلي
سام ميهمني والدج ثري وانتي محاميه امورها ماشيه
مينا ليش متنتظر احصل طلاك من وائل واخذ املاكه ونرجع اني وياك سوا واملاكي تصير تحت امرك
سام يمتى تحصلين الطلاگ
مينا بديت بالاجراءات وعن قريب اصير مليونيره
سام اوكي انتظرج بس اي غدر تدفعين ثمنه غالي
مينا تعرفني مساالمه وماغدرت بيك قبل
انطيت سام جرعه مسكنه من الوعود بالثروه الطائله وبدا يتصرف بغباء بمجرد صدگني
اتصلت بالصحفي الي يعرف عناوين الزوجات السابقات والتقيت بيه ماخبرته شي عن شخصيتي
الصحفي ليش تريدين المعلومات
مينا شغله ابتزاز بيني وبينه اكثر مااگول
الصحفي تعرفين هو بال اف بي اي واي شخص يشتغل هناك اله ناس تحبه وناس تكرهه
مينا وانت اكيد تكرهه واطمئن اسمك ميجي باي اجراء والمبلغ الي ردته ادفعه كاش مافي دليل عليك او عليه
الصحفي انطيج العناوين وكوني حذره اول زوجه فيكي بنيويورك
ثانيه جاكلين باريزونا
الثالثه فلسطينيه اسمها انوار بالامارات
الرابعه هاتمن يهوديه بنيويورك
الخامسه مجهول العنوان ومترد  على التلفون
السادسه جوزفين في فيلادفيا

طلبت المعونه من مستر بود
وايزاك والمحامي سبنسر

اجتمعنا كلنا
مينا مااريد ادخل ال اف بي اي اشتكي عليه بصفته مواطن
سبنسر تحتاجين رقمه الاجتماعي لان اسمه ممعروف
ايزاك ويمكن الزوجات يرفضن رفع قضيه في حالة متزوجات ومستقرات
مينا نجرب ونشوف
مستر بود ليش تريدين تنتقمين كنتوا اصدقاء
مينا انتقم لبابا وامنع تكون هناك ضحايا اخرين
ايزاك اتصلي بالزوجات واني اساعدج
سبنسر اني اساعدج
مستر بود اساعد بشرط ترجعين تشتغلين عندي
مينا اوكي هذي قضية عمري ولازم اكسبها
اتصلت بالزوجه الاولى فيكي
مينا معك المحاميه مينا انتي فيكي صحيح
فيكي صحيح بشنو اساعدج
مينا في شخص اسمه ادوارد راح ارسلك صورته شوفيه وجاوبيني تعرفيه لو لا
وصلتها الصوره
فيكي هذا جوردن كان زوجي ومات بمرض لوكيميا
مينا حضرتي جنازته ودفنه
فيكي لا اختار يموت وحيد وانقطعت اخباره
مينا يعني ماطلكج
فيكي ميت كيف يطلقني
مينا للاسف عايش ومتزوج غيرج بغير اسم وايضا مفهمها راح يموت اسمه الحقيقي ادوارد
گامت تبچي وتگول كل هذي السنين
مينا عندج عقد رسمي معاه
فيكي عندي
(اكيد ال اف بي اي ساعدوه يعقد عليها )
مينا مستعده توگفين بالمحكمه وتگولين متزوجته فكري بكل الايام والليالي الي تركچ بيها تبجين وتتصورين مات وهو متزوج وحده ثانيه
فيكي مااگدر استوبع كان يحبني كيف اصدگ استغلني واتزوج غيري بينا قصص وذكريات ارجوج اتركيني هسه  افكر واتصل بيج
مينا فكري والقضيه بيها تعويض
كل زوجات كانن نفس الاجابه وعدني يردن عليه
واجاني الرد من زوجتين فيكي وجاكلين وافقوا يرفعون القضيه
فيكي كانت كبيره بالعمر وبعده ممتزوجه وعايشه على ذكرياته
وجاكلين عدها صديق
اتصلت باتي وبدت برفع القضيه
وبلغت وائل وارسلتله كل المراسلات بيني وبين الزوجات واتصل بيه

وائل حياتي بدونها  فارغه الفتره الي عشنا بيها سوى زرعت بگلبي الف بسمه ولهفه وحب
رغم هي متعرف تطبخ ماعدها الجراءه مثل باقي الزوجات  تتعاجز من شغل البيت  تدور اعذار حتى تبقى نايمه لكن كانت تحاول ترضيني ودمها خفيف
تحشش حتى عاى نفسها
عرفت بدت بالقضيه لكن مو هيه المحاميه
دورها مساعده وبس
اهلها عرفوا بالقضيه  واقنعتهم تريد تنتقم لوالدها اتصلت بيها

وائل تركي القضيه مينا تراجعي هسه احسن من الندم 
مينا  وائل  القضيه مااتركها انت اوگف ويايه مثل ماوگفت ويايه من عرفت زواجي منه
وائل اهلج راح يعرفون وتنزلين من نظرهم ومن نظر الناس والمجتمع
مينا مااگدر طريق ولازم اكمله
وائل تخسريني للابد
مينا انت خليتني بهذا الاختيار  ليش متگوف بجانبي
وائل ولج هذولي اف بي اي  راح يسووج ارهابيه سيىئة السمعه صورج بالمجلات والجرايد وكل قذاره يطلعوها عليج
مينا مراح اشتكي عليه بصفته من ال اف بي اي بصفة مواطن اخترق القانون بعدة زواجات واسمي ميعرفه
لان اني مجرد مساعده اكتب مرافعات وابحث عن ادله واثباتات
وائل تعبتيني مينا وراح تعبين

مينا سافرت لنيويورك والتقيت بزوجته الاولى واخذت توكيل منها
وبعدين سافرت للزوجه الثانيه
وقدمت باتي القضيه في ولايه نيويورك
وتبلغ عن طريق عنوان السكن
وهذا السبب الي خلاني اتصل بيه باخر لحظات حتى ميغير العنوان

تلفوني يرن باتي
باتي القوا القبض عليه وبدت التحقيقات حاولي تغادرين نيويورك سريعا
مينا اكيدراح احجز اول طائره
باتي ونهائيا لاتبينين للناس انتي طرف بالقضيه خليج مجهوله حالج حا ل زوجاته السابقات الباقيات منريد ناذي وائل واهلج
مينا غادرت نيويورك واستلمت اتصال من سام
سام مينا محتاج احد يكفلني حتى اطلع من السجن
مينا ليش انت مسجون شنو التهمه
سام تعدد الزوجات مااعرف منو منبش ورايه
مينا اكيد شخص من ال اف بي اي يكرهك ويريدون يحرگون اوراقك ويخلوك تقضي عمرك بالسجن
سام اكيد همه هذي دائما طرقهم المهم اريد الكفاله
مينا ياريت اگدر مااحب اورط نفسي ويه الحكومه باي
اتصلت باتي
مينا اخاف يطلع بكفاله ويترك البلد
بتاتي احاول اطلب طوق الدجتل يوضع بقدمه حتى ميغادر. لمسافه بعيده
مرت يومين  مافي احد كفل وائل وانعرض للقاضي وانكر التهم وتحدد موعد اول جلسه في مدينه نيويورك

اهلي كانوا مجتمعين  وبيت عمي وخالتي نوره نودع يوسف ونوال وادم يريدون يسافرون لاهل نوال بالعراق
خالتي نوره مقاطعتني وكل حجيها  مغثه
خالتي بعد ابني مراح تلائي حدى
مينا اصلن اني ماادور غيره
خالتي وليش تركتيه
مينا هو عصبي واني ماتحملت
خالتي الطفل بس تولدي اخذه
مينا الطفل ابنا اثنينا خاله حاولي تحجين ويه وائل گوليله مينا تحبك ومتگدر بدونك
خالتي لك انتي وياه شي عجيب هو يصيح احبها وانتي تصيحي احبه شو المشكله
مينا والله مااعرف اساليه عن اذنك تعبانه اروح انام
تركت الحضور وصعدت لغرفتي مااريد اشغل بالي
عندي امل نرجع سوا وكل الي اسويه
حتى الملم قطع صورتي الي انكسرت بعين وائل وبعين نفسي

كنت اراسل باتي يوميه ونتحدث بالتفاصيل ونكتب الاسئله للشهود
والرد على اسالة محتمله لمحامي الخصم
اقتربت المحكمه كنت في الشهر الخامس من الحمل وانتقلت مؤقتا لنيويورك ومعي باتي وائل قطع حتً الاتصال بيه
ومرات اسمع اخباره من لينا اختي