طلاق رجعي

طلاق رجعي ١٢

ارجوكم. الباقي بكرا تصبحون على خير #طلاق_رجعي ١٢#
#زينب_الموسوي#
وائل مناوي حبيبتي من وصلنا للفندق لحد الان مابطلتي بچي
ليش منو مات
مينا مريضه وتعبانه گتلكم اجلوا الزواج مافاد
وائل مناوي ترى كلها شكليات اني وياج متزوجين قبل هذي مامعقوله متوتره وخايفه واحنا متزوجين
مينا داگولك مريضه افتهم عاد مريضه
وائل افتهمت بس ليش تبچين معقوله مرايدتني لعد ليش انتظرتي سنين
مينا الله يخليك اذا تحب امك وابوك
اتركني وروح نام بغير مكان فدوه اروحلك
وائل ههههه والله تضحكين عبالك اول مره متزوجين يله اعوفج على راحتج
اول مترك الغرفه قفلت الباب عليه
نزعت البدله من اشوفها احس داضحك على روحي

وائل فتحي الباب ملابسي جوا
مارديت عليه
وائل بسيطه مينا انتي الجبتيه لنفسچ
دخلت لفراشي
ادور على حل فكره
ماكو غير احجي لوائل
يعرف الحقيقه مااگدر اعيش بالكذب
كذبت مره وندمت
انتظر باچر الصبح واگوله
التعب والقلق كانا الوساده والغطاء لي حتى الصباح
صحيت عاى دفرات واىل للباب
من الفزه فتحته
وائل شمتصوره نفسج انتي ها ميت عليج وتقفلين الباب
اسمعيني زين الگابه هذي خليها الج
وافتهمي اني متعود على كيف ونسه تصرفات البارده مالتج هي السبب الدفعني للامريكيات امشي عدل لا والله اندمج
ليش تبحين من الصبح تفكرين بيزاك
وداعتج عشر دقايق ويايه انسيج ابوه
مينا وائل ليش مگتلي مرجعني لذمتك
وائل هوايه اسباب منها كرامتي گدام اهلي اذا عرفوا مرجعج وانتي متقبلين
والسبب الثاني كنت اريد اعيش حياتي واخلي الزواج والمسووليه اخر شي
وبعدين مصار شي هاي رجعنا لاتكبرين الموضوع
مينا وائل اريد احجيلك موضوع مهم
وائل خلي مواضيعج هسه انتي ماوراج غير القهر اسكتي راسي يوجعني واعصابي منهاره
واول واخر مره تسوين سواية البارحه
افتهمتي  المهر الجديد الي دفعته يزوجني تلث نسوان وكلهن اصغر واحلى منج بس اني ماافتهم
(شحجي وياه هذا )
وائل وين رايحه تعالي يمي
مينا جوعانه وعندي ادويه لازم اخذها
وائل هنيالي ادويه فدمره جهاز انعاش متحتاجين
بدت التلفونات مره اهله ومره اهلي
ماما ها مينا كلشي تمام
مينا تمام ماما شوكت تجوون
ماما وائل وصى البارحه محدى يجي لعدكم للفندق هههه
مينا باچر اسافر اني غير تجيين تودعيني
ماما اجي بكرى على المطار
مينا اذا بقيت عايشه لبكرى
ماما بعيد الشر عنك روحي لزوجك
(هو اني اعرف منو زوجي )
بقى وائل نايم للعصر وبس گعد سويت نفسي نايمه على القنفه ماحس الا صوته عالي
وائل لج متجين تنامين يمي ليش هنا بيه مرض اني مو بعينج مينا ترى وصلت حدها
مينا وائل انت ليش عصبي حتى اخاف احجي وياك
وائل افففف خلص اسف مو قصدي انتي تنزفزين
مينا والله مريضه والادويه ساطرتني
وائل وينها الادويه التاخذيها
مينا بالغرفه ليش
راح للغرفه اخذ الادويه وذبها بالزبل
وائل متحتاجين ادويه بعد
سكتت لان مبين عليه يدور مشاكل
وائل تعالي يمي مشتاقلج
مينا بس اگعد دنسولف
وائل گعدنا تاليها شنو وياج
مينا اگولك شراح اسووي بشغلي
وائل لاتشتغلين ماخليج تحتاجين شي
مينا بس اني احب شغلي ماتفقنا اعوفه
وائل اذا عاجبج شلعان الگلب اشتغلي بشيكاغو احصلج مكتب واشتغلي
مينا جوعانه ننزل ناكل بالمطعم
وائل هنا يجيبوون الاكل وناكل
مينا لا عفيه اريد انزل لخاطري
وائل گومي بدلي وننزل
گمت ركض
وائل لاتنسين تقفلين الباب عليج
مينا حاضر
بدلت على السريع اجى يحاول يفتح الباب
وائل لج هاي صدوگ قافلته
مينا فتحته مو انت گلت اقفليه
وائل سالفتج يرادلها صفنه
مينا يله ننزل جوعانه
احاول اكسب وقت لحد اشوفه يهدا واحجيله كلشي
ظليت المطعم اطلب طلبات بس حتى يمر الوقت
وكل الي اسويه كان يعصبه بالزايد
وائل تدرين شگد صارلنا هنا تلث ساعات مشايفه اكل مفجوعه
مينا جوعانه من البارحه مااكلت عادي اني ادفع اذا كلفتك هوايه
وائل بيچ بوكس على وجهچ يحوله خارطه وگوه لازم نفسي هي تدفع
ليش بخيل اني وانتي تدفعين
مينا اه اه معدتي بطني راح تنفجر
وائل هنيالك وائل دگومي نصعد
بالمصعد بقى يدردم مشايفه اكل
شبيج والله خزيتينا لج البنات الي چنت اطلع وياهم من تاكل سلطه تظل تبچي وتسووي رجيم اسبوع
مينا لعد مااخذت وحده منهن ليش رجعتني
وائل ها طلع لسانج مو انتي مريضه
مينا اه بطني معدتي راح اموت خليني اروح اماما اه ياماما الحگيني
وائل صدوك كافي تعالي اوديج لاهلج
وگف المصعد ونزل وصاح تحركي يله
رحت وياه
اصعدي السياره وصوتج مااسمعه
كان يسوق بعصبيه وميحجي لحد وصلنا بيت اهلي نزل ودك الباب فتح بابا
واني بالسياره گاعده
اشرلي تعالي
طلعت
وائل عمي خليها عدكم ترتاح مريضه واكلت هوايه اني رايح
حرك سيارته وراح
بابا شبيه وائل
مينا اني مريضه وهو عصبي ميتفاهم
دخلت ماما ويوسف تحقيق
مينا گتلكم هو عصبي واني مريضه اريد ارتاح عدكم اسئله اسالوه هو
نمت بغرفتي وتركتهم يحللون على راحتهم
الصبح طلع ماما گعدتني على محاضره وغلط ورزاله
ماما شمتي العالم فيكي اتطلئي مره تانيه شو عليه مفكرى حالك زغيره الي بعمرك اولادن بالمدرسه
ئومي وائل جاي ياخذك وتسافري معوا
مينا منو گال راح اسافر وائل اتصل
ماما اتصل وحكى كلشي ليوسف وابوكي عرف وراح يجن
(اوووف شراح اسوي هذا اذا عرف اكيد يفضحني عد اهلي )
غسلت وبدلت ملابسي نزلت يوسف وبابا عيونهم توزع شرار
مينا صباح الخير اشو وائل تاخر  خطيه المرض اشتد عليه وهو متحمل
انشاالله اصير زينه من اروح لشيكاغو
بابا انتي مريضه لو تعاندين
مينا طبعا مريضه قابل متقصده اشلع گلبه لوائل خطيه حتى صاير عصبي
انهزمت للمطبخ نوال كانت لوحدها
نوال مينا يوسف تخبل البارحه من سمع قافله الباب ونايمه لوحدچ
مينا هذا وائل شگد حقنه ولاايتحمل شقى كنا نتشاقى اني وياه
نوال بربچ هذا شقى
مينا اني هذا شقاي وهو معاشرني ويعرفني ليش رجعني
عزا الباب يندگ اكيد وائل
اروح اسلم عليه
فعلا كان وائل وجهه مثل قطعه القماش الملونه وتذبيها بنص القاصر تصير كل جزء لون
مينا صباح الخير وائل اي ساعه نسافر
وائل الظهر لازم تروحين للفندق تحضرين جنطج اني مااعرف
مينا صار هسه اروح
طلعت وياه بعده عصبي ومطايق الدنيا
وائل تحتاجين شي قبل لنسافر
مينا سلامتك بشيكاغو عندك بيت لو شقه
وائل مو گتلج بيت اكبر من بيتكم وحديث وماثث احدث موديلات بس انتي متستاهلين گلبج اسود
مينا خلي انت گلبك ابيض وتحملني
وائل متحمل ومنتظر اخرها
مينا متحمل وانت ماخليت واحد ماگتله قفلت الباب
واىل احسن خليهم يعرفون حتى محد يلوموني من اتصرف غير تصرف
وصلت للفندق اجمع اغراضي وادعي ياربي ميتقرب مني
مااعرف شلون كملت وگتله
كملت يله نروح للمطار
واىل قبل المطار تروحين تسلمين عل اهلي
مينا اوكي اروح
طلعنا سلمنا عليهم ورجع سيارة اخوه وصلنا للمطار وانطلقت الطائره
طالت الرحله ام قصرت
لابد من الاعتراف
ولابد من العقاب 
وصلنا على البيت وائل كان متباهي بيته بشكل ومجرد ان وصل وجد بهجه ان يفرجني البيت
وائل شوفي الحديقه ورد انواع نادره طلبتها وزرعوها اليه
وتطليعه البيت كلها حجر
تعالي شوفي الشبابيك كلها دبل متتاثر بالعواصف
ويعدد ويوصف
ها عجبج البيت
مينا يجنن الله يسعدك بيه انشاالله
وائل الله يسعدنا اثنينا مناوي حبيبتي
بدت خطوات تقترب من القنفه الگاعده عليها   دنكت
خلصت الحجج
اگولك مشفت الحديقه زين تعال نطلع نشوفها
وائل لاتصيرين حديقه وخلي عندج ذوق تعبتيني
مناوي شبيج  سنين تتنظرين وهسه صاده عني
مينا وائل اني
وائل انتي شنو  تحبيني زعلانه مني
راح اعوضج وتشوفين وائل ثاني يحبچ ويخاف عليج
مينا اذا تحبني اسمعني
وائل تعالي ويايه لغرفتنا واسمعج للصبح
مينا هذا الحجي لازم يصير قبل غرفة النوم
وائل هم صدوك يعني الا غرفه النوم البيت كله النا
كان قريب مااگدر احجي اخاف يضربني ردت اتحرك
تحرك اسرع مني وضمني اله
مينا واىل بس انطيني فرصه احجي حرام الي دتسويه
وائل احجي وانتي بحضني داسمعج
مينا عفيه كافي واسمع مني
وائل خليها لغوتج بعدين هسه دخلنا بالجد مااگدر اتراجع واسمع شروطج
حاولت ادفعه عني مااگدرت
مينا اوگف اني على ذمة رجال  ثاني
استغرق الامر ثواني لحد مشال راسه عني
وائل شگلتي عيديها بالله
مينا سمعتني وخر عني وافتهم
تعابير وجهه كانت رعب حقيقي
وائل احجي لج بسرعه
مينا وائل قبل لااحجي انطيني الامان
وائل ماعندي امان الج وتحجين لااكسر راسچ  احجي
مينا اخاف روح بعيد عني شويه
لزمني من شعري ونزل راسي حيل
تحجين لو اتخبل
مينا وائل من اتصلت بيك وحلفتلي مامرجعني كان في ولد متقدملي
واهلي رفضوه
وو ك
وائل كملي لاتگطعين
مينا كنت احبه وعقدنا بدون علم اهلي
وائل سمعت هذي الجمله من مينا
ذبحتني من الوريد للوريد
ضربتها وضربت وضربت گلبي نزعته من مكانه بحجيها
وائل واحد غيري لمسج
سلمتي نفسج لغيري وبالسر مثل الساقطات زوجتي وتعقدين ويه غيري
دمرتيني خنتيني مسويه نفسج شريفه
وتبيعين فتاوي براسي
منو ولج منو صاحبج احجي
مينا مو صاحبي والله عقدنا
وائل لاتخبليني منو ايزاك سام
مينا سام
وائل سام الامريكي الجاسوس الذب ابوج بالسجن وراح وعافج مو ياواطيه
ياساقطه اذا تدورين ونسه ونوم ليش ماخبرتيني واجي استرج بدل الدياحه الانتي بيها
مينا خابرتك الف مره وحجيتلك ماحسيت بيه شتتصور اني مو بشر
تاركني سنين وانت متونس وحلفت انت ممرجعني
وائل گومي لج اطلعي برا مااگدر اشوفج
مينا وين اروح
وائل شوفي اي واحد نامي وياه
مينا  بيمن تتصل
وائل ابشر اخوانج وابوج يجون يغسلون عارج يالصگط
ركضت على التلفون ولزمت ايدي
مينا تتحمل الفضيحه وكرامتك وصورتك گدام الناس واصدقاىك
اتحملني للصبح واترك بيتك واطلع من حياتكم كلكم وتخلص مني اذا اهلي عرفوا شراح تستفاد
وائل شتحجين انتي تريدين اتحمل خيانتج ولج انتي زوجتي ليش ماگلتي قبل الحفله
مينا والله حاولت مانطيتوني  مجال
اهلي ماريدهم يعرفون الله يخليك اعتبرني متت وانساني وتزوج غيري باچر الصبح اترك البيت
وائل صدوگ حقيره وادبسزز ولچ والناس العرفت رجعنا والحفله الي صورها ماليه الانستگرام واهلي واصدقائي مافكرتي
مينا شتريد اني گدامك بس بابا واخواني مااتحمل اشوف الاحتقار بعيونهم
وائل ومافكرتي بعيونهم وانتي تخونينهم ليليه ويه كلب ابن شوارع شعرفتي  عنه وانطيتي نفسج
مينا وائل كافي فدوه راح تموت من الحرگه والله لو اعرف مرجعني ماقشمرت  نفسي وغلطت هذي الغلطه
مينا سد التلفون وفكر بحجيي
انت طرف بالمشكله لاتشيل ذنبها لوحدك وتصير حجايه ادري كلام الناس يهمك وحفلة العرس الي سويتوها بكليفورنيا صورها على الانستگرام تحجي بزواج الشاب العربي الثري من بنت عمه اذا تريد ابقى وياك شهر  فدوه اهدء وفكر  لجئتلك وانت ابن عمي
وائل اسكتي خليني افكر بالمصيبه السوده مالتج
مدام مينا كم واحد الي عقدوا عليج خلال هذي السنين
مينا لو حجيك صدوك خليتك مغفل ومشيت عليك الموجود واعيش زوجه وحبيبه ولا من شاف ولامن عرف
وائل لا خطيه ضميرج حي
مينا وائل انت تعرفني كلش زين لذلك ظليت متمسك بيه كنت مطلگه منك وشعري ماگصه الا بموافقتك القميص ماشتريه الا من اختيارك اتصلت بيك ردت انهزم من سام الك گتلي مية هلا وراها بيومين گتلي مسافر ويه وحده
هذي الوحده بشر واني شنو
وائل وحق حرگت گلبي الا اخليچ تتمنين الموت وسام هذا اني ادفعه الثمن غالي
تعرفينه وين هسه
مينا مااعرف عنه اي شي
وائل بسيطه باچر اجيب  معلومات عن هذا الحيوان الي انتهكج وذبچ فضاله عليه
مينا حتى ال اف بي اي ميعرفون
وائل ال اف بي اي عرفوا بيج ومصيبتج
وائل محد يعرف اني وانت وصديقتي حياة
وائل حياة السمسار بهذي العمليه شگد نسبتها ياطايحة الحظ على هذا التصرف التعيس
ولج عرفتج صخر ماينجرف شجاج
مينا غلطت وانت ياما غلطت
وائل اني رجال وانتي حتى مو مره  بقايا مره زباله انتي
اسمعي ولچ راح تشوفين ايام سوده ثمن خيانتج الي اني الي اقيم عليج الحد
عمرج يضيع وانتي عندي
واني اتزوج مره واثنين ويصير عندي اطفال
مااستر عليج بدون ثمن
الثمن عمرج كله
لا شغل لاطلعه لاسياقه
بسيطه مو اني الي تفرطين بشرفه
وانتي وسام راح تدفعون الفاتوره
غاليه جدا
حياة تگطعين علاقتج بيها سمعتي
مينا حاضر
وائل منو الشهود كانوا تعرفيهم
مينا مااعرفهم ولا شافوني ولاشفت الشيخ كان امريكي
وائل ولج عملتح حتى بنات الليل ميسونها
اني رجال وحافظت على سمعتي بهذي الولايه كنت من روح ويه وحده اخذها لغير ولايه اخاف الناس تنتقدني
وانتي بنفس الولايه ماخفتي من اخوانج ابوج الله ماخفتي منه
ئي سوي نفسج ندمانه وابچي
شگد فترة الدياحه مالتج بقت
مينا عشرين يوم
وائل گلبي راح يوگف
اتمنى هسه اني بالعراق واگطعج بسچين واغسل عارج
لكن هنا يسوونج ضحيه وشريفه واني متخلف وكلب ابن كلب
بسيطه يا مينا الايام بينا
تريدين اهلج ميعرفون مو
لعد تتحملين الي العقاب