طلاق رجعي

طلاق رجعي ١٣

لعيون السهراننين
#طلاق_رجعي١٣#
#زينب_الموسوي#
وائل كل التهديد والحجي والضرب الي اتخذته ردة فعل على مينا مكان كافي حتى يهديني
مينا كانت اليه النقاء شخص اعرف طباعه وتصرفاته اگدر ارتاح بقية عمري وياها ومتاكد ماتخون وتتحمل وتضحي
طلعت غلطان وماعرف شلون هذا الامريكي فر راسها  وسلمت نفسها
بگلبي نار اتخبط. بقراراتي اريد ااذيها
ماريدها تبچي وبس
اريدها تموت ندم
مينا من حجيت لحد الان وائل حابسني بالقبو واخذ التلفون مني
استاهل واكثر
الندم اكبر  عقاب ياكل بروحك لحد متكره نفسك
عزا فتح الباب
وائل تعالي سجلي كولشي گلتيه
مينا ليش
وائل لاتسالين نفذي وانچبي
مينا شتريدني اگول
وائل احجي عن مغامراتج ويه سام
مينا ماعندي مغامرات اتصلت بيك حلفتلي مامرجعني اتزوجته بعقد وشهود ومهر  غير هذا. ماعندي
وائل هذا كافي التسجيل يبقى عندي
استخدمه يمتى مااريد
مينا روح اصعد وعوفني حاولت انقذك من هذا الوضع اصريت زواج وحفله وسفر 
وائل اريد ااذيج وارتاح كولي شاسوي
كان يفتر بالقبو رايح جاي لحد ما صعد ركض واجى بيده تلفوني
وائل خابري ايزاك اريد اعرف علاقتج وياه ليش موديلج تهنئه على الزواج
مينا انطيني التلفون
اتصلت بايزاك كانت الساعه قريب ١٢بالليل
ايزاك مينا خير شصاير
مينا مصاير شي بس شفت التهنىه وحبيت اشكرك ولو الوقت متاخر
ايزاك عادي مصار شي واتمنى تكونين سعيده ولو ماكلتي راح تتزوجين
مينا تعرف احنا لقائتنا كانت بمجال العمل وثواني نسيت ابلغك وشكرا مره ثانيه
ايزاك كل الهلا بيج اخت عزيزه وغاليه مينا تحياتي لوائل
سديت التلفون اخذه مني وراح صعد
الصبح كان باب القبو مفتوح صعدت
ادور جنطتي حتى انزلها
اخذتها صاح عليه
وائل نزلي الجنطه وتعالي شوفي شغلج بالمطبخ
هزيت راسي ئي ونزلت غيرت ملابسي
وصعدت
مينا شتحب تتريگ
وائل لازم الامريكي نساج شحب واكره
مارديت بعده يغلي لعد لو اهلي يدرون شيصير بيهم  وائل ميحبني وميت قهر
دخلت للمطبخ وبديت اسوي اشياء بسيطه للريوگ دگ تلفوني هو جاوب
وائل هلو خاله شلونج مينا بالحمام تطلع وتتصل بيج
سده امج تريد تسمع اخبار بتها المصون الشريفه المحاميه الذكيه
ماادري شلون متحمل وساكت
خليت الريوگ على الميز عباله راح اگعد وياه اخذ الريوگ وطلع للحديقه

احاول اهدي نفسي وماارد عليه يمكن يسكت خايفه عليه يموت حتى صوته انبح من الصياح البارحه
دخل بعد دقايق
وائل صديقي خالد وزوجته عازمينا  غدى بيتهم
تروحين عادي وتتعرفين على زوجته مره محترمه تعلمي منها شلون تحترمين نفسج يصيحولها ام احمد
مينا حاضر
من صار وقت الطلعه نزل اختار ملابسي
وائل هذا تلبسيه وشعرج ارفعيه

طلعنا بسيارته انتبهت على ناطحات السحاب بمزكز المدينه
اعلى منها همومي وحزني
تركمت احزان فوق بعضها حتى نسيت لما حزني
وهل سيفارقني
وصلنا البيت كان عدد الضيوف تقريبا عشر اشخاص
زوجات اصدقائه
ام احمد اهلا وسهلا بعروستنا شلونج
مينا وبيج اكثر شلونج ام احمد
دخلنا بقاعه مفتوحه بعيده عنهم
ام احمد وائل كان على طول يحجي بيج ويگول محاميه وذكيه
مينا الحمد لله فعلا اني محاميه
وائل وكان يگول تحبون بعض وصارت ضروف فرقتكم
مينا كنا صغار   وماعرفنا نتصرف
ام احمد هسه عيني كبرتوا والتم شملكم اگولج ليش هذي الالوان القاتمه انتي عروس
مينا هو يحب البس رسمي
ام احمد ياعيني يغار عليج الله يخليكم لبعض يارب
مينا خليني اساعدج
تعرفت على بنيه اسمها سهير حبابه ومتزوجه جديد وبنات غيرها
كلهم حبابات طلعنا بعد الغدى رجعنا للبيت
اول موصلت دگ تلفونه اخذه وراح لغير غرفه انتهت المكالمه وطلع مثل المتعارك ويه نفسه
وائل تفضلي بت عمي المصون صاحبج سام
عميل مخابرات اسمه ادوارد امريكي امه وابوه امريكان منفصلين عايش بملجا بالطفوله
غير معروف الديانه يعني مو مسلم مو عربي
داخل عدة عمليات بدول عربيه ومنها العراق والامارات متعلم كم لغه
ماخذ دورات عن الدين الاسلامي
متزوج ست مرات كلهن يعتقدن هو ميت
يحب يمزج العمل بالمتعه يعني كل عمليه يروحها يلكه وحده رخيصه مثلج وينصب عليها
مبروك مناوي خاتون عقدج كذب بكذب اصلن مو مسلم  يعني الي كان بينكم زنا جاب واحد امريكي على اساس شيخ يعقدلج گرة عينا بيج
اخذتني الرجفه كلي ولزمت جسمي باديه احاول اسيطر على نفسي
خليت راسي بين رجليه
صوته وهو يضحك عليه يمزق اوصالي
اخذ التلفون
وائل الوو عمو تعرف منو مخبر عليك
سام واصلن لامسلم ولاعراقي
ئي مينا هم مصدومه
بلي عمي معلومات اكيده من داخل دوائر رسميه
دخلي اشوفه والله لا اسويه عبره
بعد ماغلق الهاتف
سالني عندج نسخه من العقد
الشيخ شفتيه العقد الكم
ماعندي القدره اجاوب
متردين مقهوره على حبيب الگلب يطبج مرض ظلي بمكانج يمكن تموتين
بقيت ابچي ومنزله راسي دخل غرفته
ساعتين ادور على قوة اوگف على رجليه مااگدر
تركت نفسي ملقيه على الارض
لعلها تضمني بين اغوارها واغور فيها
بقبر يضمني
واكون نسيا منسيا
اي عار واي مصيبه  جلبتها لنفسي وقد بلغت من الكبر  عتيا
العصر مدده على الارض حركني برجله
گومي غبيه اصدقائي مسووين حفله
على شرفج ياشريفه
مينا مااگدر اگوم
وائل ليش حاده على سام گومي لج
جرني من الگاع
اخاف حامل حتى تكمل الفيچ والفي نغولتج
گومي البسي فستان اسود والعقد الماس الي جبته لخلقتج المتسوا
نزلت الدرج تغيب روحي من جسمي وترجع اريد اصرخ ومااگدر
عميل مجهول الديانه متزوج ست مرات عايش بملجأ يمزج العمل بالمتعه
كنت متعه تسليه
بجيت وبجيت ولطمت وجهي لحد اديه اذتني
طلعنا وصعدت السياره وياه
طلع سريع
وائل شايفه وجهچ بالمرايه ناصبه عزى على سموري
يله كلها كم يوم وشوفيلج واحد ثاني تسلي خو تبقين صاينه نفسج
دسويها والله اذبحچ  عبالج مااگدر شوفي
بطريق مفتوح طلع سريع
وائل افتحي حزام الامان
مينا ليش وخفف السرعه راح نموت
وائل افتحي الحزام داگولج
فتحت الحزام       وائل افتحي الباب افتحي الباب لاتخبليني
فتحته خايفه دفعني بايده وگعت على الشارع والسياره افترت ونضربت السايد الثاني وگف
رجليه واديه تجرحت اسناني دم  وملابسي تمزقت والسياره انضربت من صدرها
نزل واتصل بالشرطه
وائل تگولين حادث سمعتي
مينا رجليه تاذيني
وائل عساج بالكسر
اتصل باصدقائه
وائل صار عدنا حادث بالطريق
لا اكيد نجي هسه بس ناخذ تقرير الشرطه حتى شركه التامين تعوضنا
اندار عليه شفتي هم كسرتج وهم راح اخذ تعويض بيج
وبعد اذا ما قتلتج بحادث وهم اخذ تعويض
مينا اكيد انت تخبلت متخاف اكول للشرطه هو دفعني
وائل دجربي گولي واني هم اگول لعيسى ويوسف
وذولي اذا عرفوا تنسين انتي عايشه يحبسوج لحد تتمنين الموت
وصلت الشرطه
الشرطه كنتي لابسه حزام الامان
مينا نسيت البسه
الشرطه وكيف الباب انفتح
مينا مااعرف فجاءه انفتح وگعت
الشرطه كيف افترت السياره
وانل شفت زوجتي وگعت فقدت السيطره وانضربت
الشرطه متناولين كحول نسويلكم اختبار

وائل برد دمي واني اشوف رجليها واديها دم
اجتي الشرطه حققت وكتبوا تقرير اخذت تكسي
ورجعت على البيت
وائل بدلي نروح للحفله
مينا ياحفله متشوف حالي
مابيج شي والكل يعرف حادث البسي شي طويل ميبن وجهج عادي وارم خلي الناس تضحك عليج
ضمدت رجليه واديه ولبست فستان ثاني
واخذني بسيارته الثانيه
وائل هذي السياره كنت محضرها الجهرتج الجايفه
مينا عندي سياره يوسف راح يشحنها اليه
وائل تحلمين اخليج تسوقين شنو رائيج بحادث ثاني
كلامه كان بطريقه هستيريه
وصلنا على الحفله قبل لندخل
وائل ذولي ناس اوادم تجار وهذا النادي اني من ضمن المؤسسين بيه احترمي نفسج مو تروحين تكبلين ويه واحد وتفضحيني
ليش متردين ردي حتى اادبچ
مينا كافي تحرگ دمك وتهين
الله عاقبني قبلك واني گتلك الحقيقه لان ماردت اغضب الله بمعصيه ثانيه وائل بداخلك تعرف انت هم غلطان من تركتني والله شكيتلك وگتلك محتاجتك تعال گتلي انتي التقاعد اخر المطاف
وائل انچبي احسنلج يله نفوت جوه
دخلنا الحفله رجال عرب وامريكان وعراقيين وزوجاتهم وعوائلهم
كنت اراقبه يضحك ويسولف ويه اصدقاىه وكل شويه يلتفت يشوفني شدااسوي وحده من الموجودات
تعالي شنو هذا الدم من راسج
مينا وينه
دم دينزل على گصتج انتي مضروبه براسچ تعالي ويايه
گمت حسيت بهبوط وگعت بين الكراسي

وائل مينا كانت مضروبه براسها بالحادث من وگعت الظاهر راسها مضروب باب السياره
وگعت بالحفله واخذتها للمستشفى ضمدوها
الدكتور زوجتك تعاني من صدمه نفسيه قويه وهبوط بالضغط  وفقر دم
تحتاج علاج يومين 
وائل اخذها للبيت وهناك تتعالج
دكتور تگدر تاخذها وتطلب ممرضه الها
وائل مااريد ممرضه اني موجود
دخلت الغرفه عليها
وائل بعد شتريدين حامل الف الف مبروك
خلي ابشر اهلچ
مينا مستحيل اني مو حامل
وائل بكيفج بت عمي لاتصدگين
گامت من السرير لبست ملابسها وترجف وجهه اصفر طلعت تدور على الممرضات صادفت الدكتور
مينا دكتور اني حامل
الدكتور لا مو حامل
تحركت باتجاهه
وائل الحادث ماثر عليها دكتور ومتعرف شتسوي
اسفين
رجعت لمكانها گعدت وظلت تبچي
وائل هههههه اله اطلع ونستج ويه سموري موت احمر عليج گومي نرجع للبيت اريد ارتاح
مينا وائل الله يخليك عوفني بالمستشفى ارتاح
وائل گومي لچ ترتاح

مينا
وائل فقد السيطره على تصرفاته ماالومه واهلي لو يدرون يسوون اكثر
رجعت على البيت منهكه حتى التفكير مااگدر افكر
بالليل نزل للقبو
وائل هذي صديقتج حياة جاوبيها وگلليها بعد لتخابر
مينا ممكن تروح وتخليني احجي وياها
وائل لا ممكن احجي وفضيني
گعد على الگرسي گبالي
مينا هلو حياة شلونج
حياة هلو شلونج الاخبار شنو
مينا الحمد لله انتي شنو اخبارج
حياة ليش تبچين شبيچ وائل عرف شي
مينا اتركي هذا الموضوع واطمئني اني زينه
حياة والله مامبين عليج زينه
مينا حياة راح اطلب منچ طلب بس والله على عيني اگوله
حياة اطلبي گدامچ
مينا مااگدر اتواصل وياج بعد ظروفي متسمح وائل ميقبل
حياة ليش اني شبيه حتى وائل ميريدج تتواصلين ويايه
مينا حشاج والله انتي تاج على الراس بس اعذريني واسالي عليه اختي لينا وانطيها اخبارج كل مره باي
حياة باي الله وياج