طلاق رجعي

طلاق رجعي ١٩

الاخير وتصبحون على خير #طلاق_رجعي١٩#
#زينب_الموسوي#
اذنت لنفسي
بجعل خطواتي للامام
تركت التباكي على مامضى
واستنهضت قوتي
لاعود من جديد حاملة كرامتي
بدت اول جلسات محكمه سام الي تفاجا بوجودي وجلوسي في جهة المحاميه باتي
القاضي
نظام
المحكمه معقوده بناء على طلب مقدم من فيكي وجاكلين للنظر في ادعائهم بالزواج من المدعو ادوارد
الي يواجه تهمه تعدد الزوجات
اسم سام راح يكون ادوارد بهذا الجزء
القاضي وجه سوال لادوارد
هل انت مذنب ام لا
ادوارد غير مذنب سيدي
القاضي محامي الادعاء يتقدم
تقدمت باتي بخطوات واثقه كنت اراقب نظرات سام
كلها قلق وتوتر اول سؤال كان لفيكي بعد ماجلست
على المنصه سالتها كيف تعرفت على ادوارد
فيكي كنت اعمل في شركه ادويه بريطانيه وهو كان مستثمر طلب مني اعرفه على  صاحب الشركه (افتهمت سبب كان يريد يعرف اسرار الشركه والادويه الي تصنعها حتى ال اف بي اي تنطيها لشركات امريكيه ) وبدت علاقتنا
باتي شنو كان اسمه بذاك الوقت
فيكي جوردن وامه اصلها ايرلندي مثلي واتصلت بيه وكان يعرف كولشي عن الايرلندين
المحاميه كم استمرت علاقتك بيه والتقيتي باحد من اهله
فيكي شهرين وماالتقيت باحد وزواجنا تم خلال يومين
باتي وكيف انتهت علاقتك بيه
فيكي خبرني بعد الزواج هو مريض ويفضل يموت عند امه بايرلندا
باتي ممكن تحجين للمحكمه عن حجم الالم والحزن الي مريتي بيه
فيكي صعب اوصف الم  اگدر اقربلكم الوضع بجملة كنت عاجزه عن الاستمرار بالحياة واتمنى الموت كل يوم حتى اشوفه
بدت تحجي وتبجي  باتي طلعت ورقه العقد
باتي هذا توقعيك مدام فيكي
فيكي توقيعي
باتي سيد ادوارد هذا توقيعك
ادوارد توقيعي
باتي ماعندي اسئله 
القاضي محامي الدفاع يتفضل

محامي احب اشرح ظروف العقد
موكلي تزوج  من مدام فيكي واكتشف بعدها مرضه
لذلك قرر يبتعد عنها ويجنبها الالم وبعدها تعالج التقى بفتاه ثانيه هي جاكلين واحبها وتزوجها بدون مينهي عقده مع فيكي لان اعتقد
عدها حياتها الخاصه وماحب يحرجها
باتي اعتراض
القاضي تفضلي
باتي مده عقده بين الاولى والثانيه تلاثه شهور في شخص يشفى من لوكيميا بثلاثه شهور
ياريت نعرف اسم الدكتور الي عالجه خلي الناس تروح عنده
والشي الثاني حتى لو اعتقد عند زوجته الاولى حياتها الخاصه لازم يطلقها اول
وادعائه امه ايرلنديه كذب
وتكررت نفس الاعذار بالمرض مره ثانيه مع جاكلين
حضره المحامي ياريت موكلك يحدد موقفه مريض لو لا
وليش بعد الزواج يتمرض
استمرت المحاكمه وادوارد طلب شهادة زملاء اله بال اف بي اي
وگال للقاضي ذولي يگدرون يوضحون اسباب زواجي  اني مو محتال خدمت امريكا
اسالوا ال اف بي اي
خفت لايتحول الي بطل وطني والصحافه تكتب وال اف بي اي تدخل وتفضح كل زواجاته واني منهم
اعترضت
مينا سياده القاضي الدعوة مدنيه مالها اي دخل بجهاز عظيم مثل ال اف بي اي واعترض على شهاده اي شخص من هؤلاء الاشخاص في المحكمه وارجو حجب اسمائهم في تسجيل المحكمه حفاظا على حياتهم وسرية عملهم
احنا امام شخص استخف بمشاعر نساء ضعيفات
واستخف بالقانون يحاول يخلط الاوراق لينجو بفعلته
ومن هذا المكان اعلن اعتذاري لجهاز ال اف بي اي ولعوائلهم المحترمه وارجو مراعاة عملهم الجبار
القاضي ملاحظه مهمه مو اي مهوورس بالزواج يتهم ناس تحمي امن البلد
محامي الدفاع اعترض على كلمة مهوووس من حضرتك القضيه ماانتهت والقرار ماصدر
القاضي القضيه واضحه والمتهم متزوج ست مرات اثنين بس الي تقدمن بالشكوى
ادوارد مينا تحاول تنتقم مني لان عدها غايه شخصيه ويايه
عليت صوتي
مينا حضرة القاضي ارجو تسجيل هذا الاتهام ضدي
واطالب بعدم خلط الاوراق  حيث يحاول المتهم تشويه سمعتي المهنيه ويعتبر القضيه شخصيه
القاضي تحدث مع ادوارد اي اتهام للمحاميه تفتح قضيه جديده عليك اصمت وعندك شي بلغه لمحاميك
وبأدله وشهود
القاضي نادوا على السيده جاكلين
تقدمت نفس الاسلوب كانت تشتغل مذيعه في اذاعه تتحدث بالروسيه وحبوا يتجسسون على الاذاعه
بنهايه الجلسه تاجلت لليوم الثاني اربكني امر واحد يمكن سام يحجي عن علاقتنا
اتقدمت احجي وياه
مينا لو تطرقت لعلاقتنا راح يكون دليل عليك
وراح ارفع قضيه نصب عليك وقضيه ابتزاز عندي صور ومحادثات تثبت يعني اقل شي عشر سنين
عن اذنك
اليوم الثاني من المحاكمه تاجلت تلث ايام  بسبب مرض ادوارد ونقلوه للمستشفى
رجعت للفندق ارتاح وافكر بالمرافعه الختاميه
وكتبتها
واتصلت باهلي اطمئن عليهم
بابا ماشبعتي من شلعان الگلب وترجعين وتحاولين
تتصالحين ويه وائل
مينا شنو اتصل بيك وائل
بابا وائل يمچ بنيويورك يريد يحضر المحاكمه
مينا صدوك تحجي بابا
بابا وعيسى اخوج معاه وائل فهمنا هذا ثارنا كلنا ميصير نتركها لوحدها
مينا شيقصد ثارنا كلنا
بابا سام دخل لبيتنا وخدعنا واكل وشرب والتالي قدم تقرير عليه باطل وكذب
مينا بابا عن اذنك وائل يتصل