أشعر بك

الفصل الخامس والثلاثون

دلف مازن لغرفته وأخذ حمامه المنعش وخرج بعد ان ارتدي ثيابه
فوجد والدته مقبلة نحوه وجلست متأوه علي المقعد جانبه

نظر لها بهدوء وقال بضيق

_ مش كنتي وافقتي وجبتلك بنت عم حسون تساعدك

نفت مني برأسها واخذت محرمة ورقية تجفف بها عرق جبهتها وهي تقول

_ انا مبحبش حد يعمل معايا حاجة طول عمري انا اللي بعمل ومبسوطة كده
وبعدين مرام مش بتحب اكل حد الا انا ومش بتيجي اصلا من وقت جوازها
والبت نعمة دي مُتعبة بعد اقولها روحي وتعالي لما طاقتي تخلص
وملوكتي مسبتنيش دا لسه طالعة قبل ما تيجي بدقايق عشان تاخد شاور وتجهز

مط مازن شفتيه وقال بابتسامة عابثة

_ خلاص يا ست البنات عرفنا انك لسه بومب وزي الفل والبت نعمة مُتعبة وقِلتها أحسن

ضحكت مني وقالت وهي تنهض

_ مش هرد عليك يا مازن واه لسه زي الفل أن كان عاجبك ياحبيبي
يلا هروح اخد شاور انا كمان زمانهم علي وصول

***********************

اخرجت سلمي ملابس مكونة من بنطال جينز غامق وكنزة بيضاء
وعندما خرجت من دورة المياه وجدت باب الشقة يُفتح
هربت مسرعة للغرفة متمسكة بمنشفتها

دلف مروان وهو يضحك بشدة بعد ان شعر بحركتها السريعة فعلم انها تهرب منه
اتجه للغرفة بخطوات بطيئة ليعطي لها مجال لترتدي وهو يضحك وفتح الباب بقوة وكأنه يريد الامساك بها
فكانت ترتدي البنطال مسرعة حتي تعثرت به

وقف يضحك بقوة واقترب قائلا بعبث

_ طب انا مالي بقي انا جاي متأخر وبعدين واضح انك بتتلككي عشان تتأخري و....

قطع حديثه وهو يري عينها في اتساع وحرجها شديد بينما يدها لا تتوقف عن سحب البنطال

اعتدلت ملاك في وقفتها وقالت بتوتر

_ والله ما قصدي اتأخر اسأل طنط مني والله لسه طالعة يعتبر
اتأخرت عشان كنت بعمل معاها و..
ابتلعت ريقها وتوقف حديثها علي اقترابه وهي تنظر لنظراته المتأملة لها

اغمضت عينها تتنفس بقوة وقالت بهدوء

_ عارفة اني اتأخرت اوي وزودتها والله وعارفة ان كده كتير و....

وضع اصابعه علي فمها ليقطع سيل مبرراتها الذي لا ينتهي وقال بنبرة هادئة عميقة وهو ينظر داخل عينها

_ انا مطلبتش مبررات ومش مضايق بالعكس انا بحبك بس كده

ارتعشت شفتيها كإرتعاش قلبها تماماً وهي تتلقي نظراته للعميقة لها
فقال مروان بينما امتد ذراعه خلف ظهرها جذباً لها حتي التصقت به
- امممم ريحة الشامبو دي حلوة اوي
ظلت متسمرة وهي تنظر له تشعر أنها للمرة الاولي تري لون عينه البني الصافي
فقال مروان وهو ينظر لها بابتسامة
- ايه ؟ .. شكلي امور ؟!
ابتلعت ريقها وانزلت بصرها عن عينه وعادت ترفعها له بصدمة عندما سمعته يقول ببساطة
- انا هبوسك دلوقتي بصراحة ومش عاوزها مفاجأة ليكي
لم تجيب فقط مرت لحظات !!